Composite Culture | Daily Urdu news | Current Affairs

میسوری طوفان ایک قومی سانحہ: اوبامہ

2011-05-30T15:16:00.000+05:30

واشنگٹن : امریکی صدر بارک اوبامہ نے میسوری میں گذشتہ ہفتہ کے طوفان کو ایک قومی سانحہ سے تعبیر کیا اور ہر شخص کو تلقین کی کہ وہ کم از کم 5تا 10ڈالر عطیہ دے کر تعاون دیں۔اس طوفان میں زبردست جانی و مالی نقصان ہوا ہے۔ تازہ ترین اطلاعات کے مطابق 105افراد لا پتہ ہیں اور 10کلو میٹر رقبہ میں زبردست تباہی مچی ہے نیز 139افراد ہلاک ہوئے ہیں۔صدر اوبامہ نے یقین دہانی کرائی کہ وفاقی حکومت اس قدرتی آفت سے ہونے والی تباہی سے نمٹنے کے لئے ہرممکن مدد کرے گی۔

Read In English

یمن میں سات دھماکے، مظاہرین پر فائرنگ 3ہلاک400زخمی

2011-05-30T15:15:00.003+05:30

صنعا: یہاں سات زبردست دھماکوں سے پورا شہر اور اس کا مضافاتی علاقہ دہل اٹھا ۔ یہ دھماکے صنعا کے جنوب میں واقع شہر تائز میں احتجاجیوں کی ایک ریلی میں شامل حکومت مخالفین کو منتشر کرنے کے لئے پولس اور سیکورٹی فورسز کی کارروائی کے فوری بعد ہوئے۔شہر کے ایڈمنسٹریٹیو بلاک کی جانب بڑھنے والے مظاہرین کو تتر بتر کرنے کے لئے سیکورٹی فورسز نے آنسو گیس کے گولے چھوڑے اور گولیاں چلائیں جس میں 3افراد ہلاک اور 400سے زائد زخمی ہو گئے۔یہ احتجاجی مارچ مقامی نوجوان انقلابیوں کی تحریک چلانمے والے ممبران کے زیر اہتمام کیا جا رہا تھا۔ ان مظاہرین کا مطالبہ تھا کہ ان کے ایک ساتھی کو ، جسے سیکورٹی فورسوں نے گرفتار کر لیا ہے، رہا کیا جائے۔

Read In English

امریکہ کو اسامہ کے ٹھکانے تک خود طالبان نے پہنچایا

2011-05-30T15:15:00.000+05:30

لندن : یہاں میڈیا کی ایک رپورٹ کےمطابق امریکہ کو ایک طالبان رہنما نے پاکستان کے ایبٹ آباد میں القاعدہ سربراہ اسامہ بن لادن کی موجودگی کی خفیہ اطلاع دی تھی۔ایبٹ آباد میں اسامہ کی راہئش گاہ کے کمپاﺅنڈ سے ملے کاغذات سے پتہ چلا ہے کہ اسامہ کی پناہ گاہ کا راز خود اسامہ کے معتمد خاص اور طالبان کی شریک بانی ملا عبداالباردار نے امریکہ پر ظاہر کیا تھا اور امریکہ نے جواب میں اسامہ کی ہلاکت یا گرفتاری کے بعد افغانستان میں طالبان کے مضبوط ٹھکانوں سے فوجیں واپس بلانے کی پیشکش کی تھی۔ابھی تک یہ کہا جا رہا تھا ہ اسامہ بن لادن کی موجودگی کی خبر اسامہ کے ایلچی اب احمد الکوئتی کی جانب سے کی گئی فون کال کو درمیان میں ہی اچک لینے کی وجہ سے مل سکی تھی۔لیکن پاکستان میں گردش کر رہی اس خبر سے پتہ چلا ہے کہ باردار نے اسامہ کو پکڑوایا ہے ۔باردار ملا عمر کا بھی بہت قریبی ساتھی ہے اسے گذشتہ سال کراچی آتے ہوئے گرفتار کر لیا گیا تھا اور اکتوبر میں اسے تفتیش کے بعد رہا کر دیا گیا تھا۔سیکورٹی ماہر نیل ڈین کے مطابق باردار کا ملا عمر اور اسامہ بن لادن سے بہت نزدیکی تعلق تھا اور وہ افغان حکومت سے مذاکرات بھی شامل تھا۔

Read In English

مارکسی ایم ایل اے کی خود کشی

2011-05-30T15:14:00.003+05:30

کولکاتا: بصیر ہاٹ نارتھ انتخابی حلقہ سے مارکسی کمیونسٹ پارٹی کے ایم ایل اے مصطفیٰ بن واسم نے اتوار کی شب ایم ایل اے ہاسٹل کی عمارت کی تیسری منزل سے چھلانگ لگا کر خود کشی کر لی۔پولس ذرائع کے مطابق ایم ایل اے نے تیسری منزل سے چھلانگ لگائی اور وہ وہ نیچے ٹین کے ایک شیڈ پر آکر گر اور موقع پر ہی دم توڑ دیا ۔وہ 80برس کے تھے۔حادثہ کی اطلاع ملتے ہی وزیر اعلیٰ ممتا بنرجی جائے وقوع پر پہنچ گئیں۔ وزیر صنعت پارتھا چٹرجی نے کہا کہ متوفی کے پاس سے خودکشی نامہ بر آمد ہوا ہے۔ انہوں نے کہا کہ قاسم 1977میں پہلی بار مغربی بنگال اسمبلی کے لئے منتخب ہوئے تھے اور اس کے بعد پھر 1991سے 2011تک ممبر اسمبلی رہے وہ کچھ عرصہ سے گردہ کے عارضہ میں مبتلا تھے۔انہوں نے یہ بھی بتایا کہ قاسم یہاں مغربی بنگلا اسمبلی کے اسپیکر کے چناﺅ کے موقع پر ان ممبران اسمبلی میں شامل تھے جو یہاں اپنے چناﺅ حلقوں سے آکر جمع ہوئے تھے۔قاسم کی ہلاکت سے سی پی ایم کے ممبران اسمبلی کی تعداد گھٹ کر 39اور بایاں محاذ کی 61رہ گئی ہے۔

Read In English

نائیجیریا میں کئی بم دھماکے12ہلاک ،20زخمی

2011-05-30T15:14:00.000+05:30

ابوجہ: مقامی قانون نافذ کرنے والے افسروں کے مطابق نئیجیریا میں کے شہر باﺅچی میں کئی بم دھماکوں میں کم از کم 12افراد ہلاک اور تقریباً 20دیگر زخمی ہو گئے۔کہا جاتا ہے کہ یہ دھماکے دہشت گردوں نے کئے ہیں ۔ یہ دھماکے اس مے خانہ میں ہوئے جو فوجیوں کے تصرف میں ہے اور وہ وہاں مے نوشی کرتے ہیں۔ باﺅچی شہر ایک ایسے علاقہ میں بسا ہوا ہے جہاں جنوبی نائجیریا کے عیسائی اور شمالی حصہ کے مسلمان آباد ہیں۔یہ دھماکے ملک کے نئے عیسائی صدر جوناتھن گڈلک کی تقریب حلف برداری کے چند گھنٹے بعد ہوئے۔باﺅچی کے پولس سربراہ عبد القادر محمد اندبوا نے بتایا کہ اتوار کی شب اس فوجی بار میں تین دھماکے ہوئے جن میں 12افراد ہلاک ہوئے جبکہ 4زخمیوں کی حالت نازک ہے۔اپریل م یں جیسے ہی انتخابی رجحانات آنے شروع ہوئے اور جوناتھنکی فتح کی جانب پیش قدمی ہوئی پر تشدد وارداتیں ہونے لگیں جس میں کم از کم 800افراد ہلاک ہو گئے ۔ مسلمانوں کا اصرار تھا کہ اس بار کسی مسلم صدر کی بر سر اقدار آنے کی باری تھی۔

Read In English

ایران میں مارچ 2012میں پارلیمانی چناﺅ کرانے کو گارجین کونسل کی منظوری

2011-04-19T08:59:00.000+05:30

تہران : ایران کی گارجین کونسل (شورای نگہباں)نے وزارت داخلہ کی اس تجویز کو منظور کر لیا ہے کہ ملک کے آئندہ پارلیمانی انتخابات مارچ 2012میں کرائے جائیں۔ایرانی وزیر داخلہ مصطفےٰ محمد نجار نے اعلان کیا کہ گارجین کونسل نے 2مارچ 2012کو نویں پارلیمانی انتخابات کرانے کی منظوری دے دی ہے۔ایرانی وزارت داخلہ نے ایک ہفتہ قبل یہ تجویز گارجین کونسل کو بھیجی تھی۔گارجین کونسل (ولایت فقیہ)چھاسلامی ججوںپر مشتمل ہے جن کا تقررسپریم لیڈر اور پارلیمنٹ کے منتخب کردہ چھ وکیل کرتے ہیں۔آئینی طور پر کونسل ہی صدارتی ، پارلیمانی اور ایکسپرٹ اسمبلی انتخابات کے لئے امیدواروں کی جانچ کرتی ہے۔

Read In English

Asfandyar says Saraiki-majority region is a province

2011-04-19T08:58:00.002+05:30

http://www.urdutahzeeb.net/current-affairs/news/asfandyar-says-saraiki-majority-region-is-a-province-3

ISLAMABAD: Chief Awami National Party (ANP) Asfandyar Wali Khan Sunday described removal of Zulfiqar Mirza from Sindh home ministry as a PPP’s personal decision, adding that ANP considers Saraiki majority region ‘a province’, Geo News reported.

Addressing a press conference here, ANP chief denied impression of other parties’ involvement in Mirza’s ouster.

“ANP will punish its activists if found involved in criminal activities in Karachi,” he claimed.

He said that Prime Minister Yousuf Raza Gilani’s Afghanistan visit would bear good fruits and termed PM’s visit ‘an onset’ of resolution to Pak-Afghan conflicts.

To a question, he said only FATA is a terrorism-torn region. He lauded the government’s resolve to take all coalition partners on board before budget for the next fiscal year.

“ANP has constituted a party to seek budget advices,” he added, urging that the government must implement on 18th amendment.

ANP has kicked off registration of new members to reorganize party, he announced. “Inter-party elections will be held on October 15, ” he informed.

Death of Middle Eastern Billionaire Shakes Kuwaiti Stock Market

2011-04-19T08:57:00.002+05:30

Kuwait’s Nasser Al-Kharafi who has a net worth estimated at $10.4 billion, died this past week-end of a heart attack in Cairo. The 67-year-old businessman chairs the Kharafi Group, one of the Middle East’s biggest conglomerates and a pillar of the Kuwaiti economy, with stakes in more than a dozen companies. The Kuwait stock market took a small tumble losing close to 1% of its value.

News of his death hit hard telecom company Zain Group, with shares dropping more than 3%. The Kharafi Group, which is the second largest shareholder in Zain, had been trying unsuccessfully for months to sell its stake to the UAE’s Etisalat. At one point, it even considered an offer from Saudi Prince Alwaleed Bin Talal Alsaud to buy its Saudi operations, which would have cleared a regulatory hurdle for Etisalat.

The Kharafi Group also owns a stake in National Bank of Kuwait, the country’s oldest bank and one of the best managed in the region. Its star advisory board includes billionaires Naguib Sawiris of Egypt, Turkey’s Suzan Sabanci Dinçer, and India’s Mukesh Ambani, as well as Pimco’s Mohamed El-Erian.

http://www.urdutahzeeb.net/current-affairs/news/death-of-middle-eastern-billionaire-shakes-kuwaiti-stock-market-3

ٹاٹا انڈیکا اب لندن کی سڑکوں پر دوڑے گی

2011-04-02T11:39:00.000+05:30

نئی دہلی : ٹاٹا موٹرس کی سب سے مقبول کار ٹاٹا ویستا اب انگلینڈ کی سڑکوں پر جلد ہی نظر آئیں گی۔ انگلینڈ اور خاص طور پر لند ن کی سڑکوں پر ان کاروں کو دوڑانے کے لئے ملک کی سب سے بڑی دیسی آٹو کمپنی نے بڑے زور شور کے ساتھ اس کی تیاریاں شروع کر دی ہیںہندوستان میں تو یہ کار ڈیزل اور پیٹرول کے سہارے دوڑتی ہے لیکن انگلیند میں یہ ایک الیکٹرک کار ہوگی۔ کمپنی نے اس کے لئے کاوینٹری میں ایک پلانٹ لگایا ہے۔ ٹاٹا موٹرس کی برٹش برانچ کے انجینیروں نے یہ کارتیار کی ہے۔ اس یونٹ کا نام ٹاٹا موٹرس یوروپین ٹیکنیکل سینٹر پی ایل سی ہے۔ یہاں اس کار کا انجن تیار کیا گیا ہے۔ لیکن اس کار کی باڈی ہندوستان سے درآمد کی جارہی ہے۔ہر سال 1500کاریں بنائی جائیں گی۔اس کار کی خاص بات یہ ہے کہ اس کی قیمت ہندوستان میں فروخت ہو رہی انڈیکا کے مقابلے زیادہ ہے۔ اس کی قیمت 20ہزار پاﺅنڈ (14لاکھ33ہزار روپے) ہو گی۔ اس الیکٹرک کار پر برٹش سرکار 5000پاﺅنڈ کی سبسڈی بھی دے رہی ہے۔یہ کار ایک بار چارج ہونے کے بعد 160کلومیٹر کا سفر بآسانی طے کرے گی۔اور اس فاصلہ کے لئے اس پر صرف 107روپے خرچ آئے گا۔اس کار کی اسپیڈ 114کلو میٹر فی گھنٹہ ہے۔چار سیٹوں والی اس کار کی بیٹری ناروے میں تیار کی جارہی ہے۔

Read In English

For more news visit our page : Latest Urdu News, Urdu News,Online News

آخر ہندوستان سے اتنی نفرت کیوں؟ شاہدآفریدی

2011-04-02T11:38:00.000+05:30

اسلام آباد: موہالی میں ہندوستان کے خلاف ورلڈ کپ کا سیمی فائنل ہارنے کے بعد پاکستانی کرکٹ ٹیم کے کپتان شاہد آفریدی نے کہا کہ آخر پاکستان ہندوستان سے اتنی نفرت کیوںکرتا ہے۔انہوں نے اپنے ملک کے سیاستدانوں کو تلقین کی کہ دونوں ملکوں کی جب مشترکہ تہذیب ہے یکساں ثقافت ہے اور ایک جیسا رہن سہن ہے تو پھر ہندوستان سے ہر معاملے میں اتنی نفرت چہ معنی دارد۔ انہوں نے مزید کہا کہ کرکٹ کھیل ہے اور کھیل کو کھیل کی طرح ہی لیا جانا چاہئے۔ اگرچہ پاکستان کی ہار سے خود ان کے ملک کے لوگ آفریدی اور ان کی پوریٹیم سے بہت ناراض ہیں لیکن شاہد آفریدی نے میچ کے بعد اپنے بیان سے کروڑوں ہندوستانیوں کے دل جیت لئے۔آفریدی اس شکست کے بعد اپنے ملک کے سابق کرکٹ کھلاڑیوں اور خاص طور پر وزیر داخلہ رحمٰن ملک کے سیمی فائنل سے عین ایک روز قبل اس بیان سے کہ کھلاڑی میچ فکسنگ میں پائے گئے تو سنگین نتائج بھگتنے ہوں گے اتنے بد دل ہو گئے ہیں کہ انہوں نے 18اپریل کو ویسٹ انڈیز کے دورے پر جانے والی ٹیم سے نام ہی واپس لے لیا ہے اور بہت ممکن ہے کہ وہ کرکٹ کو ہی خیرباد کہہ دیں کیونکہ سلیکٹر انہیں ٹیم کی قیادت سے ہی نہیں بلکہ ایک کھلاڑی کے طور پر بھی شائد اب ٹیم میں شامل نہ کریں۔آفریدی نے کہا کہ اگر ہندوستان سے اتنی ہی نفرت ہے تو کیوں ہندوستانی ٹی وی سیریل گھر گھر دیکھے جاتے ہیں کیوں ہندوستانی فلمیں پسند کی جاتی ہیں۔

Read In English

For more news visit our page : Latest Urdu News, Urdu News,Online News

ٹیم انڈیا کو وزیر اعظم کی نیک خواہشات، فائنل بھی جیتے گی

2011-04-02T11:36:00.000+05:30

نئی دہلی : ہندوستان اور پاکستان کے درمیان موہالی میں کھیلے گئے ورلڈ کپ کے سیمی فائنل میچ کے دوران بہ نفس نفیس اسٹیدیم میں میچ کی آخری گیند تک اسٹیڈیم میں رہنے والے وزیر اعظم ڈاکٹر منموہن سنگھ نے کہا ہے کہ وہ ہند سری لنکا کے درمیان فائنل میچ دیکھنے ممبئی نہیں جا سکیں گے تاہم انہوں نے امید ظاہر کی کہ ہندوستان سیمی فائنل کی طرح ورلڈ کپ کا فائنل بھی جیت جائے گا۔ انہوں نے ہندوستانی ٹیم کے کپتان مہندر سنگھ دھونی کو نیک خواہشات کے پیغام میں کہا کہ انہیں امید ہے کہ ان کی قیادت میں ٹیم انڈیا سرخروئی حاصل کرے گی اور ورلڈ کپ ٹورنامنٹ کی جگمگاتی ٹرافی جیت کر ملک کے کروڑوں کرکٹ شوقینوں کی توقعات پوری کرے گی ۔ انہوں ہندوستانی کرکٹ ٹیم سے کہا کہ اپنی فتوحات کا یہ سلسلہ ٹوٹنے نہ دیں ۔انہوں نے کہا کہ وہ یہ فائنل دیکھنے اس لئے ممبئی نہیں جا سکتے کیونکہ پہلے سے طے شدہ پروگرام کے تحت وہ ہفتہ کو آسام کے دورے پر ہوں گے اور اتفاق سے اسی دن ہندوستان اور سری لنکا کے خلاف فائنل میچ بھی ہے۔تاہم انہوں نے کہا کہ اس دوران جب بھی انہیں وقت ملے گا وہ فائنل میچ ٹی وی پر دیکھیں گے۔ البتہ صدر جمہوریہ پرتبھا پاٹل اور سری لنکا کے صدر مہندر راجا پاکسا ورلڈکپ کا فائنل دیکھنے ممبئی میں ہوں گے۔

Read In English

For more news visit our page : Latest Urdu News, Urdu News,Online News

مصری صدارتی امیدوار ایران سے تعلقات بحال کرنے کے حق میں

2011-03-26T13:52:00.003+05:30

تہران : مصر کے سابق صدر حسنی مبارک کو اقتدار سے بے دخل کرنے اور ان کے ملک سے فرار ہوجانے کے بعد مصر کے نئے صدر کے لئے ہونے والے انتخابات میں صدارتی امیدوار اور سابق وزیر خارجہ عمر موسیٰ کے نا ئب عبداللہ ال اشل نے کہا ہے کہ اگر وہ مصر کے صدر بن گئے تو وہ ایران سے تعلقات استوار کر لیں گے۔الیوم السابع ویب سائٹ نے ال اشل کے حوالے سے خبر دی ہے کہ امریکہ و صیہونی ملک اسرائیل سے تعلقات رکھنا اور 30سال سے ایران کے ساتھ تعلقات منقطع رکھنا ہرگز بھی کوئی دانشمندی نہیں ہو گی۔دریں اثنا ہمارے ماہرین ہمیں مشورہ دے رہے ہیں کہ ایران سے تعلقات بحال کئے جائیں۔

Read In English

For more news visit our page : Latest Urdu News, Urdu News,Online News

برطانیہ نے یمن میں سفارت خانہ بند کر کے عملہ واپس بلا لیا

2011-03-26T13:52:00.000+05:30

لندن: برطانیہ نے یمن میں اپنا سفارت خانہ بند کر کے سفارت خانہ کے تمام ملازمین کو وطن واپس بلا لیا اور وہاں مقیم برطانوی شہریوں سے کہا کہ یمن کے خراب ہوتے حالات کے مد نظر وہ جتنی جلد ممکن ہو سکے ملک چھوڑ دیں۔برطانیہ کی وزارت خارجہ کے مطابق برطانیہ نے یمن کے سفارت خانہ میں مٹھی بھر اسٹاف چھوڑا ہے ساتھ ہی وہاں مقیم برطانوی باشندوں سے کہہ دیا ہے کہ قبل اس کے کہ ملک کے حالات مزید خراب ہوں وہ وطن واپس چلے جائیں کیونکہ اگر یمن کے حالات بد تر ہو گئے تو حکومت کے لئے ان برطانوی شہریوں کو سفارتی خدمات بہم پہنچانابہت مشکل ہو جائے گا۔وزارت خارجہ نے مزید کہا کہ یوں تو برطانیہ اپنے شہریوں سے گذشتہ دو ہفتوں سے یمن سے چلے جانے کو کہہ رہا ہے لیکن بدھ کو یہ اعلان اس لئے کرنا پڑا ہے کیونکہ یمن کے حالات بہت تیزی سے بگڑنا شروع ہو گئے ہیں۔وزارت خارجہ نے اپنے ایک بیان میں یمن کے تمام فریقوں کو تلقین کی ہے کہ وہ جہاں تک ہو سکے تحملسے کام لیں اور صورت حال کو بگڑنے سے بچانے کے لئے تمام ضروری اقدامات کریں۔

Read In English

For more news visit our page : Latest Urdu News, Urdu News,Online News

خود کش بمبار کا تھانہ پر حملہ، 5پولس ا ہلکار ہلاک 25زخمی

2011-03-26T13:51:00.000+05:30

ہنگو : یہاں جمعرات کی صبح ایک بم دھماکہ میں کم از کم 5پولس اہلکار ہلاک ہو گئے۔ یہاں دو آبہ تھانہ کے قریب ہوئے اس طاقتور بم دھماکہ میں 25زخمی بھی ہوئے ہیں۔رپورٹوں کے مطابق ایک خود کش بمبار دھماکہ خیز مادہ سے بھری گاڑی چلاتے ہوئے عمارت کا گیٹ توڑتا ہوا دو آبہ تھانہ میں گھس گیا جس سے خود کش بمبار سمیت گاڑی ایک فلک شگاف دھماکہ سے اڑ گئی۔ دھماکے میں پانچ پولس والوں کی موقع پر ہی موت ہو گئی۔جس وقت یہ واردارت ہوئی تو تھانہ میں نائٹ ڈیوٹی کا اسٹاف گھر واپسی کی اور دن کا اسٹاف ڈیوٹی جوائن کرنے کی تیاری کر رہا تھا۔اچانک ہوئے اس زبردست دھماکے سے تھانہ اور اس کے آس پاس واقع عمارتوں کو بھی نقصان پہنچا دھماکہ ہوتے ہی آس پاس کے تمام علاقوں میں بھگدڑ مچ گئی اور لوگ تھانے کی طرف سے زخمیوں کی چیخ پکار سن کر تھانہ کی جانب دوڑ پڑے جہاں موقع پر تھانہ میں موجود پولس اہلکار خون میں نہائے فرش پر پڑے نظر آئے۔ دھماکہ ہوتے ہی لا انفورسمنٹ ایجنسیوں کے افسران بچاﺅ عملہ کے ساتھ جائے حادثہ پہنچ گئے اور زخموں سے چور پولس والوں کو تیزی کے ساتھ اسپتال پہنچانا شروع کر دیا ۔ان زخمیوں میں کچھ کی حالت بہت نازک بتائی جاتی ہے جس سے خدشہ ہے کہ ہلاک شدگان کی تعداد بڑھ سکتی ہے۔ ابتدائی خبروں میں بتایا گیا تھا کہ ہلاک شدگان میں صرف ایک پولس جوان اور 4عام شہری ہیں۔

Read In English

For more news visit our page : Latest Urdu News, Urdu News,Online News

لیبیا پر نو فلائی زون مشن میں برطانوی طیارے بھی شامل

2011-03-23T23:27:00.000+05:30

لندن: لیبیا پر نو فلائی زون نافذ کرنے کے لئے اتحادی فوجوں کی کوششوں میں اب برطانیہ نے بھی بڑھ چڑھ کر حصہ لینا شروع کر دیا ہے۔ برطانیہ کے بارہ طیاروں کی اٹلی کے جنوب میں واقع فضائیہ کے اڈے پر آمد کے ساتھ ہی برطانوی طیاروں کی اس کارروائی میں حصہ لینے کا عمل مکمل ہو نے کے قریب ہے۔نو فلائی زون کی نگرانی کے لئے گشت کرنے کے پہلے مشن میں آر اے ایف جنگی طیارے حصہ لے رہے ہیں۔ لیبیا کے عوام کو کرنل معمر القذافی کے ظلم و ستم سے بچانے کے لئے میدان کارزار میں کودنے والے امریکہ اور فرانس سمیت بین الاقوامی اتحاد میں برطانیہ بھی شامل ہے۔دریں اثنا میزائیل حملوں کے تیسرے روز لیبیا میں فضائی حملوں کی حمایت میں ایک سرکاری قرار داد دار العوام میں 544ووٹوں کی اکثریت سے منظور کر لی گئی۔ ہاﺅس آف کامنز میں بحث کا محور اقوام متحدہ کی وہ قرار داد 1973 تھی جسے گذشتہ ہفتہ سلامتی کونسل نے منظور کیا تھا۔ہاﺅس آف کامنز میں 557اراکین میں سے صرف 13ممبران نے سرکاری قرار داد کی ممخالفت میں ووٹدیا۔ اسی درمیان اٹلی نے یہ سوال اٹھا دیا ہے کہ نو فلائی زون آپریشن پر اصل کنٹرول کس کا ہوگا۔ اٹلی کی حکومت چاہتی ہے کہ یہ کنٹرول ناٹو کو دے دیا جائے تاکہ اس مشن کو وسیع فوجی و سیاسی سمت مل سکے۔اٹلی کیحکومت نے یہ دھمکی بھی دی ہے کہاگر اس آپریشن کی کمان ایک ڈھرے پر نہیں لائی گئی تو وہ اپنے فضائی اڈوں کو استعمال کرنے کی اجازت دینے کے فیصلے پر نظر ثانی کرے گی۔ دریںا ثناء لیبیا پر فوجی حملے کے خلاف لندن میں برطانوی وزیراعظم کی رہائش گاہ کے باہرتقریباً 200افراد نے مظاہرہ کرتے ہوئے قذافی کے حق میں او ر ڈیوڈ کیمرون ' سرکوزی اور اوبامہ کے خلاف فلک شگاف نعرے لگائے۔ مظاہرین نے بینرز بھی اٹھا رکھے تھے جن پر درج تھا کہ '' ہمارے خاندانوں اور بچوں پر بم باری بند کرو'' اور ہم نے اقوام متحدہ کے مبصروں کا مطالبہ کیا تھا کروز میزائل حملوں کا نہیں

Read In English

For more news visit our page : Latest Urdu News, Urdu News,Online News

عرب انقلاب سے مصنوعی طاقتیں کمزوری کی طرف گامزن

2011-03-23T23:26:00.000+05:30

محمداحمد کاظمی
مشرق وسطیٰ اور شمالی افریقہ میں جاری انقلاب فیصلہ کن مراحل میں ہے۔ لیبیا میں قذافی کے فوجی ٹھکانوں پر امریکہ ‘ برطانیہ اور فرانس نے بمباری شروع کر دی ہے۔ عرب لیگ کی اپیل پر اقوام متحدہ کے ذریعہ فضائی پابندی عائد کرنے کے اعلان کے بعد بھی معمر قذافی نے آخری مرحلے میںجنگ بندی کے اعلان کے باوجودانقلابیوں کے خلاف فوجی کاروائی جاری رکھ کر تمام بین الاقوامی قوانین کی خلاف ورزی کی۔حالانکہ آخری وقت تک میں نے مضمون میں تازہ اطلاعات شامل کی ہیں پھر بھی ممکن ہے کہ جب تک قارئین کے زیر نظر آئے معمر قذافی کی حکومت کا خاتمہ ہو چکاہو۔ البتہ یہ طے ہے کہ امریکہ اور اسکے اتحادی ممالک نے قذافی حکومت کا خاتمہ یقینی دیکھ کر ہی لیبیا میں مداخلت کی ہے۔
بحرین میں خلیجی تعاون کونسل کے رکن ممالک سعودی عرب ، کویت ، متحدہ عرب امارات اورعمان کی فوجی کمک پہنچنے اور ایمر جنسی کے نفاذ کے باوجود احتجاج کا سلسلہ جاری ہے۔ بحرین میں خاص طور سے سعودی عرب کی فوج نے نہتے شہریوں پر گولی باری اور اسپتالوں پرحملے کر کے درجنوں شہریوں کو ہلاک کر دیا اور ملک کے دارالحکومت مناما شہر کے پرل اسکوائر کو عوام کو دہشت زدہ کر کے خالی کراکر وہاں موجود حریت پسندی کے نشان کو بھی ختم کر دیا ہے ۔ یمن میں احتجاجی عوام کے خلاف طاقت کا استعمال جاری ہے اور وہاں بھی ایک اندازہ کے مطابق سیکڑوں افراد قتل ہوچکے ہیں۔ سعودی عرب کے مشرقی علاقوں میں سعودی حکومت کے بحرین فوج بھیجنے کے فیصلے کے خلاف احتجاج جاری ہےں۔ اردن میں بھی لگا تار 11ویں جمعہ کو( 18مارچ ) ایک بار پھر حکومت مخالف مظاہرے ہوئے جس میں ملک میں آئینی اصلاحات کا بھی مطالبہ کیا گیا۔ لیبیا میں جہاں گزشتہ دو ہفتو ں میں معمر قذافی نے ہوائی حملوں اور فوجی کارروائیوں کے ذریعہ ہزاروں شہریوں کا قتل عام کیا ہے میرا تجزیہ ہے کہ اب امریکہ کو یہ یقین ہوچکا ہے کہ قذافی پورے لیبیا پر پھر سے حاکم نہیں ہو سکتا اور مخالفین آخری حدتک جنگ جاری رکھیں گے۔ یہ محسوس کرنے پر کہ عوامی انقلاب کا میاب ہوگا ۔ امریکہ نے اقوام متحدہ کے ذریعہ لیبیا کے خلاف فضائی پابندی اور فوجی کارروائی کی قرار داد پاس کراتے ہوے فوجی کاروائی شروع کی ہے۔ میں یہ بھی سمجھتا ہوں کہ اب معمر قذافی حکومت چند روز میں ہی برطرف ہوجائے گی۔ یہ کہنا بھی مشکل ہے کہ عوام کے خلاف اس قدر مظالم کے بعد معمر قذافی کو کوئی ملک پناہ دے گا۔ امریکہ اور یوروپی ممالک شاید اتنی ہمت نہ کرسکیں ممکن ہے کچھ افریقی ممالک جن پر قذافی کے احسانات ہیں میں سے کوئی ایک انہیں سیاسی پناہ دے دے ۔ کچھ ماہرین کا کہنا ہے کہ ممکن ہے کہ قذافی کو ملک کے اندر ہی کچھ عناصر قتل کر دیں یا پھر وہ خودکشی کرلیں۔
بحرین کے الخلیفہ حکومت کو بچانے کی کوشش میں خلیجی تعاون کونسل کے ممالک جن میں سرکردہ کرد ار سعودی عرب نبھا رہا ہے‘ امریکہ اسرائیل اور مغربی ممالک کے اشاروں پر مسلکی مسئلہ بنانے کی کوشش کر رہے ہیں۔آخر یہ حقیقت تسلیم کرنے میں انسانی حقوق کے علمبردارامریکہ‘ یوروپی ممالک اور خود کو مسلمان کہنے والے خلیجی تعاون کونسل کے رکن ممالک کی حکومتیں کیوں چشم پوشی سے کام لے رہی ہیں کہ بحرین میں کم از کم 70فیصد شیعہ آبادی ہے جبکہ وہاں سعودی عرب کے نمائندہ اورحمایت یافتہ شاہی الخلیفہ خاندان نہ صرف ظلم اور جبر کے سہارے حکومت کر رہا ہے بلکہ اپنی عوام کے حقوق کوپامال بھی کر رہا ہے ۔ ملک کی اکثریت جن میں سنی اور شیعہ سبھی شامل ہیں اپنے حقوق کا مطالبہ کر رہے ہیں۔ حال ہی میں امریکہ کے وزیر دفاع رابرٹ گیٹس کے بحرین دورہ کے بعد خلیجی تعاون کونسل ممالک کی حکومتیں کیسے متحد ہوگئیں؟ بحرین میں غیر مسلح عوام کو سعودی افواج جس بے رحمی سے قتل کر رہی ہیںوہ دنیا کی حکومتیں اور عوام خاموشی سے دیکھ رہی ہیں۔ بحرین کے انقلاب کو مسلکی رنگ دینے والے عناصر عمان اور یمن میں ہورہے احتجاجات پر خاموش ہیں۔ ان ممالک میں انقلاب کی سربراہی سنی حضرات کر رہے ہیں۔ یعنی ظالم اور مظلومکا کوئی مذہب یا مسلک نہیں ہوتا ۔ محض ظالم کی کوشش ہوتی ہے کہ جہاں ممکن ہو وہ مذہب اور مسلک کا سہارا لے کر اپنی جان بچالے ۔ یہ بالکل ایسا ہے کہ دو افراد میں کسی تنازع پر جھگڑا ہونے کی صورت میں بے ایمان اور کمزور شخص اپنی جان بچا نے کے لئے مذہب اور مسلک کا سہار ا لے ۔ عرب ممالک میں کوشش ہو رہی ہے کہ لوگوں کے مذہبی جذبات کا استحصال کر کے حکومتیں بچائی جائیں۔ حال ہی میں بحرین کے شیعہ اور سنی علماءنے ایک قرارداد پاس کرکے یہ کہا ہے کہ انقلاب کو مسلکی رنگ دینے والوں کی سازشوں کو ناکام کرنے کے لیے متحد اور ہوشیار رہنے کی ضرورت ہے۔
ایران کے سابق مجلس اسپیکر حداد عادل حال ہی میںہندوستان کے سفر پر تھے۔ انہوں نے نئی دہلی میں واقع ایران کلچر ہاو ¿س میں شیعہ اور اہلسنت علماءسے ملاقات کی ۔ انہوں نے کہا کہ اگر 20ویں صدی کے اوائل اور 21ویں صدی کے اوائل کا جائزہ لیا جائے تو یہ حقائق سامنے آئیں گے کہ 100سال قبل دنیا کے مسلمان کافی کمزور اورمغربی طاقتوں سے مغلوب نظرآتے تھے جبکہ آج کا مسلم نوجوان مغربی تمدن سے مرعوب نہیں ہے اور اسے مسلمان ہونے پر فخر ہے ۔ مغرب کی سازش تھی کہ اسلام مذہب محض چند دکھا وے کی عبادتوں اور لباس تک محدود رہے جیسا کہ عیسائی مذہب کے ساتھ ہوا ۔ لیکن وہ اس سازش میں ناکام ہونے کے بعد اب دنیا میں مسلکی اختلاف پھیلاکر مسلمانوں کو کمزور کرنا چاہتے ہیں ۔ عرب اور افریقی ممالک میں آرہی اسلامی بیداری کو بھی دشمن طاقتیں مسلکی جنگ میں تبدیل کرنا چاہتی ہیں ۔ سنی اور شیعہ علما کو چاہئے کہ عوام کو اس سازش سے آگاہ کریں اور دنیا کے بدلتے حالات کو نزدیک سے سمجھنے کے لئے کوشاں رہیں۔
یمن کی عوام کسی بھی طرح اپنا احتجاج ملتوی کرنے کے لئے تیار نہیں ہیں۔ اب تک صدر صالح نے ملک میں نئے آئین پر ریفرینڈم کرانے اور کچھ اصلاحات نافذ کرنے کی پیشکش کی ہے لیکن عوام اس سب کو سننے کو تیار نہیں ہیں۔
ادھر سعودی عرب کے ذریعہ بحرین میں الخلیفہ حکومت کو بچانے کی غرض سے فوجیں بھیجنے کے خلاف ملک کے مشرقی شیعہ اکثریتی علاقوں میں شدید مظاہرے ہورہے ہیں ۔ میں سمجھتا ہوں کہ جیسے جیسے سعودی عرب بحرین میں عام شہریوں کے خلاف طاقت کا استعمال کرے گا سعودی عرب میں حکومت کے مخالفین کی تعداد بڑھے گی ۔ سعودی عرب کے مختلف شہروں بھی احتجاج پھیلتا جا رہا ہے۔وہاں حکومت کا خوف عوام کے دل سے نکلتے ہی احتجاجوں میں مذید شدت آئے گی ۔ میں سمجھتا ہوں کہ لیبیا میں امریکہ اور مغربی ممالک کے ذریعہ فوجی کارروائی کے نتیجہ میں حکومت کے گرتے ہی بحرین کے احتجاج میں بھی مزید شدت آئے گی ۔ ایسی صورت میں امریکی حکومت عوام کو کامیاب ہوتا دیکھ کر بحرین اور سعودی عرب حکومتوں کے بھی خلاف ہوجائے گی۔ وہ یہ سب اس لئے کرے گی تاکہ ان ممالک میں عوامی انقلاب کے نتیجہ میں قائم ہونے والی مستقبل کی حکومتوں کو اپنے فریب کے جال میں پھنسا یا جا سکے ۔ لیکن میرا یہ یقین ہے کہ اس خطے میں اب اسرائیل اور امریکہ کی تمام سازشیں ناکام ہوں گی اور وہاں کی عوام میں امریکہ کے خلاف شدید نفرت کی بنا پر وہ کسی بھی فریب میں نہیں آئیں گی۔
(مضمون نگار سے 09811272415 یا ahmadkazmi@hotmail.com را بطہ کیا جا سکتا ہے)

For more news visit our page : Latest Urdu News, Urdu News,Online News

ہیلتھ کئیر پر 5فیصد سروس ٹیکس کی تجویز واپس

2011-03-23T23:22:00.000+05:30

نئی دہلی : ہر جانب سے کئے جارہے زبردست مطالبہ کے آگے جھکتے ہوئے وزیر مالیات پرنب مکھرجی نے طبی خدمات پر 5فیصد سروس ٹیکس واپس لینے کا اعلان کر دیا۔انہوں نے کہا کہ ہیلتھ کئیر پر 5فیصد ٹیکس کا مطلب مالیہ بڑھانا نہیں تھا بلکہ اس کا مقصد جی ایس ٹی(گڈس اینڈ سروسز ٹیکس) کو متعارف کرانا تھا ۔ لوک سبھا میں مسٹر مکھرجی نے مالی بل پیش کرتے ہوئے یہ کہا کہ اس وقت تک جب تک کہ جی ایس ٹی کا نفاذ نہیں ہوتا وہ اسپتالوں میں علاج یا تشخیصی جانچ کے نام پر لئے جانے والے 5فیصد ٹیکس کی تجویز واپس لیتے ہیں۔

Read In English

For more news visit our page : Latest Urdu News, Urdu News,Online News

ہندوستان نے کرکٹ میچ دیکھنے کے لئے 5000پاکستانیوں کو ویزا جاری کیا

2011-03-23T22:52:00.000+05:30

نئی دہلی : جذبہ خیر سگالی کا بہترین مظاہرہ کرتے ہوئے ہندوستان نے کرکٹ ورلڈ کپ کے کوارٹر فائنل تا فائنل میچ دیکھنے کے لئے 5000پاکستانی شہریوں کو ویزا جاری کیا ہے۔ان میں سے اکثر کو 15روزہ کثیر قومی ویزا جاری کیا گیا ہےجس سے وہ سری لنکا اور بنگلا دیش میں ہونے والے میچز دیکھنے کے لئے ان ملکوں میں بھی جا سکتے ہیں۔اگرچہ وزارت داخلہ نے کہا ہے کہ سیکورٹی تقاضے پورے کرنے کے سخت عمل سے گذارنے کے بعد ہی یہ ویزے جاری کئے گئے ہیں لیکن ریکارڈ بتاتا ہے کہ بہت سے پاکستانی ویزا مدت ختم ہونے کے باوجود کسی اجازت کے بغیر برسوں سے ہندوستان میں مقیم ہیں۔2005میں ویزا میعاد ختم ہونے کے باوجود 4742پاکستانی لا پتہ ہو گئے تھے اور 2006میں یہ تعداد بڑھ کر 5392، 2007میں 7547اور 2009میں 7691ہو گئی ہے۔2005میں لاپتہ 4742پاکستانیوں میں سے صرف 371کا ہی سراغ لگایا جا سکا تھا۔ باقی لوگوں کا اب تک کوئی اتہ پتہ نہیں ہے اور سیکورٹی ایجنسیوں کو اندیشہ ہے کہ ان میں سے اکثر دہشت پسند، اسمگلرز، منشیات کے سوداگر اور دیگر جرائم پیشہ جیسے ناپسندیدہ عناصر ہو سکتے ہیں۔تاہم وزیر داخلہ نے کہا کہ تمام ویزے کرکٹ میچوں کیٹکٹوں، ریٹر ن ٹکٹ مقامی پتہ کے اندراج کی بنیاد پر 45روز پہلے ہی جاری کر دئے گئے تھے۔

Read In English

For more news visit our page : Latest Urdu News, Urdu News,Online News

غزہ پر اسرائیلی فضائی حملوں میں7بچوں سمیت 17زخمی

2011-03-23T22:46:00.000+05:30

غزہ سٹی: فلسطینی ڈاکٹروں نے بتایا کہ غزہ میں رات بھر اسرائیلی فضائی حملے ہوتے رہے جس میں 17افراد زخمی ہو گئے۔ اس سے قبل ہفتہ کے اواخر میں جنگجوﺅں نے جنوبی اسرائیل میں درجنوں مارٹر داغے۔فلسطینی طبی ذرائع کے مطابق زخمیوں میں سے اکثر کو معمولی چوٹیں آئی ہیں ۔ انہوں نے یہ بھی بتایا کہ دو خواتین اور سات بچے بھی زخمیوں میں شامل ہیں۔ ایک اسرائیلی فوجی ترجمان نے کہا کہ اسرائیلی جنگی طیارہ نے چھ ٹارگٹ پر حملے کئے۔ترجمان نے مزید بتایا کہ جن مقامات کو نشانہ بنای گیا ان میں دو دہشت پسندوں کی سرنگیں، دو ہتھیار سازی کی فیکٹریاں اور دو دیگر سائٹس تھیں ۔ ترجمان نے مزید بتایا کہ یہ سرنگیں اسرائیل میں سرحدی علاقوں میں گھس کر حملے کرنے کی نیت سے تعمیر کی گئی تھیں۔ ترجمان نے یہ بھی کہا کہ یہ اسرئیلی حملے در اصل ہفتہ کو غزہ سے میزائیلوں اور مارٹروں کے 56حملوں کی جوابی کارروائی کے طور پر کئے گئے ہیں۔ فلسطینی چشم دید گواہوں نے کہا کہ غزہ پٹی کے شمال اور وسطی علاقہ کے ٹارگٹ میں غزہ کی نگرانی کرنے والی حماس کی پولس چوکی اور اس کے فوجی بازو کا ٹریننگ انسٹی ٹیوٹ ایزدین اقصام بریگیڈس بھی شامل ہیں۔ چشم دید گواہوں نے بتایا کہ تعمیراتی سمان تیار کرنے والی ایک فیکٹری اور ایک میٹل ورکشاپ کو بھی نشانہ بنایا گیا ہے۔ غزہ کے باشندوں نے بتایا کہ انہیں اسرائیلی فوج
کی جانب سے ٹیلی فون آنے لگے تھے کہ وہ حماس کی تنصیبات کے آس پاس کے علاقوں سے چلے جائیں۔

For more news visit our page : Latest Urdu News, Urdu News,Online News

قوام متحدہ نے حملے بند کرانے کے لئے لیبیا کی درخواست مسترد کر دی

2011-03-23T22:39:00.000+05:30

اقوام متحدہ: اقوام متحدہ کی سلامتی کونسل نے فرانس اور امریکہ کے فضائی حملے بند کرانے کے لئے ایک ہنگامی اجلاس طلب کرنے کی لیبیا کی درخواست مسترد کر دی۔ لیبیا کے وزیر خارجہ موسیٰ کاﺅسا کے اس مکتوب پر جس میں انہوں نے لکھا کہ ایک غیر ملکی سازش کے تحت لیبیا اس کی علاقائی یکجہتی اور اتحاد کو نشانہ بنایا جا رہا ہے، سیکورٹی کونسل کے اراکین نے بند کمرہ تبادلہ خیال کیا۔ اس مکتوب میں کاﺅسا نے فرانس اور امریکہ پر الزام لگایا کہ وہ اقوام متحدہ کے چارٹر کی خلاف ورزی کرتے ہوئے شہری علاقوں کو نشانہ بنا رہے ہیں لہٰذا یہ جارحیت بند کرانے کے لئے فوری طور پر ہنگامی اجلاس بلایا جائے۔ لیکن اس بند کمرہ تبادلہ خیال میں اتفاق رائے سے طے پایا کہ کوئی ہنگامی اجلاس نہ بلایا جائے اور یہ درخواست مسترد کر دی گئی۔یاد رہے کہسیکورٹی کونسل نے جمعرات کو ایک قرار داد منظور کر کے لیبیائی لیڈر کرنل معمر القذافی کے حملوں سے لیبیائی شہریوں کو بچانے کے لئے فضائی حملوں اور لیبیا پر نو فلائی زون نافذ کرنے کی اجازت دے دی تھی۔ہفتہ کو امریکہ، فرانس اور برطانوی فوجوں نے لیبیا کے فضائی دفاعی تنصیبات، ٹینکوں اور بکتر بند گاڑیوں و دیگر فوجی ساز و سامان پر فضائی حملے شروع کر دئے۔ لیبیا کی صورت حال سے متعلق سیکریٹری جنرل جمعرات کو سیکورٹی کونسل میں بیان دیں گے۔

Read In English

For more news visit our page : Latest Urdu News, Urdu News,Online News

ٹیکس میں چھوٹ کے ساتھ عام بجٹ لوک سبھا میں پیش

2011-03-02T23:57:00.002+05:30

نئی دہلی : مرکزی وزیر مالیات پرنب مکھرجی نے ملازمت پیشہ افراد، متوسط طبقہ اور کاشتکاروں کے ساتھ عام صارفین کو کسی نہ کسی شکل میں راحت و مراعات کے اعلان کے ساتھ2011-12 کا عام بجٹ لوک سبھا میں پیش کر دیا۔مرکزی وزیر ریل ممتا بنرجی نے اگر ریل بجٹ پیش کرتے ہوئے اپنی ریاست مغربی بنگال کے اسمبلی انتخابات کو مد نظر رکھا تو دوسری جانب مرکزی وزیر مالیات نے ملک کی پانچ ریاستوںآسام، تمل ناڈو، پانڈیچری کیرل اور بنگال میںجلد ہی ہونے والے اسسمبلی چناﺅ کو سامنے رکھتے ہوئے انکم ٹیکس کی چھوٹ میں مزید 20ہزار روپے کا اضافہ کر کے اسے 1لاکھ 80ہزار روپے کر دیا۔عام طورپر یہی خیال کیا جا رہا ہے کہ ملازمت پیشہ افراد اور کاشتکاروں کو اسی وجہ سے رعایت ملی ہے۔سینئیر سٹیزن کی عمر کی حد 65سال سے کم کر کے 60سال کر دی گئی۔ 80یا اس سے زائد کی عمر کے افراد کے لئے ایک انتہائی سینئر سٹیزن کی کیٹیگری بنائی گئی ہے اور انہیں انکم ٹیکس کی حد میں 5لاکھ روپے تک کی چھوٹ دی گئی ہے۔خواتین کو انکم ٹیکس کی حد میں چھوٹ جو 1,90,000تھی برقرار ہے اس میں کوئی کمی نہیں کی گئی۔وزیر مالیات نے ہائسنگ لون کی حد بھی بڑھا کر 25لاکھ روپے کر دی ہے ۔ وزیر خزانہ نے کہا کہ کمپنیوں سے متعلق نیا بل رواں پارلیمانی اجلاس میں ہی پیش کر دیا جائے گا۔
بجٹ کی اہم خصوصیات:
۰انکم ٹیکس کی حد ایک لاکھ 60ہزار سے بڑھا کر 1لاکھ 80ہزار کر دی گئی ۰ سینئر سٹیزن کے لئے چھوٹ کی حد بڑھا کر ڈھائی لاکھ کر دی گئی ۰ انکم ٹیکس ریٹرن داخل نہ کرنے والوں کی الگکٹیگری بنے گی۰کچھ تنخوا داروں کو ریٹرن داخل کرنے سے مثتثنیٰ قرار دیا جا سکتا ہے ۰ چھوٹے انکم ٹیکس دہندگان کے لئے ”سوگم یوجنا“ ۰ ای سی ایس کے ذریعہ ٹیکس ادائیگی کی اسکیم ۰سالانہ شرح نمو میں 8.6فیصد اضافہ متوقع ۰ سال 2011-12کے دوران اقتصادی ترقی کی رفتار 9فیصد رہنے کی امید ۰خدمات کے زمرے میں 9.6فیصد، صنعتی شعبہ میں 8.1فیصد، زرعی شعبہ میں 5.4فیسڈ کا اضافہ متوقع ہے ۰ہر قسم کی سبسڈی پر نظر رکھنے کے لئے ٹاسک فورس تشکیل دی جائے گی۰2012سے نقد سب سڈی ملے گی ۰رسوئی گیس، کیرسین اور کھاد میں چھوٹ ملے گی ۰یکم اپریل 2012سے ڈائرکٹ ٹیکس کوڈ لاگو ہو گا۰مکانتعمیر کرنے کے لئے قرضہ میںرعایت دینے کا اعلان ۰ غریبوں کو مکان قرضہ دلانے کے لئے پیکیج کا اعلان ۰ کاشتکاروں کو 4.75لاکھ کروڑ روپے کا قرض ۰ 15نئے میگا پارک بنیں گے ۰ کسانوں کو7فیصد شرح سود پر قرضہ دیا جائے گا ۰ جو کسان وقت پر قرضہ واپس کرے گا اسے 3فیصد کی چھوٹ دی جائے گی ۰ 40ہزار ٹن اناج جمع رکھنے کا بندوبست کیا جائے گا ۰زرعی منڈی قانون میں ترمیم ہو گی ۰بنیادی ڈھانچے کے لئے 2.14لاکھ کروڑ روپے مختص ۰سماجی شعبہ پر اخراجات کے لئے 1.6لاکھ کروڑ روپے مختص ۰کالے دھن سے نمٹنے کے لئے 5نکاتی پروگرام ۰ آنگن باڑی ملازمین کی تنخواہ دوگنی کرنے کی تجویز ۰ یہ تنخواہ 1500سے بڑھا کر 3000کی جائےگی۔تعلیمی بجٹ پر 52ہزار کروڑ روپے کا خرچ، 24فیصد کا اضافہ ۰
کیا سستا ہوا:
بیسک فوڈ، اسٹین لیس اسٹیل، ریفریجریشن سسٹم، موبائیل فون، ایگریکلچر مشنری، ٹریکٹرز، سیمنٹ، گیس ڈسپینسرس، دھاگے/کچا سلک، ایل ای ڈی لائٹس،پرنٹرز ، کاغذ، بیٹری سے چلنے والی گاڑیاں، ہوم لون،ڈائپرز اور سینیٹری نیپکنز، ہومیو پیتھک دوائیں اور صابن۔
مہنگے ہوئے:
برانڈڈ ملبوسات،ائر ٹریول سروس ٹیکس (250روپے انٹرنیشنل اڑان اور 50روپے ڈومسٹک اڑان)، ہوٹل سروسز، ائر کنڈیشنڈ بار، ائر کنڈیشنڈ ہاسپیٹل۔

Read In English

For news in Urdu visit our page : Latest Urdu News, Urdu News

عرب تحریک کوناکام کرنے کی امریکی کوشش

2011-03-02T23:56:00.003+05:30

محمداحمد کاظمی --میڈیا اسٹار

دنیا کے تاریخ اہم موڑ پرہے ۔ شمالی افریقہ اور عرب ممالک میں عوام غیرجمہوری الم کے خلاف اٹھ کھڑے ہوئے ہیں۔ تیونیشیا اورمصر کے بعد اب لیبیا، بحرین اور یمن میں لمبے عرصہ سے جاری حکومتوں کے خلاف شدید احتجاج جاری ہیں۔لیبیا کے کئی شہر اوراہم تنصیبات حکومت کے ہاتھ سے نکل چکے ہیں۔ وہاں سابق وزیر انصاف نے بن غازی میں عبوری حکومت قائم کرکے آئندہ تین ماہ میں انتخابات کرانے کا اعلان کر دیا ہے۔ بحرین اور یمن میں حکومت مخالف احتجاجات میںروز بروز شدت آرہی ہے۔ امریکہ نے واضح اشارہ دے دیا ہے کہ وہ تیونیشیا اور مصر کی طرح ظاہری طور پر بھی عوام کا ساتھ نہیں دے گا بلکہ وہ عوام کے خلاف حکومتوں کے ذریعہ بڑے اسلحے کے استعمال کی بھی حمایت کررہا ہے۔ اب تک خطے میں عوام نے حکومتوں کے خلاف احتجاجات کے دوران کافی حدتک قربانیاں دی ہیں ۔ مغربی ممالک نے اب یہ طے کر لیا ہے کہ ان کے مفادات غیر جمہوری حکومتوں سے وابستہ ہیں اور اب وہ مزید ممالک میں جمہوریت کے مطالبے کی حمایت نہیں کر یں گے۔
امریکہ کی وزارت خارجہ کے ترجمان فلپ کراولے نے 25فروری کو ایک پریس کانفرنس کے دوران امریکی حکومت کے ذریعہ دئے گئے اسلحے کا یمن کی علی عبداللہ صالح حکومت کے ذریعہ احتجاجیوں کے خلا ف استعمال کرنے کا دفاع کیا ۔ انہوں نے کہا کہ یمن کی قانونی طور پر قائم حکومت کے ذریعہ دہشت گردی کے خلاف ہتھیاروں کے استعمال میںامریکہ کو کوئی اعتراض نہیں ہے۔ امریکی وزارت خارجہ کے ترجمان نے کہاکہ ان کی حکومت کا یمن سے دفاعی تعاون منقطع کرنے کا کوئی ارادہ نہیں ہے ۔ حالانکہ امریکی فوجی کمک کا استعمال احتجاجیوں کے خلاف کیا جا رہا ہے لیبیا میں اب تک حکومت کے ذریعہ شدید فوجی کارروائی کے دوران کئی ہزار افراد مارے جاچکے ہیں ۔ اب تک کئی شہروں پر مخالفین قبضہ ہوچکے ہیں۔ کئی وزرا، فوجی حکام اوربہت سے ممالک میں لیبیا کے سفرا نے حکومت سے علیحدگی اختیار کر لی ہے۔ لیبیا کے موجودہ صدر کرنل قذافی کے ایک بیٹے سیف العرب قذافی بھی بن غازی میں مخالفین کے ساتھ شامل ہوگئے ہیں۔ لیبیا میں ہزاروں افراد کے حکومت کے ذریعہ مارے جانے کے بعد بھی امریکہ عوام کی حمایت نہیں کر رہا ہے ۔ امریکی وزیر خارجہ ہلیری کلنٹن نے عوام کے خلاف فوجی کارروائی شروع ہونے کے بعد کئی روز بعد کہا کہ لیبیاکے حالات پر امریکہ کو تشویش ہے اور وہ اقوام متحدہ کے تحت لیبیا سے متعلق پالیسی طے کریں گے اور یہ کہ آئندہ کا لائحہ عمل طے ہونے میںابھی وقت درکار ہے ۔ یعنی لیبیا میں عوامی قتل عام کو روکنے کے لئے امریکہ کی کوی دلچسپی نہیں ہے بلکہ اسے لیبیاکے ساتھ تجارتی معاہدوں کو بچانے میں دلچسپی ہے ۔ یہ تقریباً وہی صورتحال ہے جب عراق کے کویت پر قبضے کے بعد صدام حسین نے جنوبی عراق پر کربلا اور نجف میں بمباری کی تھی اور امریکہ نے اسے روکنے کے لئے کوئی کوشش نہیں کی تھی جبکہ شمالی عراق میں کردوں کو امریکہ نے پورا تعاون اور سیکورٹی فراہم کی تھی۔بحرین کے واقعات پر امریکہ اس لئے خاموش ہے کہ اب تک الخلیفہ حکومت اس کی بہترین اتحادی ثابت ہوئی ہے ۔ بحرین میں امریکہ کا پانچواں فوجی بیڑا ہے ۔ کئی ہزار امریکی فوجی مع سازو سامان کے وہاں موجود ہیں ۔ بحرین میں شیعہ اکثریت ہونے کی وجہ سے امریکہ کو خدشہ ہے کہ خطے میں ایک اور ایران قائم نہ ہوجائے ۔ لیکن ماہرین کا کہنا ہے کہ آزادی اور حریت ہر انسان کے مزاج میں شامل ہے ۔ اس لئے عرب ممالک میں جہاں اکثریت سنی مسلمانوں کی ہے وہاں اب ظالم حکمرانوں کی امریکہ اور اسرائیل نوازی کے خلاف عوام اٹھ کھڑے ہوئے ہیں۔
مصر میں حسنی مبارک کی حکومت کے خاتمے کے بعد حالانکہ ابھی جمہوری حکومت قائم نہیں ہوپائی ہے پھربھی وہاں کی موجودہ حکومت نے ایرانی فوجی جہازوں کو سویز نہر سے گزرنے کی اجازت دے کر اورغزہ کے لوگوں کے لئے سرحدیں کھول کر یہ ثابت کر دیا ہے کہ مصر اب اسرائیل اور امریکہ کے مفادات کے لئے نہیں بلکہ خطے کی عوام کے حق میں فیصلے لے گا۔جس وقت یہ مضمون تحریر کر رہا ہوں لیبیا کے حالات مسلسل سنگین ہیں اور ایسامحسوس ہورہا ہے کہ کسی بھی دن معمر قذافی خود کشی کر لیں گے یا ان کا قتل ہوجائے گا یا پھر وہ ملک چھوڑ کر فرار ہوجائیں گے۔البتہ ماہرین کا کہنا ہے کہ شاید ہی دنیا کا کوئی ملک قذافی کو اپنے یہاں پناہ دے۔ اب تک فوج کے کچھ بڑے افسران حکومت سے علیحدگی کا اعلان کر چکے ہیں۔ میرا یقین ہے کہ اگر فوج پوری طرح سے کرنل قذافی کو تنہا چھوڑ دے تولیبیا میںحکومت کا تختہ پلٹنا آسان ہو جائے گا۔ یہ طے ہے کہ کرنل قذافی بھی صدام حسین سے کم ظالم ثابت نہیں ہورہے ہیں۔بحرین حکومت نے بظاہر احتجاجیوں کو مناما کے پرل اسکوائر پر احتجاج کرنے کی اجازت دے دی ہے۔ میرا تجزیہ ہے کہ امریکہ نے بحرین حکومت کوصبر و تحمل سے کام لینے کی تلقین کی ہے ۔ اس کا مقصد یہ ہو سکتا ہے کہ احتجاج کرنے والوں کو مظہوروں اور احتجاج سے عاجز و بیزار کر دیا جائے اس طرح ممکن ہے کہ مظاہرین چند ہفتوں کے بعد واپس اپنے گھروں کو چلے جائیں۔ اس درمیان مظاہرین کو مختلف سازشوں کے ذریعہ تقسیم کرانے کی کوشش بھی کی جائے گی۔ اگر یہ تمام سازشیں ناکام رہیں تو ممکن ہے کہ بحرین کے مظاہرین کے خلاف سخت فوجی کارروائی کی جائے ۔یمن میں بھی مخالفین نے ملک کے کچھ علاقوں پر تقریباً اپنا قبضہ جمایا ہوا ہے ۔ علی عبداللہ صالح نے اپنے عہدہ سے دستبردار ہونے سے انکار کر دیا ہے لیکن جس طرح سے احتجاج روز بروز شدت اختیار کر رہا ہے اس سے یہ قطعی نہیں لگتا کہ حکومت کی تبدیلی سے پہلے مظاہرین واپس چلے جائیں گے ۔ وہاں عوام بھی مسلح نظر آرہے ہیں۔ اطلاعات کے مطابق یمن کی حکومت احتجاجیوں کے خلاف فوجی کارروائی اس لئے نہیں کرا سکتی کیونکہ فوج میں بھی کثیر تعداد میں مخالفین موجود ہیں ۔ دلچسپ بات یہ ہے کہ بحرین اور یمن میں حریت پسند عوام کے احتجاج کو مغربی میڈیا مسلکی رنگ دینے کی کوشش کر رہا ہے ۔ابھی حال ہی میں امریکہ کے ایک بڑے اخبار نے یہ افواہ اڑانے کی کوشش کی کہ عرب ممالک میںجاری انقلاب کے نتیجہ میں مسلمانوں کے دوبڑے مسلکوںکے درمیان کشیدگی پیدا ہوگی ۔یعنی یہ سازش بھی کی جا رہی ہے کہ کسی طرح سے موجودہ تحریک کو مسلکی رنگ دے کر بادشاہتوں کو بچا لیا جائے ۔عراق میں بھی2003کے بعد سے ہی مغربی میڈیا نے شیعہ اور سنی آبادی کے درمیان دشمنی پیدا کرنے کی کوششیں کیں۔ وہاں سعودی عرب سے گئے ہوے القاعدہ سے متعلق عناصر کے ذریعہ خود کش دھماکے کرائے گئے لیکن اسوقت یہ حقیقت ہے کہ عراق کی موجودہ حکومت میں شیعہ سنی اور کرد سبھی شامل ہیں اور گزشتہ چند ماہ کے دوران وہاں بم دھماکوں کی تعداد میں بھی کمی آئی ہے۔ادھر ایران کے روحانی پیشوا آیت اللہ سید علی خامنہ ای نے گزشتہ دو ہفتوں میں کئی بار یہ بات دہرائی ہے کہ عرب ممالک میں شروع ہوئی تحریک اسلامی انقلاب ہے اور مغربی طاقتیں اس حقیقت کو جان بوجھ کر تسلیم نہیں کر رہی ہیں ۔ادھر سعودی عرب میں بھی 11مارچ کو یوم غضب منانے کی تیاری ہے جس میں کچھ علاقوں میں بڑے احتجاج ہونے کا امکان ہے۔ سعودی عرب کے شمال مشرق میں قطیف خطے میں سیاسی قیدیوں کی رہائی کے مطالبے کے حق میں اور بحرین کی عوام سے ہمدردی ظاہر کرنے کی غرض سے احتجاج کرنے کی تیاریاں ہیں۔ جدہ میں بھی نوجوانوں کی تنظیم ’ جدہ یوتھ‘ نے منظم ہونا شروع کر دیا ہے ۔ فی الحال وہ لیبیا کے عوام کی ہمدردی میں مظاہرہ کرنے کا ارادہ ظاہر کر رہے ہیںلیکن ممکن ہے یہی نوجوان بعد میںاپنی حکومت کے خلاف کھڑے ہوجائیں۔حال ہی میں سعودی عرب کے شاہ عبداللہ نے اپنی عوام کے لئے اچانک کچھ رعایتوں کا اعلان کیا اور ملازمین کی تنخواہ میں 15فیصد کا اضافہ کیا ،ایک لاکھ 80ہزار عارضی ملازمین کو مستقل کر دیا گیا اور نجی زمرے کے ادروں میں ملازمتیں کرنے والوں کی تنخواہوں میں اضافہ کی ہدایت جاری کر دی گئی۔ ماہرین کا کہنا ہے کہ تیونیشیا اور مصر میںحکومتوں کا تختہ پلٹنے اور خطے کے کئی ممالک میں عوامی احتجاجوں کو دیکھتے ہوئے سعودی حکومت عوام کو لبھانے اور پرسکون رکھنے کے لئے یہ احتیاطی تدابیر کے طور پر یہ اقدامات کر رہی ہے۔ عرب ممالک اور شمالی افریقی ممالک کی بادشاہتوں کو سب سے زیادہ حمایت امریکہ کی رہی ہے وہ چاہتا ہے کہ کسی طرح سے اس کے تجارتی مفادات اور اسرائیل کے وجود کو کوئی خطرہ پیدا نہ ہو۔ اسے اس خطے کی عوام سے کوئی ہمدردی نہیں ہے۔ اگر ایسا ہتا تو وہ صدام حسین کے ذریعہ عراقی عوام کے خلاف مظالم پر خاموش نہ رہتا۔ جن ممالک میں بھی اب عوام اپنی حکومتوں کے خلاف اب احتجاج کر رہے ہیں وہاں ہونے والے مظالم پر بھی اس نے پردہ پوشی کی ہے۔ امریکہ نے حالیہ دنوں میں لیبیا ‘ بحرین اور یمن کے حالات پر جس طرح سرد مہری کا اظہار کیا ہے اس سے یہ ظاہر ہے کہ وہ خطے میں جمہوریت کے قیام کے حق میں نہیں ہے اور اب وہ خطے کی عوام کو بے یارو مدد گار چھوڑنے میںہی اپنی بھلائی سمجھ رہا ہے ۔ میرا تجزیہ ہے کہ آخر کار جیت عوام کی ہوگی ۔امریکہ اور مغربی ممالک کو اس تحریک کے آخر میں کچھ نہیں ملے گا۔ میں سمجھتا ہوں کہ بحرین، یمن اور لیبیا میں حکومتوں کا تختہ پلٹنے کے بعد خطے کے دیگر ممالک میں بھی یہ تحریک جاری رہے گی ۔تیونیشیا اور مصر میں عوام بیداری کا ثبوت دے رہی ہے ۔وہ تیونیشیا میں غنوچی کی حکومت اور مصر میںفوج کے ذریعہ حسنی مبارک کے زمانے کے وزیروں کو بحال کئے جانے پر احتجاج کر رہے ہیں۔ یہ طے ہے کہ عرب اور شمالی افریقی ممالک میں جاری تحریک سے خطے میں امریکہ اور اسرائیل کے مفادات کو نقصان پہنچے گا اور دوسری طرف ایران کے حریت پسند انہ نظریہ کو تقویت ملے گی۔یہ ممکن ہے کہ ان ممالک میں فی الحال پوری طرح سے جمہوری نظام قائم ہونے میں وقت لگے لیکن یہ طے ہے کہ عوام کے سیاسی حقوق میں اضافہ ہوگا اور خطے میں کشیدگی میں کمی ہوگی۔
(مضمون نگار سے 09811272415 یا ahmadkazmi@hotmail.com را بطہ کیا جا سکتا ہے)

For news in Urdu visit our page : Latest Urdu News, Urdu News

اسکولوں کے توسط سے جنک فوڈ کی تشہیر

2011-03-02T23:56:00.000+05:30

نسیم احمد
خوراک ایک بنیادی انسانی حق ہے مگر بھوک دنیا کا سب سے بڑا مسئلہ جو ہنوز حل طلب ہے۔ بہت سے معاشروں میں مسئلہ محض غذا کی قلت کا نہیں ہے بلکہ کون سی غذا کھائی جا سکتی ہے کون سی نہیں یہ امر بھی غیر معمولی اہمیت کا حامل ہے-ان دنوں جنک فوڈ پر زبردست ہنگامہ ہے۔ ایک جانب عالمی ادارہ صحت چھوٹے بچوں کو بازاری غیر صحت بخش کھانے پینے کی اشیا کے استعمال سے بچانے کی ضرورت پر زور دے رہا ہے جبکہ دوسری جانب بڑے بڑے اسکولوں کے توسط سے جنک فوڈ کی تشہیر کی جارہی ہے۔راجدھانی دہلی سے شائع ہونے والے انگریزی روزنامہ میل ٹوڈے نے اپنے 25فروری کے شمارے میں انکشاف کیا ہے کہ قومی راجدھانی خطہ دہلی کا ایمیٹی انٹر نیشنل اسکول بچوں کی صحت سے کھلواڑ کرتے ہوئے چھوٹے بچوں میںسنرجی کارڈ(SYNERGY CARD) تقسیم کر رہا ہے جس سے بچوں کو مختلف جنک فوڈ آو ٹ لیٹ سے رعایتی شرح پر جنک فوڈ مل سکے گا۔
برطانیہ میں ہونے والی حالیہ تحقیق میں انکشاف ہوا ہے کہ جنک فوڈ کے بڑھتے ہوئے رجحان کی وجہ سے بچوں میں بھی ٹائپ ٹو ذیابیطس کی بیماری سامنے آنے لگی ہے،جو پہلے صرف بالغ افراد کو لاحق ہوتی تھی۔صرف برطانیہ میں اس وقت2.8 ملین لوگ ذیابیطس کا شکار ہیںجب کہ2007 سے اب تک اس بیماری میں تیزی سے اضافہ ہوا ہے۔رپورٹ کے مطابق بچوں میں غذائیت کے بارے میں کی جانے والی 60 سے زیادہ تحقیقات کے تجزیے کے بعد یہ بات سامنے آئی ہے کہ جنک فوڈ کھانے سے ہزاروں کی تعداد میں نوجوان اور بچے صحت کے خطرات کی زد پر ہیں۔عالمی ادارہ صحت نے بھی چھوٹے بچوں کو بازاری غیر صحت بخش کھانے پینے کی اشیا کے استعمال سے بچانے کی ضرورت پر زور دیا ہے کیونکہ غیر صحت بخش خوراک والی اشیا بچوں میں غیر متعدی امراض کا باعث ہیں۔ عالمی ادارہ صحت کے شعبہ غیر متعدی امراض کے اسسٹنٹ ڈائریکٹر جنرل ایلا الوان کے مطابق بازاری اشیا میں چینی‘ نمک اور چکنائی زیادہ مقدار میں استعمال ہوتی ہے جوکہ بچے ٹیلی ویڑن پر اشتہارات اور کھانے پینے کی اشیا کی مارکیٹنگ سے متاثر ہو کر استعمال کرتے ہیں جن سے بچوں کو بعد ازاں دل کے امراض‘ ذیابیطس‘ کینسر اور کئی دیگر امراض لاحق ہو جاتے ہیں۔ عالمی ادارہ صحت کے ماہرین نے بچوں کو غیر متعدی امراض سے محفوظ رکھنے کے لئے صحت بخش غذاوں کا استعمال کروانے اور انہیں کھانے پینے کی بازاری اشیا سے بچانے کی ضرورت پر زور دیا ہے۔
کسی نے ڈاکٹر سے پوچھا کہ کھانے کے بہترین اوقات کون سے ہیں؟ ”ڈاکٹر نے جواب دیا کہ امیر آدمی کو جب بھوک لگے اور غریب آدمی کو جب بھی مل جائے“۔ عام تاثر یہ ہے کہ انسان ایک مکمل مخلوق ہے غذائیت کی مشین نہیں کہ اسے وہی کھلایا جائے جو اس مشین کو ٹھیک ٹھاک انداز میں چالو رکھ سکے انسان کے اپنے حواس خمسہ بھی ہوتے ہیں اور ان کی اہمیت بھی ہوتی ہے۔ صحت مند جسم کیلئے زندگی سے پوری طرح لطف اندوز ہونا اور مثبت انداز فکر اختیار کرنا ضروری ہے ہمیں وہی کچھ کھانا چاہئے جو ہماری زندگی ہے اسے قواعد و ضوابط کا پابند کرنا عقل مندی نہیں۔اس کے علاوہ آج کے دور میں اتنی فرصت بھی نہیں کہ سکون سے اور وقت پر کھانا کھا یا جائے بلکہ زیادہ تر لوگوں کو بھرے پرے گھر میں جلدی جلدی سینڈوچ یا برگر قسم کی کوئی چیز کھاکر اپنے کام میں مصروف ہو نا پڑتا ہے۔اکثر لوگ یہ نہیں سوچتے کہ وہ بھوکے ہیں،ان کے لئے اب یہ پیٹ کے بجائے ذہن کا معاملہ بن چکا ہے۔ آج کے دور میں ہمیں خوراک یا غذا کے معیار کا حقیقی مطلب سمجھنا چاہئے کہ ہماری خوراک میں کولیسٹرول کی سطح کتنی ہے یا ہمیں مختلف بیماریوں میں مبتلا کرنے والی چربی یا روغنیات کی کتنی مقدار ہے یا پھر وہ کیمیائی اجزا جو کینسر کا سبب بنتے ہیں کتنے ہیں ۔ہمیں کیلوریز، وٹامن ، معدنی اجزااور صحت بخش اجزاپرخاص دھیان دینا چاہئے۔ یہ سب کچھ ہمیں اس لئے کرنا چاہئے کیونکہ ہمیں یہ معلوم ہے کہ غذائی صفت قدرتی غذا کو کس طرح مسلسل برباد کئے جارہی ہے اور ہمارے کسان اور کاشت کار اپنے فارموں اور کھیتوں میں جراثیم کش دوائیںا سپرے کرکے سبزیوں اور فصلوں کا کس طرح ستیاناس کررہے ہیں۔یہ حقیقت بھی ہے اور اس سے انکار بھی نہیں کیا جاسکتا کہ یہی وہ اثرات ہیں جن کے باعث ہمارے کھانے کا عمل لذت کے حصول کا سبب نہیں بن پاتا۔ ماضی میں ہم غذا سے جس طرح لطف اندوز ہوا کرتے تھے وہ دور تو کب کا ختم ہوچکا اور اب کھانا کھانے کا عمل محض ایک بوجھ کی شکل اختیار کرگیا ہے جس کو اتارنے کیلئے ہم جلد بازی سے کام لیتے ہیں اور جنک فوڈ کی جانب راغب ہوتے ہیں جبکہ یہ بات بڑی شدت سے محسوس کی گئی ہے کہ فاسٹ فوڈ بچوں کیلئے ایک کشش اور جادوئی اپیل رکھتی ہے ۔ غیرمتوازن خوراک یا غذا کو ہم اپنے کھانوں کا ہرگز جزو نہ بننے دیں اپنے کھانے کے ساتھ قدرتی انداز میں انصاف کریں۔ ڈائٹنگ کے نام پر ہونے والا یہ شور و غل اور ہنگامہ اپنی جگہ درست ہے کیونکہ یہاں معمولی مفاد کے لئے بچوں کی صحت کے ساتھ کھلواڑ کیا جا رہا ہے۔ لیکن کھا نے کے معاملے میں سائنس اور طبی تحقیقات نے بھی کافی ابہام پیدا کئے ہیں۔ آج بھی بہت سے لوگ اس فکر میں دبلے ہوئے جارہے ہیں کہ ان کیلئے کون سی غذا اچھی ہے اور کون سی بری، لیکن ان کا یہ رجحان یا کریز عرصہ گزر جانے کے بعد اس وقت غلط ثابت ہوگا یا ہوا جب جب سائنس اور طبی تحقیق کے ذریعے بہت سی ان اشیا کو جو مدتوں سے بلیک لسٹ تھیں اچانک ان کو منظوری مل گئی اور ان کی افادیت بحال ہوگئی۔ انڈا، چاکلیٹ ،ریڈ میٹ یا کافی کی مخالف تحریک نے جو شدت اختیار کررکھی تھی اس کا اچانک خاتمہ ہوگیا۔ انڈے اب کولیسٹرول بم نہیں رہے یہی حال کافی کا ہے اور چاکلیٹ کو تو کینسر جیسے موذی مرض کے خلاف جنگ میں اصل ہتھیار کا درجہ حاصل ہوگیا ہے۔
ملک میں چھوٹے اور نومولود بچوں اور حاملہ خواتین میں شرح اموات پہلے ہی دنیا کے دیگر ملکوں کے مقابلے میں تشویشناک حد تک زیادہ ہے۔2008 میں ملک میں پانچ سال سے کم عمر کے 18لاکھ بچے، جن میں سے دس لاکھ بچے چار ہفتے یا اس سے بھی کم عمر کے تھے، اور 68 ہزار مائیں ناکافی طبی سہولتوں کے باعث موت کے منہ میں چلے گئے۔ یہی نہیںملک میںنقص تغذیہ کے شکار بچوں کی تعداد بھی دنیا بھر میں سب سے زیادہ 5کروڑ20لاکھ ہے۔اس لئے جنک فوڈز پسند کرنے والے بچے ہوشیار ہوجائیں ،یہ فوڈز آپ کو بیمار بھی کر سکتے ہیں ،اس لئے احتیاط کیجئے۔والدین اس جانب خصوصی توجہ دیں۔
(مضمون نگار سے 09873709977یا naseem987@yahoo.co.in سے رابطہ کیا جا سکتا ہے)

For news in Urdu visit our page : Latest Urdu News, Urdu News

دہشت گردی کی جغرافیائی حدود ہوتی ہے اور نہ کوئی مذہب

2011-03-02T23:53:00.000+05:30

اردو تہذیب ڈاٹ نیٹ کے زیر اہتمام حیدرآباد کے سمینار میں مقررین کا اظہار خیال
(رپورٹ سید اجمل حسین، نمائندہ اردو تہذیب)
دہشت گردی کی کوئی جغرافیائی حدود ہوتی ہے نہ اس کا کوئی رنگ نہ نسل اور نہ ہی اس کا کوئی مذہب ہوتا ہے بلکہ وہ ایک ایسا انسانیت دشمن فعل ہے جسے صرف دہشت گردی کا ہی نام دیا جاسکتا ہے اور چونکہ دور حاضر میں یہ کوئی علاقائی دہشت گردی نہیں بلکہ عالمی دہشت گردی ہےجو اس بات کی متقاضی ہے کہ اسے اتحاد و یکجہتی کا ثبوت دیتے ہوئے مشترکہ جد و جہد سے پسپا کیا جائے اور دہشت گردی کوئی ایسا عفریت نہیں کہ اس سے مخلوط تہذیب و ثقافت کے ہتھیارسے پسپا نہ کیا جاسکے ضرورت صرف بلا لحاظ مذہب و ملت و علاقہ و خطہ ہر کس و ناکس کے دل میں روا داری، تحمل ، صبر و استقلال اور باہمی اخوت و محبت کے جذبات کے موجزن ہونے کی ہے۔ علاوہ ازیں گیت ، گانے، نغمے شاعری اور اجیت سنگھ ست بھامراکا طریقہ کار دہشت گردی سے نجات پانے کا بہترین علاج ہیں۔ یہ وہ خیالات ہیں جو سلطنت قطب شاہی تا سلطانان دکن کی روشن تاریخ سے جگمگاتے و دمکتے شہرحیدر آبادکے ہوٹل دکن تاج میں اردو تہذیب ڈاٹ نیٹ (urdutahzeeb.net)کے زیر اہتمام ایک عظیم الشان سمینار میں تقاریر کرنے والی بیورو کریسی، فلمی،تدریسی،کھیل،صحافی، صوفی اور مذہبی ملکی و غیر ملکی شخصیات نے پیش کئے۔لندن سے آئے مہمان مقرر چمن لال چمن نے دو ٹوک لہجہ میں کہا کہ ممبئی کا ہوٹل ہو یا لاہور کا۔ لندن کی بس ہو یا ورلڈ ٹرید سینٹر وہ دہشت گردی کا تانڈو ناچ دیکھنے کا زندہ ثبوت ہیں جو اس دہشت گردی کو عالمی دہشت گردی ثابت کرتا ہے۔ لیکن پاکستان سے آئے مہمان حقوق انسانی کمیشن پاکستان کے چیرمین جناب اقبال حیدر کا کچھ اور ہی خیال تھا۔ اقبال حیدر نے سمینار میں اور فرصت کے لمحات میں حیدر آباد کے مختلف کالجوں اور یونیورسٹی کے طلبا نیز کچھ دیگر حاضرین کے ساتھ نجی گفتگو میںکہا کہ یوں تو دہشت گردی ایک عالمی مسئلہ ہے لیکن اس وقت سب سے زیادہ اس موذی مرض کا شکار پاکستان ہے جہاں القاعدہ، طالبان اور تحریک طالبان کراچی سے سوات تک قتل و غارت گری میں لگے ہوئے ہیں ۔انہوں نے کہا کہ یہ دہشت گردی ہی ہے جو پاکستان اور بنی نوع انساں کی دشمن بنی ہوئی ہے ان کا کہنا تھا کہ پاکستان کا دشمن ہندوستان نہیں بلکہ خود ہم ہیں اور دشمن ہمارے اندر ہی چھپا ہوا ہے ۔ اسی دشمن کے ہاتھوں آئے روز پاکستان میں خونیں وارداتیں ہوتی ہیں کہیں بم پھٹتے ہیں تو کہیں بے قصوروں کو اندھادھند گولیاں برسا کر موت کی آغوش میں بھیج دیا جاتا ہے۔اسکولوں کو بموں سے اڑا دیا جاتا ہے ان کے خیالات کی تائید نہ کرنے یا ان کی زبان نہ بولنے والے مساجد کے اماموں تک کو نہیں بخشا جاتا وہ بھی انتہا پسندوں کی گولیوں کا شکار بنتے رہتے ہیں ۔ انہوں نے مزید کہا کہ ان دہشت پسندوں اور انتہا پسند تنظیموں کو امریکہ اور سعودی عرب کی زبردست حمایت حاصل ہے وہ ان کی حوصلہ افزائی کے لئے بے دریغ پیسہ خرچ کرتے ہیں جس سے صرف پاکستان ہی نہیں پورا ساﺅتھ ایشیا دہشت گردی کے زلزلہ سے آئے رو زلرزتا رہتا ہے۔انہوں نے کہا کہ صرف امریکہ اور سعودی عرب ہی نہیں خود پاکستانی فوج کے کچھ افسران بھی ان کی در پردہ مدد کرتے ہیں جس سے وہ خود کو خدائی فوجدار سمجھ بیٹھتے ہیں ۔انہوں نے کہا کہ ہندوستان سے کئی جنگیں ہوئیں لیکن پاکستان کا کوئی فوجی جنرل نہیں مارا گیا لیکن یہ طالبان اور القاعدہ اور ان جیسی انتہا پسند پاکستانی تنظیمیں ہی ہیں جن کے ہاتھوں پاکستانی جنرل مارے گئے جن کا قصور صرف اتنا تھا کہ انہوں نے کچھ ان پاکستانی فوجی افسران کو بے نقاب کرنے کا ارادہ کیا تھا جن کے طالبان اور القاعدہ سے رابط تھے۔ اب سے ٹھیک تین سال قبل اسی مہینے میں 25فروری 2008کو لیفٹننٹ جنرل مشتاق احمد بیگ ایک خود کش بم دھماکے میں ہلاک ہوئے تھے اور اس کے ڈھائی سال بعد ہی ایک اور فوجی جنرل میجر جنرل احمد فیصل علاوی کو دہشت گردی مخالف رویہ اپنانے اور طالبان کے جال میں نہ پھنسنے نیز آئی ایس آئی کے افسروں کی طالبان اور القاعدہ کے ساتھ ساز باز کو ثبوتوں کے ساتھ بے نقاب کرنے کی دھمکی دینے کی وجہ سے خود پاکستانی فوج نے ہی ان کو موت کے گھاٹ اتار دیا تھا جس کی توثیق اس سے ہوتی ہے کہ انہیں 9ایم ایم پستول سے 8گولیاں چلا کر مارا گیا تھا اور یہ دہشت گردوں کی کارروائی نہیں تھی۔ انہوں نے کہا کہ اس وقت یہی دہشت گردی زبردست پروان چڑھ کر حکومت وقت کے لئے زبردست چیلنج بن گئی ہے اور اس سے نپٹنے کے لئے پاکستان کی کوششوں میں عالمی تعاون کی سخت ضرورت ہے خاص طور پر ہندوستان اس میں نمایاں کردار ادا کر سکتا ہے اور اس کے لئے ضروری ہے کہ پاکستان پہلے تو اپنی سرزمین کو دہشت گردی سے پاک کرے جس سے نہ صرف اس کی یکجہتی برقرار رہے بلکہ ہند پاک کشیدگی بھی دور ہو سکے۔ لہٰذادونوں پڑوسی ملکوں ہندوستان اور پاکستان کو پورے جنوب ایشیائی خطہ کو دہشت گردی سے پاک کرنے لئے متحد ہوکر جدو جہد کرنی ہوگی ۔ مشترکہ تہذیب کے امتزاج سے مشترکہ حکمت عملی وضع کر کے اس عفریت کو ایسے پنجرے میں قید کرنا ہوگا جہاں سے وہ صرف ٹکر ٹکر تو دیکھ سکے کچھ کر نہ سکے۔مقررین نے دہشت گردی کی اصل جڑ فرقہ پرستی کو بھی بتایا اور اس ضمن میں میڈیا کو آڑے ہاتھوں لیا گیا کہ وہ کچھ خبروں کو اس طرح نمک مرچ لگا کر پیش کرتا ہے کہ اس سے فرقہ پرستی کی آبیاری ہوتی ہے اور فرقہ پرستی کا جو پودا مرجھانا شروع ہوتا ہے پھر سے سر سبز و شاداب ہو جاتا ہے۔اس سلہ میں ہندوستان کے سابق ٹیسٹ کرکٹر اور کوچ و منیجر عباس علی بیگ نے کہا کہ کھیل بھی دہشت گردی کا شکار بن رہے ہیں اور یہی وجہ ہے کہ آج ہندوستان و پاکستان کے درمیان کرکٹ رابطے نہیں ہیں اور غیر ملکی ٹیمیںجو پاکستان جا کر کھیلا کرتی تھیں اسے بھی دہشت گردی نے اپنا شکار بنا لیا اور سری لنکا کے کھلاڑیوں پر دہشت گردانہ حملوں کی وجہ سے اب کوئی غیر ملکی ٹیم پاکستان کا دورہ کرنے کی بھی ہمت نہیں کرتی اور اس کی ٹیم کو کرکٹ سریز کھیلنے کے لئے کسی تیسرے ملک جانا پڑتا ہے اور اسے ہوم سریز کا نام دیا جاتا ہے۔ انہوں نے کہا کہ کرکٹ میں بھی فرقہ پرستی کی داغ بیل تو انگریزوں کے دور میں ہی تقسیم ہند سے پہلے ہی اس وقت پڑ گئی تھی جب مسلمانوں، ہندوﺅں ، عیسائیوں اور پارسیوں کی الگ الگ ٹیمیں بنا کر ان کے درمیان میچ شروع کرائے گئے تھے۔ اپنی گوناں گوں مصروفیات کے باوجود ممبئی سے دہلی جانے کے بجائے سیدھے حیدرآباد پہنچنے والے جمیعتہ العلماءہند کے قائد اور ممبر پارلیمنٹ مولانا محمود مدنی نے اظہار خیال کرتے ہوئے کہا کہ دہشت گردی کی مختلف انداز میں تشریح کی جارہی ہے کوئی اسے جہاد کا نام دے رہا ہے تو کوئی اسے آزادی کے متوالوں کی تحریک قرار دینے پر کمر بستہ ہے تو پڑوسی ملک اسے دہشت گردی قرار دینے پر مصر رہتا ہے تو ایسے میں مخلوط اور مشترکہ تہذیب و ثقافت کے ہتھیار سے دہشت گردی کا قلع قمع کرنے میں انتہائی دانشمندانہ اقدام کرنے کی ضرورت ہے۔جس سے ہر شخص دہشت گردانہ واقعات کو انسانیت کے قتل سے تعبیر کرنے لگے۔ انہوں نے کہا کہ قرآن و حدیث سے واضح ہو جاتا ہے کہ حق کے لئے لڑنا جائز ہے لیکن ناحق خون بہانے کو ہر گز جہاد نہیں کہا جا سکتا کیونکہ اللہ تعالیٰ زمین پر فساد برپا کرنے والوں کو پسند نہیں کرتا۔مولانا مدنی نے کہا کہ اصل جہاد تو نفس پر قابو پانا ہے اور جب نفس پر قابو پالیا جائے گا تو اس قسم کی دہشت گردی ،جس نے آج ایک عالم کا سکون درہم برہم کر رکھا ہے، خود بخود نیست و نابود ہو جائے گی۔
مشہور و معرف بزرگ صحافی مسٹر کلدیپ نیئر نے دہشت گردوں اور پولیس کو ایک ہی تھیلی کا چٹہ پٹہ بتایا وہ دونوں ہی اپنی بربریت کے لئے جانے جاتے ہیں۔ انہوں نے کہا کہ اگر دہشت پسند بموں، فائرنگ اورخودکش حملوں کو اپنا ہتھیار بنائے ہوئے ہیں تو پولس اذیت رسانی اور فرضی مڈبھیڑوں میں لوگوں کو موت کے گھاٹ اتارنے میں بدنام ہے تاہم انہوں نے کہا کہ ساری پولس فورس اس زمرے میں نہیں آتی۔انہوں نے کہا کہ یہ پولس کی فرض شناسی ہی ہے کہ آج وہی پنجاب جو کبھی دہشت گردی اور تشدد کا گڑھ تھا سکون کا گہوارہ بنا ہوا ہے۔ انہوں نے کہا کہ جس طرح ساری پولس کو ظالم نہیں کہا جا سکتا اسی طرح سارے مسلمانوں کو بھی دہشت گرد نہیں کہا جا سکتا لیکن جتنے بھی دہشت گرد ہیں وہ مسلمان ہیں۔تاہم انہوں نے کہا کہ اب مسلمانوں پر سے یہ داغ بھی دھلنے لگا ہے کیونکہ گذشتہ کچھ عرصہ سے بھگوا دہشت گردی بے نقاب ہونے لگی ہے اور یہ ہندوستانی پولس اور اس کی خفیہ ایجنسیاں ہی ہیں جن کی دیانتدارانہ تفتیش اور کھوج نے ملک میں بھگوا دہشت گردی کا پردہ فاش کیا اور اسیما نند جیسے لوگ منظر عام پر آئے۔ انہوں نے کہا کہ ہندوستان میں دہشت گردی سرحد پار پاکستان، میانمار اور برما سے داخل ہو رہی ہے اور اس پر قابو پانے کا واحد راستہ ہندوستان اور پاکستان کا پر امن بقائے باہم کے اصولوں پر عمل کرتے ہوئے دونوں ملکوں میں امن قائم رکھنے کے لئے مشترکہ اقدامات کرنے کی ضرورت ہے۔ حیدر آباد کے مشہور صحافی اور روزنامہ سیاست کے نیوز ایڈیٹر نے اخبار کے چیف ایڈیٹر کی نمائندگی کرتے ہوئے کہا کہ اس سمینار کے لئے اردو تہذیب ڈاٹ نیٹ کا موضوع بحث” کیا مخلوط تہذیب سے دہشت گردی کا مقابلہ کیا جاسکتا ہے“ نہ صرف دلچسپ ہے بلکہ سنجیدگی سے غور و فکر کی دعوت بھی دیتا ہے ۔ انہوں نے کہا کہ مسلم ملکوں میں دہشت گردی ، بنیاد پرستی اور انتہا پسندی کو اسلام سے جوڑنا اور پھر مسلمانوں کو عتاب کا شکار بنانا نا مناسب ہے کیونکہ انگلینڈ میں آئرش دہشت گردی کو عیسائیت کی دہشت گردی سے کبھی تعبیر نہیں کیا گیا۔ انہوں نے کہا کہ اسلام جب تلوار اور بندوق سے نہیں پھیلا تو وہ دہشت گردی کو کیسے جائز قرا ر دے سکتا ہے۔انہوں نے کہا کہ دہشت گردی کی کئی اقسام ہیں۔ امریکی دہشت گردی، عالمی دہشت گردی القاعدہ اور طالبان کی دہشت گردی اور ناتھو رام گوڈسے کی دہشت گردی جیسی قسموں سے ہم دوچار ہیں ۔ انہوں نے کہا کہ مجموعی اعتبار سے دہشت گردی کا تعلق انسانیت دشمنی سے ہے۔ ہندوستان میں بھی دہشت گردی رہی ہے اور ہندوستان میں پہلی دہشت گردی گاندھی جی کے قتل سے شروع ہوئی۔لیکن چونکہ رواداری اور تحمل و برداشت کا مادہ عنقا ہوتا جا رہا ہے اس لئے فرقہ پرستی جنم لے رہی ہے ۔انہوں نے کلدیپ نائر کی تقریر کے حوالے سے کہا کہ انہوں نے تو صرف پولس اور دہشت گردوں کو ہی ایک ہی تھیلے کا چٹہ بٹہ بتایا ہے جبکہ سیاست داں بھی اس زمرے میں آتے ہیںجو محض اپنے ذاتی یا پارٹی مفادات کی خاطردہشت گردی کو فروغ دینے میں پیش پیش رہتے ہیں۔ انہوں نے کہا کہ دہشت گردی اسلامی کیسے ہو سکتی ہے جبکہ اسلام تشدد و فتنہ فساد کی ہر گز اجازت نہیں دیتا ۔ انہو ں نے کہا کہ دہشت گردی کو اسلامی دہشت گردی کا نام دے کر مسلمانوں کو الگ تھلگ کیا جارہا ہے اور اس سے فرقہ پرستی کو ہی فروغ حاصل ہو رہا ہے۔ اس ضمن میں انہوں نے مکہ مسجد بم دھماکہ، اجمیر بم دھماکہ، سمجھوتہ ایکسپریس سانحہ، حیدر آباد کے گوکل چاٹ بم دھماکوں کے حوالے دئے اور کہا کہ ہر مقام کی پولس حرکت میں آگئی اور دیکھتے ہی دیکھتے سیکڑوں مسلمانوں کو گرفتار کر لیا گیا۔ انہوں نے کہا کہ اگر پولس ہی جب فرقہ پرستی سے کام لے گی تو کیا پولس مظالم سے مسلم نوجوانوں میں انتقامی جذبات جنم نہیں لیں گے کیا اس سے ملک کی سلامتی محفوظ رہ سکے گی؟ انہوں نے کہا کہ جس طرح مشترکہ تہذیب سے دہشت گردی کا مقابلہ کرنا ہے اسی طرح اردو تہذیب ڈاٹ نیٹ کے پلیٹ فارم سے یہ میسیج دینا بھی ضروری ہے کہ ہر مکتب فکر کے دانشوروں کو یہ غلط فہمی دور کرنی چاہئے کہ دہشت گردی کا اسلام سے تعلق ہے ۔ انہوں نے کہا کہ امریکہ بھی ایٹمی ہتھیاروں کا ذخیرہ کرکے اور اس کو دنیا بھر میں پھیلا کر دہشت گردی پھیلا رہا ہے۔انہوں نے مزید کہا کہ ہندوستان تو خود ہی کثرت میں وحدت اور مشترکہ تہذیب کاکا جیتا جاگتا ثبوت ہے بس ضرورت اس قسم کے مباحثہ سے پیغام محبت دینے کی ضرورت ہے جس کی گونج سے پورا ساﺅتھ ایشیا گونج اٹھے اور دہشت گردوں کے حوصلے پست ہو جائیں۔مشہور فلم سازمسٹر مہیش بھٹ نے کہا کہ اس پلیٹ فارم سے یہ پیغام پوری دنیا کو پہنچنا چاہئے کہ مخلوط تہذیب ہی دہشت گردی کی اصل کاٹ ہے انہوں نے کہا کہ ہندوستان ہو یا پاکستان دونوں ملکوں میں کچھ ایسی فرقہ پرست تنظیمیں ہیں جو دونوں لکوں کے درمیان نہ تعلقات استوارہونے دینا چاہتی ہیں اور نہ ہی دہشت گردی کے خلاف متحدہ جدوجہد کرنے دینا چاہتی ہیں۔ اس ضمن میں انہوں نے مہاراشٹر کی شیو سینا کے اس مکتوب کو دکھایا جس میں اس نے ہندوستانی فلم شخصیات کو دھمکی دی ہے کہ اگر انہوں نے پاکستان فنکاروں ے رابطہ رکھا تو سنگین نتائج بھگتنے ہوںگے اسی طرح پاکستان میں بھی ہندوستانی فلموں کی مخالفت ہوتی ہے اور ” غدر“ اور ” ماں تجھے سلام“ جیسی فلموں کی وہاں نمائش نہیں ہونے دی گئی۔ مسٹر بھٹ نے اردو کو ایک خانہ میں قید کر دینے کے حوالے سے کہا کہ اس میں کوئی شک نہیں کہ اردو کے ساتھ نانصافی ہو رہی ہے اور اس کو جو درجہ دیا جانا چاہئے نہیں دیا جا رہا لیکن یہ بات بھی اپنی جگہ درست ہے کہ اسے صرف مسلمانوں کی زبان بتا کرخود مسلمان اس سے نانصافی کر رہے ہیں جبکہ اردو ایسی زبان ہے جس سے لوگوں کے دلوں میں جگہ بنائی جا سکتی ہے اور وہ مشترکہ تہذیب کی علمبردار بن کر ملک سے فرقہ واریت کا خاتمہ کر سکتی ہے۔ اسی حوالہ سے شہرہ آفاق گلو کار جگجیت سنگھ نے کہا کہ جہاں تک مذہب کا تعلق ہے تو یہ ذاتی معاملہ ہے لیکن جہاں تک زبان کا تعلق ہے تو اس پر کسی ایک فرقہ یا طبقہ کی اجارہ داری نہیں ہو سکتی اردو نہ صرف سارے ملک کی زبان ہے بلکہ اسی نے ہندوستانی تہذیب کو ایک شناخت دی ہے۔ انہوں نے کہا کہ مذہبی ، سیاسی اور لسانی تنازعات سے اوپر اٹھ کر ہمیں مشترکہ تہذیب کو اس قدر مضبوط کر دینا چاہئے کہ وہ دہشت گردی کا موثر علاج ثابت ہو سکے اور دہشت گردی کا ناسور بلیک بورڈ پر لکھے چاک کے الفاظ کی طرح ایک ہی جھٹکے میں صاف ہو جائے۔ اسی ضمن میں لندن سے آئے چمن لال چمن نے کہا کہ اردو کو خود اردو والے محدود کر رہے ہیں جبکہ یہی اردو تہذیب ہماری مشترکہ تہذیب ہے۔ انہوں اپنی اس بات میں وزن پیدا کرتے ہوئے کہا کہ اردو مشاعروں کا آغاز قرآن شریف کی تلاوت سے کر کے یہ باور کرایا جاتا ہے کہ اردو صرف اور صرف مسلمانوں کی زبان ہے جبکہ لاتعداد ہندو اور سکھ اردو کی مشہور و مقتدر شخصیات ہیں اور بی اے اور ایم اے کے نصاب میں شامل فراق گوکھپوری ایک ہندو شاعر تھے۔ انہوں نے کہا کہ اگر کوی سمیلن کا آغاز ہون سے ہونے لگے اور سکھ مشاعروں کا آغاز اکھنڈ پاٹھ سے ہونے لگے تو مشاعرے شروع ہونے میں ہی کئی دن لگ جائیں گے۔ انہوں نے کہا کہ اردو غیر مسلموں میں بھی کتنی مقبول اور محترم ہے اس کا اندازہ اردو تہذیب ڈاٹ نیٹ کے بانی اجیت ست بھامرا کی اردو سے بے پناہ دلچسپی سے لگایا جا سکتا ہے جس کے پرچم تلے وہ محض اردو کی بقا اور دہشت گردی کی سرکوبی کا پے در پے پیغام دے رہے ہیں۔ سمینار میں تمام مقرر ین نے اسی پر اصرار کیا کہ اردو تہذیب ہی در اصل مشترکہ تہذیب ہے جسے فروغ دینے کی ضرورت ہے۔ اور اسے فروغ دے کر ہی دہشت گردی سے چھٹکارہ پا کر آنے والی نسل کو خوش و خرم اور دہشت گردی سے پاک ماحول میں زندگی گذارنے کا موقع دیا جا سکتا ہے۔آئی اے ایس اور محکمہ سیاحت کے اعلیٰ افسر مسٹرجئنش رنجن اپنے افتتاحی خطبہ میں کہا کہ ہندوستان کی مشترکہ تہذیب ہمیں یہ بات تسلیم کرنے پر مجبور کرتی ہے کہ ہم نہ صرف ایک دوسرے سے جدا نہیں ہیں بلکہ ایک دوسرے کے لئے ناگزیر اور لازم و ملزوم بھی ہیں لیکن گزشتہ چند برسوں سے جس قسم کے حالات پیش آرہے ہیں اور دہشت گردی کو فروغ مل رہا ہے وہ ہمیں اس سے نمٹنے کے لئے کوئی لائحہ عمل وضع کرنے پر مجبور کرتا ہے۔ اور اردو تہذیب ڈاٹ نیٹ اس جانب جو پیش رفت کر رہا ہے وہ قابل صد آفرین و تحسین ہے۔ اردو تہذیب ڈاٹ نیٹ کے چیر مین مسٹر اجیت سنگھ ست بھامرا نے ہوٹل تاج دکن میں ہوئے اس سمینار کے مہمانوں کا تہ دل سے خیر مقدم کرتے ہوئے کہا کہ اس موضوع پر تبادلہ خیال کرنے اور ایک دوسرے کے خیالات سننے کے لئے آپ لوگوں نے جو قیمتی وقت دیا اس کے لئے وہ تمام حاضرین و مقررین کے ممنون و مشکور ہیں۔ سمینار دو سیشن میں ہوا ۔پہلا سیشن مقررین کے اظہار خیال کے بعد سوال و جواب سے اختتام کو پہنچا اور دوسرا سیشن لنچ کے بعد مزید کئی اہم شخصیات کی تقریروں اور پھر سوال وجواب کے بعد چو محلہ پیلیس میں شہرہ آفاق گلو کار جگجیت سنگھ کی دلفریب و مسحور کن غزلوں کی گونج کے ساتھ اختتام پذیر ہوا۔

لیبیا کے کئی شہروں پر باغیوں کا قبضہ، طرابلس پر قبضہ کے لئے فوج سے مدد مانگی

2011-03-02T23:48:00.002+05:30

نالوت: لیبیا کے ڈکٹیٹر کرنل معمر القذافی کے خلاف تحریک چلانے والوں نے ملک کے کئی مغربی علاقوں پر قبضہ کر لیا جبکہ اقتدار سے دستبردار ہو جانے کے لئے عالمی لیڈروں کی جانب سے دباﺅ کے باوجود قذافی باغیوں کی اس کامیابی کو کوئی اہمیت نہیں دے رہے۔احتجاجیوں نے کئی مشرقی و مغربی شہروں پر اپنا کنٹرول قائم کر کے متوازی نیشنل کونسل قائم کر لی ہے اور فوج سے اپیل کی ہے کہ طرابلس پر قبضہ کے لئے وہ ان کی مدد کرے۔ادھر امریکہ نے کہہ دیا ہے کہ قذافی کو اکھاڑ پھینکنے کی کوشش کرنے والی عوام کا وہ ہر ممکن ساتھ دینے اور ان سے تعاون کرنے کے لئے تیار ہے۔ اقوام متحدہ کے پناہ گزیں کمیشن نے کہا ہے کہ لیبیا کے حالات نے ملک میں ہنگامی بنیاد پر انسانی ہمدردی کرنے کی صورت حال پیدا کر دی ہے۔امریکی وزیر خارجہ ہیلری کلنٹن نے صدر بارک اوبامہ سمیت تمام عالمی لیڈروں کی جانب سے قذافی کو اقتدار سے کنارہ کشی اختیار کر لینے کی اپیل کو دوہرایا۔انہوں نے کہا کہ قذافی کو جس صورت حال کا سامنا کرنا ہے یہ اس کا آغاز ہے۔انہوں نے کہا کہ پہلے تو ہمیں یہ دیکھنا ہے کہ ان کے دور اقتدار کا خاتمہ کسی قسم کی خونریزی کے بغیر ہو ۔ انہوں نے کہا کہ امریکہ چاہتا ہے کہ جتنی جلد ممکن ہو سکے قذافی اقتدار سے بے فدخل ہو جائیں۔

Read In English

For news in Urdu visit our page : Latest Urdu News, Urdu News

دہشت گردی سے مقابلہ کے لئے سر زمین دکن پر اردو تہذیب کی پکار

2011-02-23T22:49:00.000+05:30

بہمنی سلطنت اور پھر سلطانان دکن کے شہر حیدر آباد کی تہذیب میں اس وقت چار چاند لگ گئے جب اردو تہذیب ڈاٹ نیٹ کے زیر اہتمام گذشتہ روز وہاں کے مشہور ہوٹل تاج دکن میں ایک سمینار اورپھر چو ماہلا پیلیس میں شہرہ آفاق گلوکار جگجیت سنگھ کی دلوں کو چھونے والی غزلوں کی جھنکار سے پورا حیدر آباد گونج اٹھا۔اس موقع پر ملکی و غیر ملکی دانشوروں،فلم شخصیات، سیاستدانوں،صحافیوں اور سابق کرکٹ کھلاڑیوں غرضیکہ مختلف شعبوں کے ماہرین و اکابرین نے اپنے خیالات کا اظہار کر کے ”دہشت گردی کے حملے سے مشترکہ تہذیب کو بچانے“ کی راہیں اور سمتیں دکھائیں اور اپنے خوبصورت طرز بیان سے اس سمینار کے ذریعہ امن کا ایک ایسا پیغام بھیجا جس پر چل کر مشترکہ تہذیب کے ذریعہ دہشت گردی کا مقابلہ ہی نہیں بلکہ اسے پسپا بھی کیا جا سکتا ہے ۔ اردو تہذیب ڈاٹ نیٹ کے پرچم تلے عام خیال یہ ظاہر کیا گیا کہ ہندوستان کی سالمیت کی بنیاد فرقہ وارانہ ہم آہنگی اور جمہوریت پر منحصر ہے ، ہندوستانی عوام کو ناامید یا مایوس ہونے کی ضرورت نہیں ہے کیونکہ ہر صبح کو گھٹا ٹوپ تاریکیوں کا سامنا کرنا پڑتا ہے اور ہندوستانی عوام نے فرقہ پرستی کو مسترد کرتے ہوئے ہندوستانی تہذیب و تمدن کی برقراری میں اہم کردار ادا کیا ہے۔ا س موقع پر ممتاز و بزرگ صحافی کلدیپ نیر نے اس ضمن میں اپنے خیالات پیش کرتے ہوئے کہا کہ ہندو اور مسلمانوں کی تہذیبوں کا حسین امتزاج مشترکہ تہذیب ہے، جسے عرف عام میں گنگا جمنی تہذیب بھی کہا جاتا ہے، جو کسی بھی تخریب کاری کا منھ توڑ جواب دینے کی اپنے اندرایسی زبردست طاقت رکھتی ہے جس سے دہشت پسندوں کے حوصلے ایسے پست ہوجائیںگے کہ وہ کوئی دہشت پسندانہ حرکت کرنے یا واردات انجام دینے سے پہلے ہزار بار سوچیں گے اور انہیں اس کے علاوہ کوئی راہ نہیں سجھائی دے گی کہ وہ دہشت گردی کی راہ ترک کر کے انسانیت کی خدمت میں لگ جائیں۔
” کیا ہمہ جہتی کلچر دہشت گرد حملوں کا مقابلہ کر سکتا ہے“ کے عنوان کے تحت اس سمینار سے معروف غزل گلوکار مسٹر جگجیت سنگھ ، پاکستان کے حقوق انسانی کمیشن کے چیر مین جناب اقبال حیدر،جناب عامر علی خان نیوز ایڈٹیر ” سیاست“ حیدرآباد اور ممتاز فلم ہدایت کار مسٹر مہیش بھٹ ، جناب سید عزیز پاشاہ، مسٹر آنند راج آنند اور سابق ٹیسٹ کرکٹر عباس علی بیگ خطاب کرنے والوں میں شامل تھے۔مسٹر جیئش رنجن آئی اے ایس پرنسپل سکریٹری محکمہ سیاحت نے افتتاحی کلمات ادا کئے۔ مسٹر کلدیپ نیئر نے دہشت گردوں اور پولیس کی کارروائیوں کا موازنہ کرتے ہوئے کہا کہ دونوں ہی بے وجہ ظلم کرنے کے عادی بن چکے ہیں۔ انہوں نے بتایا کہ ابتدائی دور میں جب دہشت گردی منظر عام پر آنے لگی تھی تو یہ کہا جاتا تھا کہ تمام مسلمان دہشت گرد نہیں ہیں لیکن جتنے دہشت گرد ہیں وہ مسلمان ہیں مگر گزشتہ چند ماہ کہ دوران حالات بکسرتبدیل ہو چکے ہیں اور ملک میں زعفرانی دہشت گردی کے فروغ کا پردہ فاش ہوا۔ کلدیپ نیئر نے دہشت گردانہ کارروائیوں اور پولس کے فرضی انکاو ¿نٹرس کا تذکرہ کرتے ہوئے کہا کہ عدالتوں میں مقدمات طویل عرصہ تک معرض التوا میں پڑے رہنے کے سبب حصول انصاف میں رکاوٹ پیدا ہو رہی ہے۔ انہو ںنے فرقہ ورانہ ہم آہنگی اور ہمہ جہت تہذیب کے فروغ کے لئے اقدامات کی ضرورت پر زور دیتے ہوئے کہا کہ مہذب معاشرہ کی تشکیل کے لئے صحافت اہم کر دار ادا کر سکتی ہے۔ انہو ںنے مہذب معاشرہ کی تشکیل کے لئے آزادی صحافت کو ناگزیر قرار دیتے ہوئے کہا کہ صحافت کو حاصل آزادی کسی کی ولآزاری کا ذریعہ نہیں بننی چاہئے۔ انہو ںنے بتایا کہ ملک میں دہشت گردی کے متعلق تبدیل ہو رہے نظر یہ کو دیکھتے ہوئے اس بات کی ضرورت ہے کہ مشترکہ تہذیب کو پیش کرتے ہوئے متحد ہونے کی کوشش کریں۔ مسٹر مہیش بھٹ نے اس موقع پر بتایا کہ آزادی ہند کے بعد اردو کو ملک کی تقسیم کی ذمہ دار زبان تصور کیا جانے لگا ہے جو کہ انتہائی لغو ہے۔ انہوں نے بتایا کہ کسی بھی ملک کی تاریخ اس کے رہنے والے عوام کی تاریخ ہوتی ہے اسی لئے ہندوستانی عوام کو چاہئے کہ وہ اپنی مشترکہ تہذیب کے ذریعہ ایک نئی تاریخ رقم کرتے ہوئے دہشت گردی کے خاتمہ کی کوشش کریں۔ انہوں نے بتایا کہ شیوسینا جیسی بعض کم ظرف جماعتیں دہشت گردی جیسی بیماریوں کے علاج میں رخنہ پیدا کر رہی ہیں۔ انہوں نے بتایا کہ ہند-پاک تعلقات بہتر بنانے کے لئے بالی ووڈ کی جانب سے کی جا رہی کوششوں پر اعتراض کرتے ہوئے شیوسینا نے دھمکی دی ہے کہ کوئی پاکستانی اداکاروں یا دیگر فنکاروں کو ملازمت فراہم نہ رکریں۔ انہوں نے بتایا کہ ” غدر“ اور ” ماں تجھے سلام“ جیسی مخالفت پاکستان فلمیں عوام نے مسترد کردی ہیں۔ انہوں نے بتایا کہ کہ دہشت گردی ایک ایک ناسور ہے اس سے نجات کے لئے تمام شکوک و شبہات سے بالاتر ہو کر غور وفکر کرنے کی ضرورت ہے۔ مسٹر بھٹ نے اردو کے ساتھ رواسلوک کو افسوس ناک قرار دیتے ہوئے کہا کہ اردو کے ذریعہ دلو ںمیں جگہ بنائی جا سکتی ہے۔ لیکن افسوس کہ اردو کو ایک مذہب کی زبان بنا کر محدود کرنے کی کوشش کی جا رہی ہے۔ مسٹر بھٹ نے بیماری کی تشخیص کے لئے مرض کی نشاندہی کی ضرورت پر زور دیتے ہوئے کہا کہ وہ ایک مشترکہ تہذیب کے علمبردار کی حیثیت سے اس ملک میں فرقہ واریت کی دیواریں گرانے کی کوشش کر رہے ہیں ، جبکہ بعض مفاد پرست عناصر ان حالات میں ملک کو دھکیل رہے ہیں جس سے نہ صرف ملک کے عوام بلکہ ملک کو بھی خطرہ لاحق ہے۔ مسٹر جگجیت سنگھ نے مذہب کو ذاتی معاملہ قرار دیتے ہوئے کہا کہ اردو سارے ملک کی زبان ہے اور اردو نے ہندوستانی تہذیب کو جلا بخشی ۔ انہوں نے مذہب اور سیاست سے بالاتر ہو کرہمیں اپنی تہذیب کے فروغ کے لئے عملی کوششیں کرنی چاہئے۔ مسٹرجئنش رنجن آئی اے ایس نے افتتاحی کلمات ادا کرتے ہوئے کہا کہ حیدرآباد ملک کے ان چنندہ شہروں میں سے ہے جہاں کے عوام ایک دوسرے سے باہم جڑے ہوئے ہیں۔ انہوں نے بتایا کہ ہماری عظیم تہذیب ہمیں یہ تصور کرنے پر مجبور کرتی ہے کہ ہم کسی سے الگ نہیں ہیں لیکن گزشتہ چند برسوں کے دوران دہشت گردی کو حاصل ہور ہے فروغ نے ہمیں لائحہ عمل تیار کرنے پر مجبور کر دیا ہے۔ جناب عامر علی خاں نے اس موقع پر اپنے خطاب کے دوران کہا کہ دہشت گردی کے خاتمہ کے لئے سب سے پہلے دہشت گردی کی نشاندہی ضروری ہے۔ انہو ںنے دہشت گردی کے موضوع کو انتہائی حساس اور توجہ طلب قرار دیتے ہوئے کہا کہ ملک میں فی الحال تین طرح کی دہشت گردی عروج پر ہے جن میں دوکا تذکرہ مسٹر کلدیپ نیئر نے اپنے خطاب میں پولس اور دہشت گردوں کی ہی نشاندہی کی ہے جب کہ سیاسی دہشت گردی کی شکل میںتیسرا گروپ بھی موجود ہے جو اپنے مفادات کے لئے دہشت گردی کے فروغ میں اہم کردار ادا کرتا ہے۔ انہوں نے بتایا کہ مشترکہ تہذیب کے ذریعہ دہشت گردی کا خاتمہ ممکن ضرور ہے لیکن اس کے لئے پیغمبر اسلام حضرت محمد صلی اللہ علیہ وسلم کے پیام کو پیش نظر رکھتے ہوئے زندگی گزارنے کا عہد کرنے کی ضرورت ہے۔ انہوں نے بتایا کہ اسلام واحد آفاقی مذہب ہے جس میں تشدد سے منع کیا گیا ہے اور امن کی تعلیم دی گئی ہے۔ جناب عامر علی خاں نے بتایا کہ نبی کریم صلی اللہ علیہ وسلم کی حیات مبارکہ سب سے بہترین مثال ہے۔ انہوں نے مسلم بادشاہوں کی تاریخ کو اسلام سے جوڑ نے کی کوششوں کی مذمت کرتے ہوئے کہا کہ مسلمان بادشاہوں کی تاریخ اسلام سے منسوخ کرنا ظلم کے مترادف ہے۔ جناب عامر خاں نے بتایا کہ موجودہ سیاسی نظام میں ایسے افراد داخل ہو رہے ہیں جو اپنی مجرمانہ سرگرمیوں کے لئے سیاسی پناہ حاصل کرنا چاہتے ہیں۔ انہوں نے بتایا کہ سیاستدانوں فرقہ وارانہ خطوط پر عوام کو منقسم کرتے ہوئے اپنے مفادات حاصل کرنے پر توجہ مرکوز کئے ہوئے ہیں۔ انہو ں نے ہندوستان کو امن کا گہوارہ قراد یتے ہوئے اپنے کہا کہ اس ملک میں پہلا دہشت گرانہ حملہ آزادی ہند کے انقلابی رہنما گاندھی جی پر کیا گیا۔ انہو ںنے مکہ مسجد ، گوکل چاٹ و دیگر دہشت گردانہ حملوں کا تذکرہ کرتے ہوئے کہا کہ ان دھماکوں کے فوراً بعد پولس نے قطعی نتیجہ اخذ کرتے ہوئے 100نوجوانوں کو حراست میں لے لیا اور ان پر ظلم وجبر کے پہاڑ توڑے گئے۔ جناب عام خاں نے استفسار کیا کہ اگر ان 100نوجوانوں میں پولس کے بیجا ظلم وجبر کے سبب بدلہ کے جذبات ابھر نے لگیں تو کیا ملک کی سلامتی محفوظ رہ سکتی ہے؟ انہوں نے بتایا کہ بہترین تعلیم اور روزگار کے مواقع فراہم کرتے ہوئے عالمی بھائی چارہ کو فروغ دینے میں اہم رول ادا کیا جا سکتا ہے۔ جناب عامر خاں نے حیدرآباد پولس کی جانب سے ایک نوجوان کو بنگلہ دیش روانہ کئے جانے اور واپسی کے موقع پر گرفتارکرتے ہوئے اسے بیرونی درانداز تربیت یافتہ دہشت گرد قرار دیئے جانے کا تذکرہ کرتے ہوئے کہا کہ مذکورہ نوجوان نے باضابطہ پریس کانفرنس کے ذریعہ اس بات کا اعتراف کیا کہ پولیس نے اسے بنگلہ دیش روانہ کیاتھا۔ انہوں نے کہا کہ پولس کی اس طرح کی کارروائیاں دہشت گردانہ کارروائیوں کو فروغ دینے کا باعث بن رہی ہیں۔ جناب عامرخاں نے اسلا م کو دہشت گردی سے جوڑنے کی مذمت کرتے ہوئے کہا کہ اس غلط فہمی کو دور کرنے کی ضرورت ہے جو کہ مسلمان قرآن اور سیرت پر عمل کے ذریعہ بہ آسانی کر سکتا ہے۔ انہوں نے امریکہ کے جوہری ہتھیاروں کے پھیلا و کو بھی دہشت گردی کا پہلو قرار دیا۔ اور کہا کہ ہندوستانی تہذیب مشترکہ تہذیب کی عکاسی ہے او رہمیں یہ تہذیب ورثہ میں ملی ہے جس کے ذریعہ ہم سماج میں تبدیلی رونما کر سکتے ہیں۔مسٹر جئنش رنجن نے بتایا کہ کہ مسائل کے حل کے لئے مسائل پر مباحث ضروری ہیں اسی لئے ہمیں دہشت گردی کے خاتمہ کے لئے اقدامات کرنے چاہئے۔ جناب سید عزیز پاشاہ نے اس موقع پر خطاب کرتے ہوئے کہا کہ ہندوستانی معاشرہ یا مشترکہ تہذیب پر دہشت گردی کی ضرب بڑی حد تک ناممکن ہے۔ انہوں نے بتایا کہ بعض مفادات حاصلہ کی کارروائیاں ملک کے سیکولرازم کے لئے خطرہ بن رہی ہیں۔ جناب پاشاہ نے بتایا کہ دہشت گردی کے خاتمہ کے لئے سیاسی سطح پر عزم کی ضرورت ہے۔ انہوں نے پنڈت جواہر لال نہرو کے حوصلوں کی ضرورت پر زور دیتے ہوئے کہا کہ پنڈت نہرو کبھی اپنے مفادات کے لئے ملک کے سیکولرازم کو خطرہ میں نہیں ڈالا جب کہ آج ہر معاملہ میں مفاہمت اور مصلحت سے کام لیا جا رہا ہے۔ مسٹر چمن لال چمن نے بتایا کہ اسلام امن کا گہوارہ ہے ، پیغمبر اسلام نے کبھی تشدد کا درس نہیں دیا اس کے باوجود بعض نوجوان گمراہی کا شکار ہو رہے ہیں ۔ انہوں نے بتایا کہ اس بات کی ضرورت ہے کہ ان نوجوانوں کی گمراہی کی وجہ اور انہیں اکسانے والی طاقتوں کا پتہ چلایا جائے۔ مسٹر چمن نے ماحول کو زہر آلود کرنے والوں کے خلاف امن پسندوں کو آگے آنے کی ضرورت پر زور دیا۔ مسٹر آنند راج آنند نے بتایا کہ دہشت گردی کے کوئی جغرافیائی حدود نہیں ہیں، ہمیں دہشت گردی کے خاتمہ پر توجہ مرکوز کرتے ہوئے دلوں سے نفرت کو دور کرنے کی کوشش کرنی چاہئے۔ مسٹر آنند راج نے بتایا کہ اردو تہذیب ہی در اصل مشترکہ تہذیب ہے جسے فروغ دینے کی ضرورت ہے۔ انہو ںنے نسل نو کو ملک کے معمار قرار دیتے ہوئے کہا کہ اگر آج ہم ان کوششوں کا آغاز کریں تو آئندہ ہماری نسلیں خوش و خرم رہ سکتی ہیں۔ اردو تہذیب ڈاٹ نیٹ کے ذمہ دار مسٹر اجیت سنگھ سات بھمرا نے ہوٹل تاج دکن میں ہوئے اس سمینار کے مہمانوں کا خیر مقدم کیا۔ سمینار کی دوسری نشست میں جناب اقبال حیدر معاون صدر نشین حقوق انسانی کمیشن پاکستان ، جناب میرا یوب علی خاں، مسٹر مہیش بھٹ اور دیگر نے مخاطب کیا۔ اس سمینار میں شہر کی ممتاز شخصیتوں نے شرکت کی۔ افتتاحی اجلاس میں شرکت کرنے والی اہم شخصیات میں معاون صدر نشین حقوق انسانی کمیشن پاکستان جناب اقبال حیدر، میجر قادری ، محترمہ صباءقادری ، جناب غلام یزدانی ایڈوکیٹ کے علاوہ دیگرشامل تھے۔

For news in Urdu visit our page : Latest Urdu News, Urdu News

ماﺅ باغیوں نے اغوا انجینئر کو رہا کر دیا

2011-02-23T22:48:00.000+05:30

بھوبنیشور:ماﺅ باغیوں نے سات روز تک قید میں رکھنے کے بعد جونیر انجینیر پبیترا ماجھی کو رہا کر دیا جبکہ ملکان گیری کے ڈسٹرکٹ کلکٹر کی رہائی کے لیے کوششیش جاری ہیں اور اس ضمن میں نکسلی مطالبات پر عمل آوری کے لیے نکسلیوں کے منتخب کردہ ثالثوں اور حکومت اڑیسہ کے درمیان مذاکرات جاری ہیں۔ ملکان گیری کے دور دراز جنگل سے ماجھی کی رہائی کے فوراً بعد ماجھی کو کو مقامی گاﺅں والے ایک موٹر سائیکل پر چتر کونڈا لے گئے۔ چتر کونڈا کے تحصیلدار ڈی جی گوپال کرشنانے بھی اس کی تصدیق کر دی کہ گاﺅں والے ماجھی کو ان کی تحصیل میں لے آئے ہیں۔گوپال کرشنا نے مزید بتایا کہ اگرچہ ماجھی تھکے ہوئے لگ رہے ہیں لیکن مجموعی طور پر وہ مکمل صحتیاب نظر آرہے ہیں۔ چترکونڈا میںان کی آمد کے فوراً بعدانہیں تحصیل دفتر لے جایا گیا جہاں سرکاری افسران نے ان سے ملاقات کی اور انکی خیریت دریافت کی۔ ماﺅ باغیوں کے چنگل سے آزادی پانے والے انجینیر کی ایک جھلک دیکھنے کے لیے تحصیلدار کے دفتر کے باہر ہجوم امڈ پڑا۔بعد میں مسٹر ماجھی کو بالیمیلاڈیم پراجکٹ کے کے گیسٹ ہاﺅس میں منتقل کر دیا گیا۔حکام کے مطابق ڈسٹرکٹ کلکٹر کرشنا کو بھی جلد رہائی نصیب ہو جائے گی۔ ان دونوں کو ماﺅ باغیوں نے الگ الگ مقام پر رکھا تھا۔وزیر اعلیٰ نوین پٹنائیک نے اسمبلی کو مطلع کیا کہ مذاکرات کاروں کے وعدے کے مطابق کرشنا کو بھی جلد ہی رہائی مل جائے گی۔اڑیسہ حکومت نے ماﺅ باغیوں کے تمام 14مطالبات مان لیے جن میں پانچ نکسلیوں کے خلاف کیس واپس لینے کا بھی مطالبہ ہے۔

Read In English

For news in Urdu visit our page : Latest Urdu News, Urdu News

ڈیوس کیس نے حکومت پاکستان کو زبردست آزمائش میں ڈال دیا

2011-02-23T22:47:00.002+05:30

نسیم احمد
کسی چیلنج سے نمٹنے کی صلاحیت اور قوت فیصلہ سے عاری قیادت نہ صرف ملک و قوم کو بحران میں مبتلا کر دیتی ہے بلکہ خود قیادت کو بھی خجالت کا سامنا کرنا پڑتا ہے۔ ریمنڈ ڈیوس کا معاملہ اس کی زندہ مثال ہے جس کا معاملہ الجھتا چلا جارہا ہے۔27جنوری سے لے کر آج تک حکومت پاکستان کا دوٹوک موقف سامنے نہیں آرہا۔ وہ گو مگو کی کیفیت سے دوچار ہے۔ صدر، وزیراعظم اور وزارت خارجہ سے لے کر عدالت تک سب نے ہی اس معاملے کی پرتیں اٹھانے کے بجائے الجھنیں ہی پیدا کی ہیں۔ ان سب کو ایک طرف امریکی آقاﺅں کا خوف دامنگیر ہے تو دوسری جانب ڈیوس معاملے میں مذہبی و انتہا پسند جماعتوں کے اتحاد و ہم آہنگی کی وجہ سے اقتدار سے بے دخلی اور فوجی بغاوت کے اندیشے لاحق ہیں۔ صدر مملکت آصف علی زرداری اور وزیراعظم یوسف رضا گیلانی صدر امریکہ بارک اوبامہ او روزیر خارجہ ہیلری کلنٹن سے ہی نہیں اس کے عام اراکین پارلیمنٹ تک سے آنکھیں چار کرتے گھبراتے ہیں اور ان لوگوں کی ایک اچٹتی سے نگاہ سے ہی ان پر لرزہ طاری ہوجاتا ہے اور دوسری جانب ڈیوس کورہا کرنے سے متعلق غور و فکرکرتے ہوئے جب یہی حکمراں ایوان اقتدار کے جھروکے سے عوام پر نظر ڈالتے ہیں تو ان پر کپکپی طاری ہوجاتی ہے۔ تذبذب کا شکار حکومت تانے بانے بننے ،سوچنے اورحکمت عملی وضع کرنے میں ہی مصروف رہی اور معاملہ الجھتا چلا گیا۔آج بھی متذبذب حکومت پر رعشہ طاری ہے۔وزارت خارجہ نے ریمنڈ ڈیوس کی سفارتی حیثیت کے تعین کیلئے لاہور ہائیکورٹ سے جو وقت مانگا ہے اس سے یہ حساس معاملہ نہ صرف غیر ضروری طو رپر لٹکا رہے گا بلکہ اس میں مزید پیچیدگیاں جنم لیں گی رہی سہی کسر مقتول محمد فہیم کی بیوہ کی خودکشی اور اس کے نزاعی بیان نے پوری کرتے ہوئے اس معاملے کو اور بھی پیچیدہ بنا دیا۔گرچہ اس معاملے میںاعلی سطح پر پہلے روز ہی طے کر لیاگیا تھا کہ ریمنڈ کو سفارتی مراعات کا مستحق قرار دے کر امریکہ کے حوالے کردیا جائے گا۔ اسے ناپسندیدہ شخصیت قرار دے کر پاکستان سے نکل جانے کے لئے کہا جائے گا۔خانہ پری کے ایک دو اور اقدامات کا مطالبہ بھی کیا جائے گا۔ پاکستان پیپلز پارٹی کی مرکزی سیکریٹری اطلاعات فوزیہ وہاب کی جانب سے یہ بیان کہ ریمنڈکو سفارتی استثنیٰ حاصل ہے اور اسے آزاد کیا جانا چاہئے درحقیقت وہ تیر تھا جو عوامی رائے اور ردعمل سے واقف ہونے کیلئے چھوڑا گیا تھالیکن جتنی تیزی سے تیر نہیں گیا تھا اس سے کہیں زیادہ سرعت سے یہ جواب ملا کہ اگر ڈیوس کو رہا کیا گیا تو پاکستان کا حشر مصر جیسا ہو جائے گا حکومت پھر گھبرا گئی اور عوام کے غصے کو دیکھتے ہوئے اسے یہ کہنا پڑا کہکہ فوزیہ وہاب کا بیان ذاتی حیثیت میں تھا اور یہ حکومت یا پیپلز پارٹی کا موقف نہیں تھا ۔بعد میں فوزیہ وہاب اپنے پارٹی عہدے سے مستغفی ہوگئیں۔ فوزیہ وہاب نے بھی چور کی داڑھی میں تنکا کے مصداق وضاحت کی کہ ریمنڈ ڈیوس کے معاملے پرانہوں نے ذاتی حیثیت سے بیان دیا ،اس بیان کا پارٹی
کی پالیسی سے کوئی تعلق نہیں۔لیکن اس معاملے میں حکومت پنجاب نے ضرورت سے زیادہ پھرتی دکھاکر تمام منصوبوں پر پانی پھیر دیا۔ ادھر شاہ محمودقریشی نے ڈیوس کو امریکی سفارت خانے سے وابستہ سفارت کار قراردینے سے انکار کردیا۔سابق وزیر خارجہ شاہ محمود قریشی اب بھی مصر ہیں کہ لاہور کے واقعہ میں گرفتار امریکی شہری ریمنڈ ڈیوس کو وہ مکمل سفارتی استثنیٰ حاصل نہیں ہے جس کا دعویٰ امریکا کر رہا ہے اورانہیں اس معاملے میں خاموش رہنے کا حکم دیا گیاتھا۔ایک خیال یہ بھی ہے کہ ریمنڈ کے متعلق لاہور ہائیکورٹ میں تحریری طو رپر کچھ دینے کی بجائے حکومت واشنگٹن کی جانب سے خون بہا دینے کیلئے متاثرہ خاندانوں سے رابطے کی کوشش کر رہی ہے اگر متاثرہ خاندانوں سے معاملہ طے پا گیا تو کیس حل ہو جائے گا کیونکہ پاکستان میں مروجہ اسلامی قوانین کے تحت مقتول کے رشتہ داروں کو اگر دیت کی ادائیگی کر دی جائے تو عدالتیں ملزم کو چھوڑ دیتی ہیں ۔پاکستانی وزیر داخلہ رحمن ملک نے بھی پارلیمنٹ میں کہا ہے کہ ملک میں دیت اور قصاص کا قانون موجود ہے جس کے تحت مقتول شخص کے ورثا خون بہا لے کر قیدی کو رہا کروا سکتے ہیں تاہم اس قانون کے نفاذ میں حکومت کا کوئی کردار نہیں ہے یہ صرف مقتول کے ورثا کی رضا مندی سے ہی ممکن ہے۔لیکن وزیر داخلہ رحمن ملک کو یہ بھی یاد رکھنا چاہئے کہ نہ ہی دیت دباو ڈال کر دی جا سکتی ہے اور نہ ہی دیت کسی دباو کے تحت لی جاتی ہے۔ پاکستانی تاجروں کے ایک گروہ نے دیت قبول نہ کرنے پر ان خاندانوں کو مدد کی پیش کش کی ہے۔ مختلف حلقوں کی طرف سے مقتول ذیشان اور فہیم کے خاندانوں پر دباو ڈالنے کی خبریں ہیں مگر وہ خون کے بدلے خون کے مطالبہ پر قائم ہیں۔ فیصل آباد کے تاجر اور صنعتکار متاثرہ خاندانوں کی اس شرط پر مدد کے لئے تیار ہیں کہ وہ امریکیوں سے کوئی معاوضہ وصول نہیں کریں گے۔پاکستانی حکومت پر یہ بھی الزام عاید کیا جارہا ہے کہ ڈیوس معاملے کے خاتمے کے لئے اس نے اپنے ایک وزیر کو یہ ذمہ داری سپرد کی ہے اور وہ وفاقی وزیر پنجاب پولیس کے بعض افسروں کی ملی بھگت سے امریکی شہری ریمنڈڈیوس کے ہاتھوں قتل ہونے والے نوجوانوں کے خاندانوں کو بلیک میل کر رہاہے کہ وہ اپنے عزیزوں کے قتل کے عوض رقم قبول کرلیں اور عدالت کے روبرو ان کا خون معاف کرنے کا بیان دیں اور ریمنڈڈیوس کے ساتھ سمجھوتہ کرلیں۔ ایک اور نکتہ نظریہ ہے کہ وزارت خارجہ اس امید میں وقت حاصل کر رہی ہے کہ اگرآئندہ اس سے بڑے کسی معاملے نے سرابھارا تو یہ معاملہ سرد پڑ جائے گا ہائی کورٹ سے اتنا لمبا وقت مانگنے کا ایک مطلب یہ بھی ہے کہ حکومت نے ریمنڈ کو استثنیٰ دینے یا اس سے انکار کرنے کا ابھی تک ذہن نہیں بنایا تاہم وزارت خارجہ کیلئے یہ معاملہ اتنا آسان نہیں کہ ریمنڈ کے عہدے پر کوئی فیصلہ کرسکے ۔ایک اور پاکستانی رہنما بابر اعوان عافیہ صدیقی سے اس کا تبادلہ چاہتے ہیںجبکہ عافیہ صدیقی کے کیس کا موازنہ ریمنڈ ڈیوس سے نہیں کیا جاسکتا۔
وزیراعظم یوسف رضا گیلانی نے حکومت کے منجدھارمیں پھنسنے کا اعتراف کیا ہے۔ ان کا کہنا ہے کہ اگر وہ عوام کی سنیں تو دنیا ساتھ نہیں دیتی اور دنیا کی مان لیں تو عوام ناراض ہوجاتے ہیں۔ واضح رہے کہ حکومت کو متنبہ کیا گیا ہے کہ ریمنڈ ڈیوس کو رہا کیا گیا تو سخت مزاحمت کی جائیگی۔وزیراعظم کے مطابق ریمنڈ کے معاملے کے تین حل ہیں، ورثاءاسے معاف کریں، بدلہ لیں یا پھرعدالتیں فیصلہ کریں۔لاہور ہائی کورٹ نے پہلے ہی ریمنڈڈیوس کوبیرون ملک بھجوانے پر پابندی عائد کردی ہے اور حکم دیا ہے کہ امریکی شہری جس کا نام جو بھی ہوعدالتی کارروائی مکمل ہونے تک کہیں بھی نہیں جاسکتا۔حکم میں مزید کہا گیا کہ اگر ریمنڈ ڈیوس کے عہدے کے بارے میں یہ درست بھی ہو تو پھر بھی وہ ویانا کنونشن کے تحت سفارتی استثنیٰ کا حقدار نہیں ہے۔ ویانا کنونشن کے تحت آنے پر بھی سنگین نوعیت کے جرائم میں اسے کوئی استثنیٰ نہیں ہے۔ یہ پہلا موقع نہیں کہ کسی امریکی شہری نے کسی بیرون ملک جرم کیا ہو یاکسی امریکی شہری کو بیرون ملک سزا دی جانی ہو اس سے قبل 1860 سے اب تک 150 برس میں کم از کم 6 امریکی شہریوں کو بیرون ملک گرفتاری کے بعد سزائے موت دی جا چکی ہے اور سینکڑوں امریکی شہریوں کو ان کے جرائم پر بیرون ملک قید و جرمانے کی سزائیں سنائی گئی ہیں جن میں سے زیادہ تر پر بغاوت یا قتل کرنے کا الزام تھا۔ بیرون ملک جرائم کرنے والے امریکیوں کے خلاف مقامی قوانین غیرموثر ہونے اور قانون کے لمبے ہاتھ بے بس رہنے کا تصور غلط ہے۔ نومبر 2007 میں لاس اینجلس ٹائمزنے ان 10 غیر ممالک کی فہرست جاری کی جہاں امریکی شہری سب سے زیادہ پکڑے جاتے ہیں، سینکڑوں امریکی شہریوں کو ان کے جرائم پر بیرون ملک قید و جرمانے کی سزائیں سنائی گئیں۔ ان میں سے چند مثالیں درج ذیل ہیں۔ 1994 میں 18 سالہ امریکی شہری مائیکل فے کو توڑ پھوڑ کرنے کے الزام میں سنگاپور کی عدالت نے کوڑے مارنے کی سزا دی۔ اسے 4 ماہ قید اور 22 سو ڈالر جرمانہ بھی ہوا۔امریکی صدر بل کلنٹن کے احتجاج پر 6 کوڑوں کی بجائے 4 کوڑے مارے گئے۔ فروری 2007 میں ایک امریکی شہری 27 سالہ صحافی ایرک وولز کو اپنی گرل فرینڈ کے ساتھ زیادتی اور بعدازاں قتل کرنے کے جرم میں 30 سال قید کی سزا دی گئی۔ 5 جولائی 2010کو شائع ہونے والے دی اکانومسٹ کے مطابق چین میں ایک امریکی جیالوجسٹ ”زوئی فینگ“ کو آئل انڈسٹری کے متعلق خفیہ معلومات حاصل کرنے کے جرم میں 8 سال قید کی سزا سنائی گئی۔سزا دیئے جانے کے وقت امریکی سفیر بھی بیجنگ کی عدالت میں موجود تھے۔ 2009 اور 2010 میں چین سے غیرقانونی طور پر شمالی کوریا داخل ہونے والے کم از کم 4 امریکی شہریوں کو گرفتار کیا گیا تھا ان میں سے 3 صحافی تھے، ایک صحافی کو 8 سال قید اور 7 لاکھ ڈالر جرمانے کی سزا دی گئی جبکہ 2 خاتون صحافیوں کو بارہ بارہ سال قید کی سزا ہوئی، ان دونوں کی رہائی کی درخواست کرنے کے لئے سابق امریکی صدر بل کلنٹن خود شمالی کوریا گئے جس کے بعد ان خواتین کی رہائی ممکن ہوئی۔
اب تک پاک امریکا اقتصادی تعلقات پر امداد کا غلبہ رہا ہے۔ اس وقت پاکستان دنیا بھر میں سب سے زیادہ امداد پر انحصار کرنے والا ملک ہے۔پاکستان میں گزشتہ سال امریکی سرمایہ کاروں نے چار سو ملین ڈالر کی سرمایہ کاری کی اور اب امریکہ نے نہ صرف پاکستان کی سول اور فوجی امداد کو امریکی شہری اور 2 پاکستانیوں کے قتل کے ملزم ریمنڈ ڈیوس کی باعزت رہائی سے منسلک کر دیا ہے بلکہ اس امداد میں خاطر خواہ اضافہ کا بھی لالچ دیا ہے۔ 5 سالوں کے لئے کیری لوگر بل کے تحت ملنے والی امداد کو امریکہ نے
7.5 ارب ڈالر سے 100 فیصد بڑھا کر 15 ارب ڈالر کر دینے کا اشارہ دے دیا ہے۔اب دیکھنا یہ ہے کہ پاکستان معاشی ترقی کیلئے امریکی امدادپرانحصارختم کرکے اپنے پیروں پر کھڑا ہو گا یاپاکستانی حکمراں امدادکونشے کے طورپر استعمال کرتے رہیں گے ۔
(مضمون نگار سے 09873709977یا naseem987@yahoo.co.in سے رابطہ کیا جا سکتا ہے)

For news in Urdu visit our page : Latest Urdu News, Urdu News

وستانوی ہی دارالعلوم دیو بند کے مہتمم رہیں گے،شوریٰ کا فیصلہ

2011-02-23T22:40:00.000+05:30

دیو بند:گجرات کے وزیر اعلیٰ نریندر مودی کی تعریف اور گجرات میں مسلمانوں کی ترقی سے متعلق بیان دینے پر تنازعہ میں گھر جانے والے غلام محمد وستانوی دارالعلوم دیو بند کے وائس چانسلر کے عہدے پر برقرار رہیں گے۔اس سلسلہ میں دیوبند میں دارالعلوم کی مجلس شوریٰ کا اجلاس ہوا جس میں طویل بحث مباحثہ اور غور و خوض کے بعد وستانوی کوہی مہتمم کے عہدے پر برقرار رکھنا طے پایا گیا۔ مودی کے حوالے سے وستانوی کے بیان کی جانچ ایک کمیٹی کرے گی۔گورنر کونسل نے اس تمام معاملے کی جانچ کےلیے ایک چار رکنی کمیٹی تشکیل دے دی ہے۔گجرات سے تعلق رکھنے والے وستانوی کو 10جنوری کو مہتمم بنایا گیا تھا لیکن ان کے تقرر کے فوراً ہی بعد مودی کے حق میں ان کے بیان سے ایسا تنازعہ کھڑا ہوا کہ ان کی زبردست مخالفت شروع ہو گئی اور ان کی برطرفی کا مطالبہ کیا جانے لگا۔یہاں تک کہ اس معاملے نے اتنا طول پکر لیا کہ طلبا دو گروپوں میں تقسیم ہو گئے اور فروری کے وسط میں وستانوی حامی اور مخالف گروہوں میں مدرسہ کے اندر ہی جھڑپیں ہونے لگیں جس میں کئی طلبا زخمی ہو گئے۔ ان جھڑپوں کی وجہ سے پورے دیوبند میں دفعہ 144نافذ کر دی گئی تھی۔

Read In English

For news in Urdu visit our page : Latest Urdu News, Urdu News

عزت سے بلایا گیا تو پھر ہندوستان جاﺅں گا: راحت فتح علی

2011-02-23T22:39:00.000+05:30

اسلام آباد: سید نور اور مصطفےٰ قریشی سمیت پاکستانی فلم انڈسٹری کی تمام بڑی شخصیات کی جانب سے اس استدعا کے باوجود کہ شیو سینا کی دھمکی کے بعد کوئی پاکستانی اداکار اور فنکار ہندوستانی فلموں اور ٹی وی سیریلیوں میں کام نہ کرے ، حال ہی میں اندرا گا ندھی ہوائی اڈے پر غیر ملکی زر مبادلہ ہندوستان سے باہر لے جانے کی وجہ سے مشہور گلو کار راحت فتح علی خان نے کہا ہے کہ اگر ہندوستان نے انہیں عزت و وقار سے بلوایا تو وہ ضرور جائیں گے۔حالانکہ مصطفیٰ قریشی نے کہا تھا کہ بارہا پاکستانی فنکاروں کو رسوا کیا گیا ہے اور شیو سینا بھی مسلسل زہر اگلتی رہی اور پاکستانی فنکاروں کی تذلیل کرتی رہی اس لیے کوئی بھی پاکستانی فنکار اپنے لیے نہ سہی کم از کم ملک کے وقار کی خاطر ہی ہندوستان جانے سے گریز کریں ۔راحت فتح علی خان کو 33ہزار دو سو سولہ ڈالر جرمانہ ادا کر نے کے بعد رہا کر دیا گیا تھا اور وہ پاکستان واپس آگئے ۔

Read In English

For news in Urdu visit our page : Latest Urdu News, Urdu News

پاکستانی فوج مقررہ حد سے زیادہ اخراجات کر بیٹھی

2011-02-23T22:36:00.002+05:30

اسلام آباد : پاکستان کے میڈیا کے مطابق رواں مالی سال کے پہلے ششماہی میں ہی پاکستان کے دفاعی اخراجات مقررہ حد سے 60ارب روپے زیادہ ہو گئے ہیں۔ایک اعلیٰ فوجی افسر نے ڈان اخبار کو بتایا کہ وزارت مالیات کے مطابق چھ ماہ کے دوران دفاعی اخراجات 175ارب روپے ہونے چاہئیں لیکن یہ 235ارب روپے سے زیادہ خرچ کر دیے گئے ۔ رواں مالی سال میں دفاع پر 442روپے خرچ ہونے کا تخمینہ لگایا گیا تھا۔اس افسر نے بتایا کہ دفاعی بجٹ کا ایک کثیر حصہ افغانستان کی سرحد سے متصل علاقوں میں انتہا پسندوں کے خلاف خرچ ہو رہا ہے۔اگر پاکستان کے دفاعی اخراجات کی یہی رفتار رہی تو مالی سال ختم ہوتے ہوتے یہ اخراجات بڑھ کر 580ارب روپے سے بھی زیادہ ہو جائیں گے۔

Read In English

For news in Urdu visit our page : Latest Urdu News, Urdu News

آج بھی ملا عمر کا طوطی بولتا ہے

2011-02-23T22:35:00.000+05:30

کابل: افغانستان کے طالبان لیڈر ملا عمر کا آج بھی زبردست دبدبہ ہے اور تنظیم میں انہی کا طوطی بولتا ہے ۔ اور اس کے ساتھی ملا عمر پر جاں نثار رکرنے کے لیے تیار رہتے ہیں۔نیو یارک ٹائمز نے ایک طالبانی کمانڈر کے حوالے سے کہا ہے کہ ملا عمر نے حال ہی میں اپنے ایک آڈیو ٹیپ میں اپنے جانبازوں سے کہا تھا کہ وہ جنگ جاری رکھیں۔کمانڈر نے اخبار کو بتایا کہ ان کا ہر لفظ ہمارے لیے حکم ہے اور ہم ان کے حکم کی بلا چوں و چرا تعمیل کرتے ہیں۔ ہر طالب طالبان کا ایک وعدہ پورا کرتاہے اور ہم ان پر بھروسہ کرتے ہیں۔

Read In English

For news in Urdu visit our page : Latest Urdu News, Urdu News

جامعہ کے اقلیتی کردار کی راہ ہموار

2011-02-23T22:27:00.000+05:30

نئی دہلی: جامعہ ملیہ اسلامیہ کے اقلیتی کردار کو منظور کرنے کی راہ اس وقت ہموار ہو گئی جب نیشنل کمیشن فار مائنیریٹی ایجوکیشنل انسٹی ٹیوشنز (این سی ایم ای آئی)نے ایک تاریخ ساز فیصلہ سناتے ہوئے کہا کہ اسے یہ بات کہنے میں کوئی تامل نہیں ہے کہ اسے مسلمانوں نے بنایا تھانیز اس نے مسلم اقلیتی تعلیمی ادارہ کی حیثیت سے اپنی شناخت نہیں کھوئی تھی ۔ جامعہ ملیہ اسلامیہ ملک کی پہلی ایسی مرکزی یو نیورسٹی ہوگیاقلیتی درجہ حاصلرہے گا۔اب اس میں شڈول کاسٹ اور شڈول ٹرائب طلبا کو ریزرویشن نہیں ملے گا۔جامعہ کے تعلق سے فیصلہ کا خیر مقدم کرتے ہوئےوائس چانسلر نجیب جنگ نے کہا کہ اقلیتی کردار حاسل ہو جانے سے جامعہ پر بھاری زمہ داری آن پڑے گی کہ وہ اپنی سیکولر قدروں کا تحفظ کرے۔

Read In English

For news in Urdu visit our page : Latest Urdu News, Urdu News

مبارک کی بے دخلی امریکہ کی حکمت عملی

2011-02-23T22:26:00.002+05:30

سید منصور آغا
گزشتہ ہفتہ” مصری عوام سنہرے مستقبل کی تلاش میں“ عنوان سے پیش تجزیہ میں بعض آثار و قرائن کی بنیاد پر ہم نے عرض کیا تھا:”یہ تاثر بڑا ہی مبالغہ آمیزہے کہ مسٹر مبارک عوامی احتجاج کے پیش نظرراضی خوشی اقتدار چھوڑدینے پر آمادہ ہوگئے۔“اور یہ کہ استعفے سے ایک دن قبل ٹی وہی پر مسٹر مبارک کے خطاب کے بعد” پس پردہ کیا ہوا اور کس طرح چند گھنٹے کے اندرمبارک کوقاہرہ چھوڑ کر چلے جانے کےلئے مجبور کیا گیا،یہ ابھی صیغہ راز میںہے۔“اب بعض رپورٹوں سے یہ تصدیق ہوگئی کہ مسٹر مبارک درحقیقت خود اقتدار سے دستبردار نہیں ہوئے بلکہ امریکا کی ہدایت پر فوجی افسران نے ان کوچلتا کیا ۔بقول غالب:
ہیں کواکب کچھ نظرآتے ہیں کچھ
دیتے ہیں دھوکہ یہ بازی گر کھلا
ممتاز امریکی تجزیہ نگارڈاکٹر ویبس ٹر ترپلے(Webster G. Tarpley, Ph.D.) نے ۶۲ صفحات پر مشتمل اپنی طویل رپورٹ میں ان اسباب کا احاطہ کیا ہے اور ان اقدامات کے عینی یا واقعاتی شواہد کا جائزہ لیا ہے جن کی بدولت مسٹر حسنی مبارک بڑے بے آبرو ہوکر قصر صدارت سے بے دخل کئے گئے۔ ڈاکٹر ترپلے اس نتیجہ پر پہنچے ہیں کہ مصر میں عوامی انقلاب نام کی کوئی چیز رونما نہیںہوئی بلکہ پس پردہ سی آئی اے کی ہدایت پر فوجی افسران نے حسنی مبارک کو چلتا کیا۔اس کاروائی کو سی این این اور سی بی ایس خبررساں ایجنسیوں نے soft coup یعنی”خوش اسلوب فوجی بغاوت“کا نام دیا ہے۔ڈاکٹر ترپلے کے تجزیہ سے اس نظریہ کی بھی تائید ہوتی ہے کہ عوامی مظاہروں سے لیکر مبارک کی قصر صدارت سے رخصتی تک کی ساری منصوبہ بندی سی آئی اے کی تھی۔ سی آئی اے نے مسٹر مبارک کے خلاف عوامی غم و غصہ کا بھر پور فائدہ اٹھایا جو حالیہ عالمی اقتصادی بحران کی وجہ سے او ربھی شدید ہوگیا تھااور بظاہر پڑوسی ملک تیونیشیامیں برپا شورش کی وجہ سے ابل پڑا تھا۔شواہد بتاتے ہیں کہ اس مصیبت کی اس گھڑی میں امریکا نے اپنے دیرینہ حلیف حسنی مبارک کی معاونت کے بجائے ان کی پیٹھ میںچھرا گھونپا ۔ امریکا اور برطانیہ نے جمہوریت کی بحالی کی جو تائید کی وہ بھی سراسر منافقت ہے۔ حقیقت واقعہ یہ ہے کہ جب تک وہ امریکاکے اشاروں پر چلتے رہے، اس کو کبھی مصری عوام کے انسانی اور جمہوری حقوق کاخیال نہیںآیا۔تین دہائیوں کے بعد اب جمہوریت کی دہائی دینا عوام کی آنکھوں میں دھول جھونکنا ہے۔
مبارک کے خلاف امریکا کی اس ناراضگی کے متعدد اسباب ہیں، جن پرعموماً نظر نہیںجاتی۔ان سے بیزاری کی سب سے اہم وجہ تو یہ ہے وہ بلا شرکت غیرے تیس سال سے برسراقتدارتھے چنانچہ ان کا قد بہت بڑھ گیا تھا اور ان کو یہ گمان ہوگیا تھاکہ وہ امریکی سامراج کے رحم و کرم پر نہیں بلکہ خود اپنے بل بوتے پر برسراقتدار ہیں اور امریکی پالیسیوں کے علی الرغم آزادانہ فیصلے لے سکتے ہیں۔ چنانچہ انہوں نے کچھ ایسے فیصلے لئے ، ایسے بیانات دئے جو امریکی پالیسیوں سے مطابقت نہیں رکھتے ۔ انہوں نے عالم اسلام، خصوصا ایران، شام، حزب اللہ کے تعلق سے امریکی پالیسیوں سے اتفاق نہیںکیا جس کی وجہ سے اس خطے پر گرفت مضبوط کرنے امریکی و برطانوی عزائم کی راہ میں خلل پڑا۔بھلا کوئی سامراجی نظام ایسے ’باغی تیور‘کیسے برداشت کرسکتا ہے؟
امریکا اور مبارک میں اختلافات کا پہلا نمایاں واقعہ صدر صدام کی پھانسی کا ہے۔حسنی مبارک کورات کے وقت جب مطلع کیا گیا کہ صدر بش کے اشارے پر ان کو کل صبح عین عیدالاضحٰ کے دن پھانسی دی جارہی ہے تو انہوں نے عوامی ناراضگی کے اندیشہ کے پیش نظر اس پرسخت احتجاج کیا اور بعدمیں پھانسی کی ویڈیو ٹی وی پردکھائے جانے پر بھی ناراضگی ظاہر کی۔ یہ ایک طویل کہانی ہے۔ ناراضگی کا دوسراسبب لبنان کے داخلی معاملات میں امریکی مداخلت کے تعلق سے ہے۔ لبنان کے شیعہ اور سنیوں کے درمیان ایک مفاہمت کے بعد جب فرقہ ورانہ کشیدگی فرو ہوگئی، امن و امان قائم ہوگیا اور ایک مشترکہ حکومت بن گئی تب بھی امریکا کی کوشس یہ رہی کہ یو این او کا قائم کردہ تفتیشی کمیشن ، جو سابق وزیر اعظم رفیق حریری کے قتل کی ’جانچ ‘ کررہا ہے ، کسی طرح حزب اللہ کو موردِ الزام ٹھہرادے تاکہ یہ اتحاد ، جس کی تائید ایران، شام اور سعودی عرب سمیت متعدد عرب ممالک کررہے ہیں ،پارہ پارہ ہو جائے اور امریکا اپنی کٹھ پتلی حکومت قائم کرسکے۔
حسنی مبارک کا امریکاکی نظروں میںسب سنگین جرم یہ ہے انہوں نے اسرائیل کو ساتھ لےکر اس خطے کے مسلم ممالک کا ایک ایسا گٹھ جوڑقائم کرنے کی امریکی تجویز سے اتفاق نہیں کیا ،جس کے تحت یہ سارے ممالک امریکا کی نیوکلیائی چھتری میں آجاتے تاکہ ایران اور اس کے حلیف ممالک شام اور لبنان کو زیر کیا جاسکے۔ امریکا کہتا تو یہ ہے کہ مشرق وسطیٰ کا مسئلہ ایران کی وجہ سے ہی حل نہیںہورہا ہے لیکن یہ بات سمجھنے کی ہے کہ اس کی نظر میں مسئلہ کا حل یہ نہیں ہے اسرائیل اپنی جارحیت سے باز آجائے اور فلسطینی مقبوضہ علاقے خالی کردے، بلکہ یہ ہے کہ امریکا اور برطانیہ کی مخالفت کرنے والا اس خطے میں کوئی نہ رہے۔اس کو سب سے زیادہ ایران(اور اب کسی حد تک ترکی) کھٹکتا ہے جو ان عناصر کامددگار و محور بنا ہوا ہے اور عراق سمیت اس پورے خطے میںامریکی ۔اسرائیلی۔برطانوی استبداد کی راہ میں مزاحم ہے۔ اس کے جواب میں مبارک کی دلیل یہ تھی کہ مشرق وسطٰی کے پیچیدہ مسئلہ کوایران کوساتھ لے کرہی حل کیا جاسکتا ہے۔انہوںنے لبنان اور ایران کے سلسلہ میںان خیالات کا اعادہ برسرعام ایک انٹرویو میں۵ اکتوبر ۰۱۰۲ءکوکیا جس کو العربیہ نے شائع کیا۔مسٹر مبارک نے کہا: "Tehran can become part of a solution to the Middle East crises, rather than being one of the causes of problems."
یو این او سے ایران کے خلاف نئی اقتصادی پابندیاں عائد کرانے کے بعد جبکہ امریکا اس مہم میں لگاہے کہ ساری دنیا ایران کے ساتھ اپنے اقتصادی رابطے منقطع کرلے،مسٹر مبارک نے گزشتہ اکتوبر میں ہی قاہرہ سے تہران کے درمیان گزشتہ 30برس سے منقطع ہوائی سروس کو پھر سے بحال کرنے کا معاہدہ کرلیا۔ جس سے امریکا اوربرطانیہ سخت خفا ہیں۔امریکا کی استعماریت پسند ذہنیت کےلئے یہ کچوکے کم نہیںتھے جس کے بعد اس نے مبارک کو چلتا کرنے کا فیصلہ کرلیا۔
امریکی وزارت خارجہ اور سی آئی اے نے ابتدا میں تو یہ کوشش کی کہ مبارک کو سمجھا بجھا کر چلتا کردیا جائے اس لئے اس نے ان افسران کو مہرہ بنایا جو کٹھ پتلی کی طرح اس کے اشاروں پر ناچتے ہیں۔اس نے ان کو یہ ہدایت دی کہ مبارک کو اقتدار سے دستبردار ہونے پر آمادہ کیا جائے اور اقتدار کی باگ ڈور وہ خود سنبھال لیں۔اس کےلئے عمر سلیمان کو امریکا طلب کیا گیا اور ساری حکمت عملی تیار کی گئی۔ فوجی افسران میںابتدا میں اس انتہائی اقدام پر اتفاق رائے نہیںتھا، لیکن بعد میں وہ سی آئی اے کے حکم کے سامنے لاچار ہوگئے۔ چنانچہ جمعرات ۹ فروری کو فوجی افسران نے مبارک کویہ پیغام دیدیا کہ وہ فوری طور سے مستعفی ہوجائیں اوراس کا اعلان ٹی وی پر خود کردیں۔مبارک بادل نا خواستہ اس پر آمادہ ہوگئے اور یہ اطلاع امریکی آقاﺅں کو دیدی گئی۔چنانچہ جمعرات کی صبح سی آئی اے کے ڈائرکٹر لیو ¿ن پانے ٹا (Leon Panetta) نے امریکی کانگریس کو مطلع کیا کہ اس بات کا ’قوی امکان ‘ہے مبارک آج رات سے پہلے رخصت ہوجائیں گے۔ صدر بارک اوبامہ نے اسی شام کہا: ’ہم تاریخ بنتے دیکھ رہے ہیں۔‘ مگر اس وقت امریکی حکام تلملا اٹھے جب صدر مبارک نے ٹی وی پر اپنے استعفے کے اعلان کے بجائے ایک دوسری ہی تقریر کرڈالی۔
اسی دن قاہرہ سے ایک رپورٹ میںبتایاگیاکہ جس وقت مسٹر مبارک اپنی تقریر ریکارڈ کرارہے تھے ان کے بڑے بیٹے جمال مبارک نے مداخلت کی اور حسنی مبارک سے ایک دوسری ہی تقریر ریکارڈ کرادی، جس میں ایمرجنسی ہٹانے، جمہوری نظام بحال کرنے ، آئین میں اصلاحات کرنے اور ستمبر تک اقتدارچھوڑ دینے کی یقین دہانیاں کرائی گئیں۔مگر ساتھ ہی امریکا کا نام لئے بغیر یہ بھی کہہ دیا کہ وہ کسی بیرونی دباﺅ میں استعفا نہیں دیں گے۔ ان کے اس عندیہ سے امریکی حکمرانوں کو سخت سبکی محسوس ہوئی ۔چنانچہ سی آئی کے طرف سے جمعرات ۹ فروری اور جمعہ ۰ا فروری کی درمیانی شب میں فوجی افسران کویہ پیغام دیا گیا کہ بس بہت ہوچکا۔ اب اگر مبارک خود نہیں جاتے تو زبردستی ہٹایا جائے۔ ساتھ ہی یہ وارننگ بھی دیدی گئی حکم عدولی کی صورت میں سخت نتائج برامد ہونگے۔ اسی دن مریکی بحریہ کا طاقتور جہاز USS Kearsarge نہر سویز کے دہانے پر واقع بندرگاہ اسماعیلیہ پر لنگر انداز ہوگیا اور پانچواںبحری بیڑا مصری ساحل کی طرف بڑھنے لگا۔جس سے امریکہ کے فوجی عزائم ظاہر ہوگئے۔ایسے واقعاتی شواہد موجود ہیں کہ امریکا نے آبی گذرگاہ نہر سویز کی سیکیورٹی کا بہانا بناکر اس کا کنٹرول فوری طور سے اپنے ہاتھ میں لینے کا اشارہ بھی دیدیا تھا ۔ اس بات کا بھی خدشہ پیدا ہوگیا تھا کہ اسرائیل اپنی تیل پائپ لائن کی سیکیورٹی اور خلیج عقابہ تک اپنی رسائی کو یقینی بنانے کےلئے کچھ مصری خطے کو اپنے کنٹرول میں لے لے۔چنانچہ اسرائیلی بحریہ کے جہاز سینائی کے ساحل کی طرف بڑھ گئے۔ ان اقدامات کی بدولت صورت حال انتہائی سنگین ہوگئی جس کے پیش نظر صدر مبارک اور مصری افسران کے سامنے سوائے اس کے کوئی چارہ نہیںرہ گیاتھا کہ وہ سی ائی اے کے احکامات پر عمل کریں۔
یہ تاثر قطعاً بے اصل ہے کہ عوامی مظاہروں کے دباﺅ میں مبارک مستعفی ہوئے۔ یہ مظاہرین ہرگزایسے منظم اور بارسوخ نہیں تھے کہ نظام حکومت پر قابض ہوجاتے۔حقیقت یہ ہے کہ ان مظاہروں کی آڑ میں سی آئی نے مصری فوج اور انتظامیہ پر اتنا شدید دباﺅڈالا کہ مسٹر مبارک پولس ، فوج اورافسر شاہی کی پشت پناہی سے محروم ہوگئے۔ مبارک کے خلاف اس تحریک کو شروع سے ہی امریکا اور برطانیہ کی کھلی حمایت حاصل رہی۔ اسرائیل نے ضرورابتداءمیں کچھ اندیشوں کا اظہار کیا تھا، لیکن وہ جلد ہی مخالفت سے دستبردار ہوگیا ۔ اس کو یہ بات سمجھا دی گئی کہ مبارک کی جگہ جن مہروں کو فٹ کیا جارہا ہے ان سے اسرائیلی۔ امریکی۔ برطانوی سامراجی عزائم کو کسی گزند کا اندیشہ نہیں ہے۔ امریکی حکام کا واضح نظریہ ہے کہ مبارک کے ہٹ جانے سے مصری نظام حکومت نہیں بدل جائے گا بلکہ اسی افسر شاہی کے ہاتھوں میں رہے گاجو 1952 کی فوجی بغاوت کے بعد سے حکومت چلا رہی ہے ۔اب چاہے کوئی عمر سلیمان صدر نشین ہوں، چاہے حسین طنطاوی آئیں، یا سمیع عنان ہوں یا کوئی امر موسیٰ،ایمن النور، اسامہ الغزالی الحرب یا البرداعی آئیں ، وہ سب مبارک کی بہ نسبت کمزور حیثیت کے ہونگے ۔ان میںکئی تو سی آئی اے کے ایسے خاص ہیں جومصر کا نظم نسق مصریوں کے لئے نہیں بلکہ امریکا کےلئے چلاتے رہیں گے۔
اس میں شک نہیں کہ مبارک جمہوری اور انسانی حقوق کی سخت پامالی کے سخت مرتکب تھے جس سے عوام سخت آزار میں مبتلا تھے۔لیکن انسانی حقوق کےلئے سب سے زیادہ شور مچانے والے امریکا نے گزشتہ30 سال کے دوران عالم عرب میں اپنے سب سے قریبی حلیف کواس طرف متوجہ کرانے کی کبھی ضرورت نہیںسمجھی۔ کیوں؟ اس لئے کہ بوقت ضرورت مبارک کے خلاف شورش برپا کرانے کےلئے ان سے فائدہ اٹھایا جاسکتا ہے۔مبارک نہ صرف مصری عوام میںبلکہ پوری دنیا کے مسلمانوں میںایک نا پسندیدہ شخصیت بن گئے تھے اسی لئے ان کی برطرفی پر کہیں ماتم نہیں ہوا، کسی آنکھ سے آنسو نہیں گرا۔ ہرطرف خوشی کی لہر دوڑ گئی۔ مگر اس کا المناک پہلو یہ ہے کہ اس سے خطے میں برطانوی اور امریکی استعماریت اور مضبوط ہوئی ہے۔
(email: syyedagha@hotmail.com )

For news in Urdu visit our page : Latest Urdu News, Urdu News

جنوبی افریقی ٹیم کے کوچ نے اپنے کتے کا نام سچن رکھا

2011-02-23T22:25:00.002+05:30

نئی دہلی: جنوبی افریقہ کے ایک سابق کھلاڑی گیری کرسٹن تو ٹیم انڈیا کی کوچنگ کر رہے ہیں جبکہ ایک دوسرے جنوبی افریقی کھلاڑی جو اپنے ہی ملک جنوبی افریقہ کی ٹیم کے بولنگ کوچ ہیں ،نے دنیا کے بہترین بلے باز اور ہندوستان میں کرکٹ کا بھگوان کہلائے جانے والے سچن ٹنڈولکر کی دانسہ یا نادانستہ طور پر تذلیل کرتے ہوئے کہا ہے کہ انہوں نے اپنے کتے کا نام سچن رکھا ہے لیکن فوراً ہی اس کی وضاحت بھی کر دی کہ اس سے ان کا مقصد سچن جیسے عظیم کھلاڑی اور ان کے پرستاروں کی دل آزاری کرنا نہیں ہے اور اس کے لیے وہ یہ تاویل پیش کررہے ہیں کہ انہوں نے سچن کی توہین کرنے یا تذلیل کرنے کی نیت سے اپنے کتے کا نام سچن نہیں رکھا ہے بلکہ وہ سچن کے زبردست فین ہیں اور انہوں نے سچن کے تئیں اپنے محبانہ جذبات کے اظہار کے طور پر ہی اپنے کتے کا نام سچن رکھا ہے۔افریقی ٹیم کے کوچ ونسنٹ بارنیس نے مزید وضاحت کی کہ انہوں نے یہ نام سچن تندولکر کے اعزاز میں رکھا ہے کیونکہ وہ میرے پسندیدہ بلے باز ہیں۔یہاں ایک اخبار سے بات کرتے ہوئے ونسنٹ نے کہا کہ سچن کی انہیں بہت یاد آرہی ہے چونکہ میں اسے اپنے ساتھ نہیں لا سکتااس لیے اس کی بہت کمی محسوس کر رہا ہو۔لیکن میں بے فکر بھی ہوں کیونکہ میرے غائبانہ میں اس کا خیال رکھنے والے بہت لوگ ہیں۔

Read In English

For news in Urdu visit our page : Latest Urdu News, Urdu News

نیٹ بال میچ کے دوران جھارکھنڈ کے کھلاڑیوں کے حملے میں آندھرا کے 5کھلاڑی زخمی

2011-02-23T22:23:00.000+05:30

دھنباد : قومی کھیلوں کی آرگنائزنگ کمیٹی نے میدان پر جھگڑا کرنے والے دو کھلاڑیوں پرکھیلوں میں مزید حصہ لینے کی پابندی عائد کر دی اور انہیں کھیلوں سے باہر نکال دیا گیا۔آئی ایس ایم کا لوور گراﺅنڈ اس وقت میدان جنگ میں بدل گیا جب جھارکھنڈ اور آندھرا پردیش کے کھلاڑی نیٹ بال میچ کے دوران ایک دوسرے سے الجھ پڑے اور دیکھتے ہی دیکھتے یہ زبانی تکرار ہاتھا پائی اور لات گھونسے میں تبدیل ہو گئی۔اس لڑائی میں آندھرا پردیش کے 5کھلاڑی زخمی ہو گئے جنہیںعلاج کے لیے دھنباد کے سینٹرل اسپتال میں داخل کر دیا گیا۔تین کھلاڑیوں کو سر اور یگر دو کے سینے میں چوٹیں لگی ہیں۔اس جھگڑے کے بعد تین رکنی جیوری نے جھارکھنڈ ٹیم کے سشیل کمار اور شمشاد کو کھیلوں سے باہر کر دیا اور جھارکھنڈ ٹیم کو ہدایت کی کہ وہ تحریری طور پر معافی مانگے۔ منگل کو یہ واقعہ اس وقت پیش آیا جب جھارکھنڈ اور آندھرا پردیش کے درمیان نیٹ بال میچ کھیلا جا رہا تھا اور میچ ختم ہونے میں صر ف 48سیکنڈ ہی باقی تھے کہ دونوں ٹیموں کے کھلاڑی ایک دوسرے سے دست بہ گریباں ہو گئے اور دیکھتے ہی دیکھتے ہاتھا پائی شروع ہو گئی۔آندھرا پردیش کے کھلاڑیوں کا الزام ہے کہ میچ کے آخری وقت میں انہیں پنالٹی شوٹ کا موقع ملا تھا اور جب ان کا ایک کھلاڑی بال کو شوٹ کرنے پہنچا تو جھارکھنڈ کے ایک کھلاڑی نے گیند باہر پھینک دی جب وہ بال لینے کے لیے سائڈ لائن پر گیا تو وہاں بنچ پر بیٹھے جھارکھنڈ کے کھلاڑیوں نے اس پر حملہ کر دیا۔یہ حملہ ٹی کین اور واٹر کین سے کیے گئے۔جھارکھنڈ کے کھلاڑی انتہائی جارحانہ رخ اختیار کیے ہوئے تھے اور وہ آدھے گھنٹے تک آندھرا کے کھلاڑیوں پر میدان کے اندر اور باہر سے حملہ کرتے رہے جبکہ آندھرا کے کھلاڑیوں کو اپنا دفاع کرتے اور جوابی کارروائی کرتے ہوئے دیکھا گیا جس کی وجہ سے پورا میدان باکسنگ رنگ محسوس ہو رہا تھا۔ اطلاع ملتے ہی ڈی ایس پی سنجے رنجن اور دھنباد تھانہ انچارج پرمیشور شکلا بھی پہنچ گئے اور کھلاڑیوں پر قابو پایا۔اس میں آندھرا کے جو کھلاڑی زخمی ہوئے ہیں ان کے نام جیسی کرن ریڈی،اشوک کمار، شیو رام کرشن، سری نواسن اور وکرم دتیہ ہیں۔آندھرا پردیش ٹیم کے کپتان نے جھارکھنڈ کے کھلاڑیوں کی اس وحشیانہ حرکت پر اظہار تاسف کرتے ہوئے کہا کہ میزبان کی حیثیت سے جھارکھنڈ کے کھلاڑیوں کو ہمارے ساتھ اچھا سلوک کرنا چاہئے تھا اور ہماری مہمان نوازی کرنی چاہئے تھی لیکن اس کے بر عکس انہوں نے ہماری تذلیل و توہین کی اور ہمارے کچھ ساتھی کھلاڑیوں کو کی ہوسپیلیٹی کرنے کے بجائے انکو ہوسپیٹلائز کرا دیا۔

Read In English

For news in Urdu visit our page : Latest Urdu News, Urdu News

ڈیوس کو چھوڑا تو پاکستان میں بغاوت ہو جائے گی: عمران خان

2011-02-23T22:20:00.002+05:30

اسلام آباد: پاکستانی کرکٹ ٹیم کے سابق کپتان اورتحریک انصاف کے چیر مین عمران خان نے حکومت کو وارننگ دی ہے کہ اگر دو پاکستانی شہریوں کو لاہور میں گولی مار کر ہلاک کرنے کے الزام میں گرفتار امریکی شہوری ریمند ڈیوس کو رہا کیا گیا توملک میں مصرا ور تیونیشیا جیسی بغاوت ہو سکتی ہے۔ عمران خان نے مزید کہا کہ یہ کوئی معمولی واقعہ نہیں ہے اور اگر ڈیوس کو سفارت کاری ضابطوں کے تحت امریکہ کو سونپا گیا تو پاکستان میں بغاوت ہو سکتی ہے انہوں نے مزید کہا کہ ویسے بھی ملک میں مصر جیسے بلکہ اس سے کچھ زیادہ ہی خراب حالات ہیں۔عمران خان کے اس بیان سے ملک کی جماعت الدعویٰ جیسے انتہا پسند گروپوں کو کافی تقویت پہنچی ہے۔

For news in Urdu visit our page : Latest Urdu News, Urdu News

ڈیوس کو سزائے موت دینے کا مطالبہ، امریکہ و پاکستان کی پریشانیاں بڑھیں

2011-02-23T22:18:00.000+05:30

اسلام آباد: گذشتہ دنوں ایک امریکی شہری کے ہاتھوں لاہور میں دو پاکستانیوں کی ہلاکت نے نہ صرف مبینہ قاتل ریمنڈ ڈیوس کو جیل کی سلاخوں کے پیچھے پہنچا کر اسے قانونی الجھنوں میں گرفتار کر دیا ہے بلکہ حکومت امریکہ کو بھی پریشانیوں میں ڈال دیا ہےکیونکہ پاکستان میں ڈیوس کی رہائی کے خلاف تمام پاکستانی مذہبی و دہشت گرد تنظیمیں متحد اور ہم آہنگ ہو گئی ہیں جس کی وجہ سے ڈیوس اس قدر مشکلات میں پھنس چکا ہے کہ اب اس کی رہائی آسان نظر نہیں آ رہی۔ایسا نہیں کہ صرف ڈیوس اور امریکہ کی ہی الجھنیںبڑھی ہیں بلکہ خود حکومت پاکستان ایسی پریشانی میں پھنس گئی ہے کہ اس کے لیے نہ نگلے چین نہ اگلے بنے کی صورت حال پید ہو گئی ہے کیونکہ ایک طرف پاکستان کے دہشت پسند گروپ جماعت الدعویٰ نے ڈیوس کو سزائے موت دینے کا مطالبہ کیا ہے تو دوسری جانب امریکہ نے ڈیوس کو سفارتکار بتاتے ہوئے اس کے تحفظ کیذمہ داری پاکستان پر ڈال دی ہے اور صاف طور پر کہہ دیا ہے کہ سفارت کار ہونے کے ناطے ڈیوس کی حفاظت کرنا پاکستان کا فرض ہے۔واضح رہے کہ 27جنوری کو لاہور میں ڈیوس نے دو پاکستانی نوجوانوں کو گولی مار کر ہلاک کر دیا تھا جس کے بعد اسے گرفتار کر لیا گیا تھا اب یہ معاملہ عدالت میں چل رہا ہے عدالت کے آگے اب سب بے بس ہیں کیونکہ اب اس کا کیس کا فیصلہ عدالت ہی کر سکتی ہے حکومت اگر اس کی رہائی کے اقدامات کرتی ہے اور عدالت کو نظر انداز کر دیتی ہے تو اسے اس بات کا اندیشہ ہے کہ خود وہی نہیں بلکہ اس میں شامل پارٹیاں اور ان کے اراکین پارلیمنٹ بھی عوامی عتاب کا شکار ہو سکتے ہیں۔ڈیوس کی گرفتاری سے امریکہ اور پاکستان کے درمیان تعلقات کشیدہ ہو گئے ہیں۔

For news in Urdu visit our page : Latest Urdu News, Urdu News

قذافی نے ملک سے بھاگنے کی تردید کی

2011-02-23T22:17:00.000+05:30

طرابلس:خود کو ہرگز ’معمر‘نہ ماننے والے 70سالہ معمر القذافی منگل کو اچانک ہی قومی ٹی وی پر نمودار ہوتے ہوئے اپنے قومی خطاب میں کہا کہ وہ ملک سے فرار نہیں ہوئے ہیں۔قوم کے نام اپنے نشری پیغام میں معمر قذافی نے کہا کہ وہ یہ واضح کر دینا چاہتے ہیں کہ وہ کہیں بھاگے نہیں ہیں بلکہ طرابلس میں ہی موجود ہیںاور یہ صرف افواہ ہے کہ وہ ملک سے فرار ہو کر تنزانیہ چلے گئے ہیں۔انہوں نے عوام سے کہا کہ وہ ان آوارہ کتوں کے ٹی وی چینلوں کے بہکاوے میں نہ آئیںجو یہ رٹ لگائے ہوئے ہیں کہ وہ ملک سے بھاگ گئے ہیں۔ 42سال سے اقتدار پر قابض معمر رہنما کے خلاف عوام میں نفرت بڑھتی جا رہی ہے اور انہوں نے لیبیا میں پر تشدد مظاہرے شروع کر دیے ہیں اور ہر طرف سے ’قذافی بھگاﺅ، ملک بچاﺅ‘ اور قذافی جاﺅ، جاﺅ کے نعرے لگائے جارہے ہیں۔معمر قذافی اپنی جوانمردی کا مظاہرہ کرتے ہوئے ان مظاہرین پر ہیلی کاپٹروں سے حملے کرا رہے ہیں تاکہ ان کے خلاف تحریک زور پکڑنے سے پہلے ی دم توڑ دے۔واضح رہے کہ لیبیا میں پیر کو 60سے زائد افراد مارے گئے تھے۔

Read In English

For news in Urdu visit our page : Latest Urdu News, Urdu News

داﺅد کی دوسری بیٹی کی شادی کی تقریب میں میاں داد اور پاکستانی فوجی افسروں کی شرکت

2011-02-16T23:51:00.000+05:30

ممبئی : انڈر ورلڈ ڈان داﺅد ابراہیم کی دوسری بیٹی مہرین نے کراچی کے کلفٹن علاقہ میں ایوب نامی ایک پاکستانی نژاد امریکی سے خفیہ طور رپر شادی رچا لی۔یہ شادی 4فروری کو ہوئی تھی اور پھر دوسرے روز داﺅد کےعالیشان بنگلہ میں استقبالیہ دیا گیا۔ذرائع کے مطابق شادی کی تقریب بہت مختصر تھی اور چنیدہ مہمانوں کو ہی اس میں مدعو کیا گیا تھا۔ جن میں پاکستانی فوج اور آئی ایس آئی کے کچھ افسران بھی شامل تھے۔یہ بھی معلوم ہوا ہے کہ اس روز داﺅد کے بنگلے کے باہر بہت سی چمچماتی قیمتی کاریں کھڑی دیکھی گئیں۔اس تقریب میں داﺅد کے سمدھی وسابق پاکستانی کرکٹر جاوید میاں داد اور ان کے اہل و عیال نے بھی شرکت کی۔ داﺅد کی بڑیبیٹی کی شادی جاوید میاں داد کے بیٹے سے ہوئی ہے۔ میانداد کی فیملی کے علاوہ اس میں داﺅد کے بھائیوں اور چھوٹا شکیل نے بھی شرکت کی۔ داﺅد ابراہیم کو چند ماہ قبل دل کا دورہ پڑا تھا اور صحتیاب ہوتے ہی داﺅد نے اپنی دوسری بیٹی کی جلد سے جلد شادی کرنے کی رٹ لگا رکھی تھی کیونکہ یہ شادی مئی میں ہی ہونا طے تھی لیکن ہارٹ اٹیک کی وجہ سے اسے موخر کر دیا گیا تھا۔داﺅد ابراہیم امریکہ کی جانب سے انٹرنیشنل دہشت گرد قرار دیے جانے کے بعد سے ہی پاکستان میں ایک فرضی نام سے مقیم ہے۔ ممبئی پولس کا دعویٰ ہے کہ اسے آئی ایس آئی کا تحفظ حاصل ہے۔لیکن پاکستانی حکومت اس کی پاکستان میں موجودگی کی تردید کر تی رہتی ہے۔

Read In English

For news in Urdu visit our page : Latest Urdu News, Urdu News

سپریم کورٹ نے نٹھاری کیس میں کولی کی سزائے موت برقرار رکھی

2011-02-16T23:49:00.004+05:30

نئی دہلی : سپریم کورٹ نے نٹھاری ہلاکتوں کے وحشیانہ واقعات کے مجرم سریندر کولی کی سزائے موت بر قرار رکھی۔نوئیڈا کے نٹھاری گاﺅں میں قتل کیے گئے بچوں میں شامل رمپا ہلدر کیس میں کولی کو خصوصی عدالت اور الہٰ باد ہائی کورٹ نے سزائے موت سنائی تھی۔پنڈھیر کے نوکر کولی پر 14سالہ رمپا ہلدر کی عصمت دری اور پھر اسے قتل کرنے کا جرم ثابت ہوگیا تھا۔ سپریم کورٹ نے قتل کی ان وارداتوں کو دلخراش اور وحشیانہ فعل بتاتے ہوئے یہ سزائے موت برقرار رکھی۔سپریم کورٹ نے نٹھاری کیس میں ہی مونندر سنگھ پنڈھیر کو بری کرنے کے خلاف سی بی آئی کی اپیل کو معرض التوا میں رکھا ہے۔نٹھاری ہلاکتوں کے راز پر سے دسمبر 2009میں اس وقت پردہ اٹھا تھا جب کولی کے مکان مالکپنڈھیر کی رہائش گاہ کے باہر نالی میں کچھ انسانی اعضا پائے گئے تھے۔یہ انسانی اعضا نٹھاری گاﺅں کے قریب رہنے والی 19عورتوں اور بچوں کے تھے جنہیںپنڈھیر کی رہائش گاہ میں لا کر عصمت دری کے بعد قتل کر دیا گیا تھا۔

Read In English

For news in Urdu visit our page : Latest Urdu News, Urdu News

ایران میں سیکورٹی فورسز اور مظاہرین میں جھڑپیں، ایک ہلاک درجنوں زخمی

2011-02-16T23:49:00.000+05:30

تہران: ایرانی پولس نے تصدیق کی ہے کہ سیکورٹی فورسز اور مظاہرین کے درمیان جھڑپوں میں ایک شخص ہلاک اور درجنوں زخمی ہو گئے۔زخمیوں میں سیکورٹی فورسز کے اہلکار بھی شامل ہیں۔ایران کی سرکاری خبر رساں ایجنسی ایرنا نے کار گذار پولس کمانڈر جنرل احمد رضا ردان کے حوالے سے بتایا ہے کہ پیر کو ہوئے احتجاجی مظاہرے میں زخمی ہونے والوں میں سیکورٹی فورسز کے 9جوان شامل ہیں۔انہوں نے یہ بھی بتایا کہ لاتعداد افراد گرفتار کیے گئے ہیں لیکن انہوں نے گرفتار شدگان کی صحیح تعداد نہیں بتائی۔ردان نے الزام لگایا کہ عراق میں مقیم اپوزیشن گروہ مجاہدین خلق(ایم ای کے) نے یہ تشدد برپا کیا ہے لیکن انہوں نے اپنے اس دعوے کو درستثابت کرنے کا کوئی ثبوت نہیں پیش کیا۔مصری انقلاب کے بعد مشرق وسطیٰ کے کئی ممالک میں حکومت وقت کے خلاف عوامی مظاہرے شروع ہو چکے ہیں اور ان میں ایران بھی شامل ہو گیا ہے جہاں پیر کو پچھلے ایک سال کے دوران اپوزیشن نے پہلا بڑا مظاہرہ کیا ۔

Read In English

For news in Urdu visit our page : Latest Urdu News, Urdu News

آئی سی سی نے دھونی کو انتباہ دیا

2011-02-16T23:48:00.002+05:30

نئی دہلی:انٹرنیشنل کرکٹ کونسل(آئی سی سی )نے ہندوستانی کرکٹ کپتان مہندر سنگھ دھونی کو سخت انتباہ دیا ہے کہ وہ ان کمپنیوں کی تشہیر نہ کریںجو ورلڈ کپ کے اسپانسروں کی حریف ہیں۔آئی سی سی کے مطابق دھونی نے آئی سی سی کے اشتہاری ضابطہ اخلاق کی خلاف ورزی کی ہے۔ اس کا کہنا ہے کہ سونی اور ایئرسیل کے اشتہار میں دھونی ایسے نظر آتے ہیں جیسے وہ ورلڈ کپ کی تشہیر کر رہے ہیں۔اس اشتہار میں دھونی ٹیم انڈیا کی نیلی جرسی سے ملتے جلتے کپڑوں میں نظر آتے ہیں جبکہ کوئی بھی کھلاڑی ایسا نہیں کر سکتا۔ آئی سی سی نے ورلڈکپ کے اسپانسروںکو ذہن میں رکھتے ہوئے اشتہارات کے سلسلہ میں سخت ہدایات جاری کی ہیں۔جس کے تحت صرف اسپانسر کرنے والی کمپنیاں ہی کھلاڑیوں کو سرکاری کپڑوں میں دکھا سکتی ہیں۔ ایل جی انڈیا ورلڈ کپ کی باضابطہ اسپانسر ہے۔ جبکہ سونی اس کی حریف کمپنی ہے۔آئی سی سی نے کھلاڑیوں کو ایسے اشتہار کرنے پر کچھ چھوٹ دے رکھی ہے جس میںکھلاڑی کے لباس کا رنگ ٹیم کی جرسی یا قومی پرچم کے رنگوں سے مماثلت نہ رکھتا ہو نیز اس اشتہار کا عالمی کپ ٹورنامنٹ سے کسی بھی قسم کاکوئی تعلق نہ دکھائی دے۔ ٹیم کے ورلڈ کپ سے باہر ہونے تک تیسری پارٹی کھلاڑیوں کا نام یا تصویر کسی ایڈکے لئے استعمال نہیں کر سکتی ، جس میں ٹیم کٹ ، یونیفارم کا استعمال ہو، میدان میں ٹیم کا کوئی کھلاڑی کسی دوسری کمپنی کے لوگو کا استعمال نہیں کر سکتے۔ اس روشنی میں آئی سی سی نے تمام 14 ٹیموں کو انتباہ کیا ہے کہ اگر کسی کھلاڑی نے معاہدہ کی خلاف ورزی کی تو اسے ورلڈ کپ سے باہر کر دیا جائے گا۔

Read In English

For news in Urdu visit our page : Latest Urdu News, Urdu News

مصری انقلاب کے اصل ہیرو ٹوئٹراور فیس بک

2011-02-16T23:40:00.000+05:30

سہیل انجم
فراعنہ مصر کے موجودہ جانشین حسنی مبارک کا تخت زرنگار عوامی انقلاب کے تند وتیز طوفان میں خس وخاشاک کی مانند بہہ گیا۔ حسنی مبارک جو اب اپنے ہی عوام کے لیے نامبارک بن گئے ہیں بڑی بے شرمی کے ساتھ شرم الشیخ میں جاکر جم گئے ہیں۔ اس سے قبل وہ تیس سال سے مصری حکومت پر قابض رہے ہیں لیکن وقت نے ان سے ایسا انتقام لیا ہے جسے وہ اب اپنی باقی ماندہ زندگی میں کبھی بھی فراموش نہیں کر سکیں گے۔ یہ ایسا انقلاب تھا جسے امریکی صدر براک اوبامہ نے گاندھیائی انقلاب کہا ہے۔ اس کی وجہ یہ ہے کہ اس انقلاب کی تاریخ خاک وخون سے نہیں لکھی گئی ہے جیسا کہ عموماً ہوتا ہے۔ دنیا میں آنے والے بیشتر انقلابوں کی تاریخ انسانی لہو سے رقم کی جاتی رہی ہے۔ یہ انقلاب ان چند انقلابوں میں شامل ہے جن میں کوئی خون خرابہ نہیں ہوا اور انسانی کشتوں کے پشتے نہیں لگے۔ یہ اپنے آپ میں انوکھا انقلاب تھا۔ اسے گاندھیائی انقلاب اسی لیے کہا جا رہا ہے کہ عدم تشدد کے اصول پر چل کر اسے منطقی انجام تک پہنچایا گیا ہے۔ اس انقلاب کے ہیرو ،یوں تو وہ دبے کچلے اور مظلوم عوام ہیں جو تیس برسوں سے ظلم وزیادتی کی چکی میں پسے جا رہے تھے اور جنھوں نے کبھی اُف تک نہیں کی۔ لیکن تیونیشیا میں آئے ”انقلاب یاسمین“ نے مصری عوام کو بھی گہری نیند سے بیدار کر دیا اور وہ بھی سڑکوں پر نکل آئے۔ لیکن اگر ہم دیکھیں تو اس انقلاب کے اصل ہیرو ٹویئٹر اور فیس بک ہیں۔ یہ سوشل نیٹ ورکنگ سائٹ ہیں اور ان سائٹوں نے در اصل عوام کو ایک ڈور میں باندھ دیا تھا۔ امارت کے خلاف اٹھے اس انقلاب کی عمارت میں یہ دونوں سائٹیں بنیاد کے پتھر کی حیثیت رکھتی ہیں۔ انہی بنیادوں پر انقلاب کی تعمیر کی گئی۔ معلوم ہونا چاہئے کہ موجودہ عہد انفارمیشن ٹیکنالوجی کا عہد ہے اور انفارمیشن ٹیکنالوجی کی ترقی نے پوری دنیا کے عوام کو ایک سائبان کے نیچے جمع کر دیا ہے۔ جہاں وہ ایک دوسرے سے ٹویئٹر، فیس بک اور انٹرنیٹ سے رابطہ کرتے ہیں اور آج کے عہد میں یہ رشتہ اتنا مضبوط ہو گیا ہے کہ اس نے ہماری زندگی کی شکل وصورت ہی تبدیل کر کے رکھ دی ہے۔
قارئین سوچ رہے ہوں گے کہ ٹویئٹر اور فیس بک کیسے اس انقلاب کے ہیرو بن گئے۔ دراصل تیونیشیا میں بھی یہی ہوا تھا۔ وہاں بھی انہی دونوں سائٹوں نے عوام کو ایک لڑی میں پرو دیا تھا۔ تیونس میں ایک تعلیم یافتہ بے روزگار نوجوان معاش کے لیے پریشان تھا۔ اس نے جب دیکھا کہ تمام راستے بند ہو گئے ہیں تو اس نے ایک ٹھیلا خریدا اور اس پر سبزی بیچنے لگا۔ لیکن کرپشن اور بدعنوانی نے اس سے اس کا یہ روزگار بھی چھین لیا۔ ایک کرپٹ پولیس افسر نے رشوت نہ دینے کی پاداش میں اس کا ٹھیلا اٹھا لیا اور وہ نوجوان جس کا نام محمد بوازیزی تھا پھر بے روزگار ہو گیا ۔ وہ اس واقعے کے بعد انتہائی مایوس ہو گیا۔ لہذا اس نے خود سوزی کر کے اپنی زندگی ہی ختم کر دی۔ اس واقعے کو فلما لیا گیا تھا اور پھر اسے فیس بک پر ڈال دیا گیا۔ فیس بک پر اس منظر کو دیکھنے کے بعد عوام میں غم وغصے کی لہر دوڑ گئی اور وہ سڑکوں پر نکل آئے ۔ اس طرح وہاں کے صدر زین العابدین کو جو کہ 23سال سے برسر اقتدار تھے حکومت چھوڑ کر بھاگ جانا پڑا۔ مصر میں بھی تقریباً یہی ہوا ہے۔ وہاں چار نوجوانوں نے جو غریبی، بھکمری، بے روزگاری، بدعنوانی اور مہنگائی سے تنگ آگئے تھے، خود سوزی کر لی۔ اس منظر کی بھی فلم بندی کر لی گئی اور اسے بھی فیس بک پر ڈال دیا گیا۔ ایک دوشیزہ نے جس کا نام اسماءمحفوظ ہے اسے فیس بک پر ڈال کر اپنا ایک پیغام بھی ریکارڈ کرکے ڈال دیا۔ جس میں اس نے کہا تھا کہ میں نے یہ ویڈیو آپ کے لیے اس لیے بنائی ہے کہ میں آپ کو ایک عام سا پیغام دے سکوں۔ ہم اس حکومت کے خلاف مظاہرہ کرنے کے لیے 25جنوری کو تحریر ااسکوائر پر جا رہے ہیں۔ ہم وہاں حکومت سے اپنے حقوق کا مطالبہ کریں گے۔ ہم اپنے بنیادی حقوق حاصل کرنے کی کوشش کریں گے۔ ہم حکومت سے مطالبہ کریں گے کہ وہ ہمیں با عزت زندگی گزارنے کے مواقع فراہم کرے جو کہ ہمارا حق ہے۔ یہ پوری حکومت بد عنوان ہے، کرپٹ ہے۔ سیکورٹی فورسز بھی کرپٹ ہیں۔ اگر آپ اپنے آپ کو ایک آدمی، ایک انسان سمجھتے ہیں اور آپ بھی آبرومندانہ اور باعزت زندگی جینے کی خواہش رکھتے ہیں اور اس بدعنوان حکومت سے نجات حاصل کرنا چاہتے ہیں تو آپ بھی تحریر چوک پر آئیے، ہم سے ہاتھ ملائیے، قدم سے قدم ملائیے اور اس حکومت کے خلاف پُرزور مظاہرہ کیجئے۔ اس ویڈیو کو دیکھنے کے بعد مصری عوام کے اندر ایک آتش فشاں پھٹ پڑا اور اس سے جو لاوا نکلا اس نے حسنی مبارک کی حکومت کو جلاکر خاکستر کر دیا۔
حالانکہ مصر میں انٹرنیٹ کا استعمال زیادہ نہیں ہے۔16جنوری سے 24 جنوری تک ایک لاکھ بائیس ہزار ٹوئیٹ ہی اپ لوڈ کیے گئے تھے۔ لیکن 25جنوری سے جو کہ مصری انقلاب کا روز اول تھا، ٹویئٹس کی تعداد میں گیارہ گنا اضافہ ہو گیا اور 1.35ملین سے زیادہ لوگوں نے ٹویئٹس اپ لوڈ کیے۔ یہ وہ تعداد ہے جس نے مصر میں حکومت کی تبدیلی کا بگل بجا دیا۔ مشرق وسطی کے حکمرانوں کو بھی اس اہم ذریعے کی اہمیت کا احساس ہو گیا ہے۔ انھوں نے محسوس کر لیا ہے کہ فیس بک اور ٹویئٹر بہت ہی موثر اور طاقتور ذرائع ہیں۔ حسنی مبارک نے بھی کچھ ایسا ہی سمجھا اور اسی لیے انھوں نے ان دونوں ذرائع پر پابندی لگا دی اور پھر بعد میں انٹرنیٹ کو بھی ممنوع قرار دے دیا۔ صرف اتنا ہی نہیں بلکہ گوگل کے مغربی ایشیا اور شمالی افریقہ کے مارکیٹنگ افسر وائل سعید عباس غنیم کو قید کر دیا۔ لیکن گیارہ دنوں کے بعد ان کو رہا کرنا پڑا۔ رہائی کے بعد وہ تحریر اسکوائر گئے جہاں عوام نے ان کا انتہائی والہانہ استقبال کیا۔ انہوں نے وہاں ایک پُرسوز اور شعلہ بیاںتقریر کی۔ انہوں نے کہا کہ اس انقلاب کے ہیرو وہ نہیں ہیں بلکہ وہ لوگ ہیں جن کو اپنی جانوں کی قربانی دینی پڑی ہے اور جو اس انقلاب کے لیے گولیاں کھاکر خاموش ہو گئے ہیں۔ ان کی اس تقریر نے لوگوں کے دلوں کو گرما دیا اور ایسی حرارت پیدا کی کہ مظاہرین کا یہ اجتماع انقلاب کے تناور درخت کی شکل اختیار کر گیا۔
اس انقلاب نے مغربی ایشیا اور شمالی افریقہ میں ایک زلزلہ برپا کر دیا ہے۔ اور متعدد ملکو ںمیں حکمرانوں کے خلاف بغاوت کا بگل بج گیا ہے۔ ان حکمرانوں کو بھی اس کا احساس ہے اسی لیے وہ اپنی حکومتوں کو بچائے رکھنے کے لیے متعدد مراعات کے اعلانات کر رہے ہیں کہیں تنخواہوں میں بے پناہ اضافہ کا لالچ دیا جارہا ہے تو کہیں اشیائے ضروریہ کی قیمتوں میں کمی سول و فوجی عہدوں میں ترقی اور دیگر مراعات کا اعلان ہو رہا ہے لیکن عوام ہیں کہ اب کسی جھانسے میں نہ آنے کا تہیہ کر چکے ہیں اور انہوں نے سر سے کفن باندھ لیا ہے۔ فی الحال جن ملکوں کو سب سے زیادہ فکر ستا رہی ہے ان میں اردن، یمن، الجیریا، لیبیا، مراکش اور شام ہیں۔ شام میں تو خیربادشاہت ہے لیکن دوسرے ملکوں میں شخصی حکومت ہے۔ کرنل معمر قذافی چالیس سال سے زائد عرصے سے حکومت پر قابض ہیں۔ یمن میں بھی اس طوفان کی آمد آمد ہے۔ وہاں بھی ایک آمر علی عبد اللہ صالح 32برسوں سے قصر صدارت کے مالک بنے ہوئے ہیں ۔ تیونیشیاکی بغاوت کے بعد یمن کے دار الحکومت صنعا اور ایک دوسرے اہم شہر عدن میں عوام نے سڑکو ںپر نکل کر مظاہرے کیے ہیں۔ یمن عالم عرب کا سب سے مفلوک الحال ملک ہے جہاں کی نصف آبادی یومیہ دو ڈالر سے کم آمدنی پر بھی گزارہ کرتی ہے۔ وہاں کے صدر نے مسلح فوجیوں کی تنخواہوں میں اس خیال سے اضافہ کر دیا ہے کہ وہ عوام کی بجائے ان کے تئیں وفاداری دکھائیں گے۔ حکمراں جنرل پیپلز کانگریس پارٹی نے اپوزیشن کے سامنے مذاکرات کی پیشکش رکھی ہے۔ لیکن عوام تبدیلی کے علاوہ کسی اور بات کے لیے تیار نہیں ہیں۔ اردن میں بھی مظاہرے جاری ہیں۔ شاہ عبد اللہ دوم نے اپنی کابینہ برطرف کر دی ہے اور سابق وزیر اعظم سمیر رفاعی کے جگہ پر معروف باخِت کو وزیر اعظم نامزد کر دیا ہے۔ لیکن اسلام پسندوںنے اس تقرری کومسترد کر دیا ہے۔ انھوں نے مکمل تبدیلی اور تازہ انتخابات کا مطالبہ کیا ہے۔ اس وقت اردن کے معاشی حالات انتہائی دگر گوں ہیں۔ حکومت نے قیمتو ںمیں کمی کے لیے کئی اعلانات کیے ہیں اور سول سرونٹس کی تنخواہیں بڑھا دی ہیں۔الجیریا میں بھی احتجاج کی آوازیں بلند ہو رہی ہیں۔ الجیریا تیونیشیاکے مغرب میں واقع ہے ۔ وہاں بھی گرانی نے عوام کی کمر توڑ کر رکھ دی ہے۔ لازمی اشیا کی قیمتیں آسمان چھو رہی ہیں ۔ وہاں بھی لوگ سڑکوں پر نکلنے لگے ہیں۔ الجیریا میں 1992 سے ہی ایمرجنسی نافذ ہے اور دارالحکومت میں احتجاج اور مظاہرو ںپر پابندی عائد ہے۔ ابھی تک ملک کے دوسرے حصوں میں ہی مظاہرے ہو رہے تھے لیکن اب تقریباً تمام شہرو ںمیں ہونے لگے ہیں ۔ لیکن وہاں بہر حال ویسی صورت حال نہیں ہے جیسی کہ تیونیشیا اور مصر میں دیکھی گئی ہے۔ حکومت کچھ اقدامات کر رہی ہے تاکہ قیمتوں کو بڑھنے سے روکا جا سکے۔ مراکش میں بھی اقتصادی مسائل ہیں اور حکمراں طبقے پر بد عنوانیوں کے الزامات ہیں۔ وکی لیکس کے انکشافات کے بعد شاہی خاندان کی لوٹ کھسوٹ بے نقاب ہو گئی ہے اور عوام شاہ محمد ہفتم اور ان کے اہل خانہ کی بدعنوانیوں سے پوری طرح واقف ہو گئے ہیں۔ لیکن مراکش میں ابھی حالات اتنے خراب نہیں ہوئے ہیں جتنے دوسری جگہوں پر ہوئے ہیں۔ وہاں کسی نہ کسی حد تک عوام کو اظہار خیال کی آزادی حاصل ہے۔ اردن کی مانند یہاں بھی بادشاہت ہے لیکن شاہی خاندان کو عوام کے بہت بڑے طبقے کی حمایت بھی حاصل ہے۔ ادھر لیبیا کے صدر کرنل معمر القذافی بھی اپنے ملک میں اپوزیشن جماعتوں کے متحرک ہوجانے پر کافی برہم ہیں۔ ان کو اندیشہ ہے کہ کہیں ان پر بھی مبارک کا نامبارک سایہ نہ پڑ جائے۔ کرنل قذافی 41سالوں سے برسر اقتدار ہیں اور افریقہ اور مغربی ایشیا میں سب سے زیادہ مدت تک حکومت کرنے والے فرما روا بن گئے ہیں۔ لیبیا میں مظاہرو ںاور احتجاجوں پر سخت پابندی عائد ہے۔ وہ ایک چھوٹا سا ملک ہے مگر تیل کی دولت سے مالا مال ہے۔ دوسری طرف اسرائیل کو یہ خدشہ لاحق ہے کہ اس کے اور مصر کے مابین جو امن معاہدہ ہوا تھا وہ کہیں کھٹائی میں نہ پڑ جائے۔ حالانکہ مصر کی نئی گورننگ کونسل نے اعلان کیا ہے کہ تمام قومی وبین الاقوامی معاہدے برقرار رہیں گے۔ در اصل مصر میں جو نئی حکومت آئے گی اس پر بہت ذمہ داری عائد ہوگی۔ بعض تجزیہ کاروں کا خیال ہے کہ نئی حکومت بھی امریکہ اور اسرائیل کے اثر سے نکل نہیں پائے گی۔ یہ دونوں ملک مصر کو سالانہ ڈیڑھ ارب ڈالر کی امداد دیتے ہیں۔ لہذا نئی حکومت کو اسے گنوا دینا آسان نہیں ہوگا۔ بہر حال مصر میں ایک آمر کی آمریت کا تو خاتمہ ہو گیا ہے لیکن اندیشہ ہے کہ کہیں وہاں عدم استحکام نہ پیدا ہو جائے۔ دنیا کی بڑی طاقتیں اپنے مفادات کے لیے ایسا کر سکتی ہیں۔ اگر ایسا ہوا تو یہ بھی مصری عوام کی بد نصیبی ہی ہوگی۔ فی الحال ایک ڈاکٹیٹر سے تو نجات مل گئی ہے لیکن دوسری نوعیت کی آمریت کا خطرہ منڈلا رہا ہے۔ (یو۔ ٹی۔ این)۔
s_anjum11@yahoo.com- --9818195929

For news in Urdu visit our page : Latest Urdu News, Urdu News

ہنڈورا س میں طیارہ حادثہ،ایک وزیر سمیت 14ہلاک

2011-02-16T23:39:00.000+05:30

تیگو سی گالپا:(ہنڈوراس) یہاں ایک طیارہ حادثے کا شکار ہو گیا جس میں تعمیرات عامہ کے نائب وزیر روڈولفوروبیلو اور دو پائلٹ سمیت 14 افراد ہلاک ہو گئے۔ یہ حادثہ ہنڈوراس کی راجدھانی تیگوسی گالپاکے قریب پیش آیا۔ذرائع کے مطابق ایرلائنس کے منیجر فیلکس پچیکونے کہا کہ اس حادثہ نے ان کو ہلا کر رکھ دیا ہے۔ انہون نے کہا یہ فلائٹ روز مرہ کی ایک پرواز ہے اور مستقل آتی جاتی رہتی ہے۔طیارے میں روڈولفو کے علاوہ یونائیٹڈ ورکرز فیڈریشن آف ہونڈراس کے مزدور لیڈر جوز اسرائیل سلیناس اور سابق وزیر مالیات کارلوس شین بھی سوار تھے وہ بھی ہلاک ہو گئے۔ حکومت نے اس حادثہ پر تین روز کے سوگ کا اعلان کیا ہے۔حکام نے بتایا کہ جس وقت حادثہ ہوا تو زبردست دھند تھی اور تیز ہوائیں چل رہی تھیں۔

Read In English

For news in Urdu visit our page : Latest News, Urdu News

مصر یوں نے اپنی تقدیر بدل لی

2011-02-16T23:38:00.000+05:30

ایم جے اکبر
صلاح الدین ایوبی کو،جو صلادین کے نام سے زیادہ جانے جاتے ہیں،اس بات کو بھانپ چکے ہوں گے کہ 2011میں قاہرہ میں کیا ہونے والا ہے۔ جب 8 صدیوں پہلے وہ یروشلم کو واگذار کرانے کےلئے دمشق سے روانہ ہوئے تو عرب ایشیاءکے نقشہ پر موجود کسی عیسائی ریاست کی جانب انہوں نے پیش قدمی نہیں کی بلکہ مصر کی ظالم و جابر حکومت کی، جس نے مصر کو انتہائی کمزور کر دیا تھا، سر کوبی کے لیے قاہرہ کی جانب کوچ کیا۔صلادین اس بات سے واقف تھے اور انہوں نے کہا بھی تھا کہ عالم عرب کے قلب کو جھنجوڑے اور متحرک کیے بغیر عربوں کی جیت نا ممکن ہے۔ سلطنت عباسیہ کے زوال کے بعد مرکز بغداد سے منتقل ہو چکا تھا۔جب یوروپ نے اپنا نو آبادیاتی نظام شروع کیا تو نیپولین نے اسکندریہ کی جانب پیش قدمی کی کیونکہ وہ جانتا تھا کہ سلطنت عثمانیہ کے قسطنطنیہ اور برٹش انڈیا کا راستہ مصر سے ہی ہو کر گزرتا ہے۔ جب برطانیہ نے یہ فیصلہ کیا کہ یہی وقت مداخلت کا ہے تو انہوں نے لارڈ کرومر کو قاہرہ بھیجا۔
جب بھی قاہرہ میں کسی ڈکٹیٹر کا زوال ہوتا ہے تو اس کے حالی موالی بوکھلا اٹھتے ہیں اور تمام بادشاہوں کے گھوڑے اور مطلق العنان حکومت کے وفادار انہیں متحد نہیں کر سکتے۔ یہ وقت کی بات ہے اور وقت کی دیوی نے اپنی نگاہیں بدل لی ہیں اور اب اس کی مہربانیاںجابر و ظالم فرمانروا کے بجائے جمہوریت نوازوں پر نچھاور ہونے لگی ہیں۔اپنی ہی کسی تصنیف کا حوالہ دینا اگرچہ بڑا معیوب سا محسوس ہوتا ہے لیکن 2002میں شائع ہوئی کتاب ”شیڈ آف سوورڈز“ ) Shade of Swords) کا مرکزی خیال یہی تھا کہ زیادہ تر عرب ممالک میں 10تا 15سال میں فرانسیسی انقلاب آ جائے گا۔خوش قسمتی سے اب سر قلم کرنے کا رواج نہیں ہے کیونکہ 21ویں صدی نے گاندھی کے عدم تشدد کی طاقت دوبارہ دریافت کر لی ہے ۔ دریائے نیل خون سے لال نہیں ہوا اور نہ ہی ابولہول پر(ہزاروں برس پرانا ایک مجسمہ جس کا دھڑ عورت کا اور سر شیر کا ہے) خون کی کوئی چھینٹ آئی اور قاہرہ پر عوام کا تسلط قائم ہو گیا۔ سچائی تو یہ ہے کہ اقتدار کی منتقلی کا عمل ابھی جاری ہے اس ادھوری فتح کو اصل جیت قرار دے دینا خود فریبی ہوگا۔تیونیشیا میں ابھی غبارچھٹانہیں ہے جہاں پرانی حکومت عوام سے کئی دہائی سے چھینی ہوئی حکومت کے تحفظ کے لیے ہاتھ پیر مار رہی ہے۔ ایسی ہی طمع و لالچ بلا شبہ مصر میں بھی نظر آئے گی۔اگر اکابرین نے مصر کو تانا شاہی سے آزاد نہ ہونے دیا تو آج جو ناراضگی ہے وہ غیض و غضب میں تبدیل ہو جائے گی۔ جمہوریت اکیلی نہیں چلتی ۔ قوم پرستی ہمیشہ اس کے ساتھ چلی ہے۔ جمہوریت کے بغیر قوم پرستی ہو سکتی ہے لیکن قوم پرستی کے بغیر جمہوریت نہیں ہو سکتی ۔ اصل میں مغرب کو اخوان المسلمین کے ڈکٹیٹروں کے متبادل کے طور پر ابھر نے کا ڈر نہیں ہے کیونکہ وہ ایک سماجی سیاسی تحریک ہے جسے ایک جھٹکے میں قابو کیا جا سکتا ہے۔ اسے تو ان سرکاروں میں دھماکے کی فکر ہے جو ملک کے اور ملک سے باہر اپنے معتمد طبقے پر مبینہ سامراجوں سے اوپر لوگوں کے مفادات کو رکھتی ہیں۔ یہی وہ تشویش تھی جس نے مغرب کو اس وقت بھی مداخلت سے روکے رکھا جب ڈکٹیٹر اپنے ہی ممالک کو لوٹ رہے تھے ہمیں ابھی نہیں پتہ کہ حسنی مبارک نے سوئس اور دوسرے بنکوں میں کتنی رقم اکٹھی کر رکھی ہے لیکن افوا ہیں اسے ایک حیران کن اعدا و شمار بتا رہی ہیں۔تیونیشیا کے زین العابدین بن علی کے کنبہ کی دولت سے سب واقف ہیں۔ زیادہ تر کمپنیاں ان کے کنبہ والوں کی ہی ہیں جو سرپرستی کی طاقت و اختیارات کا ثبوت ہیں۔ سب سے زیادہ دلچسپ بات یہ ہے کہ زین العابدین کی فیملی ہی بینک کاری کے سارے نظام پر قابض تھی۔ اس کا برادر نسبتی بالحسن طرابلسی بینک آف تیونیشیا کا مالک تھا اس کی بیٹی نسرین زیتونا بینک اور التجاری بینک کی مالک تھی اس کی دوسری بیٹی شیریں عرب انٹرنیشنل بینک آف تیونیشیا کی مالک تھی اور اس کی تیسری بیٹی غزوہ دی میدیو بینک کی مالک تھی۔ جب کسی کے اپنے ہی بینک ہوں تو اسے سوئزر لینڈ جانے کی کیا ضرورت ہے۔
ایک ڈکٹیٹر شپ اور جمہوریت کے درمیان کا فرق کوئی زیادہ پیچیدہ نہیں ہے۔ پہلے کے معاملے میں سرکاروں کو چوٹ پہنچنے کا امکان ہوتا ہے لیکن ملک آزاد مستحکم ہوتا ہے۔ ڈکٹیٹر مستحکم دکھائی دیتے ہیں لیکن ملک میں اندر ہی اندر لاوا پکتا رہتا ہے۔ آپ کب تک جو الامکھی کے نیچے لاوا کو ابلتا رکھ سکتے ہیں۔ کیا موجودہ دور کے قاہرہ اور کولکاتہ کے درمیان کوئی یکسانیت ہے۔ دونوں شہروں جن میں سے ایک دریائے نیل کے پہلو میں آباد ہے اور دوسرا گنگا کے قدموں میں ہے جہاں کے باشندے 3دہائیوں سے بر سر اقتدار حکومت کو گرانا چاہتے ہیں۔ بنگال کے کمیونسٹوں نے ایک جمہوریت میں حکومت کی ہے جب کہ قاہرہ میں فوج کی پشت پناہی والی حکومت
خوف، دھوکے اور ظلم کے امتزاج سے پھلی پھولی ہے۔ قاہرہ کے نوجوان ان لوگوں پر بھروسہ نہیں کر سکتے جنہوں نے لمبے عرصے تک ان سے دھوکہ کیا ہے اور اب وہ تبدیلی چاہتے ہیں۔ کولکاتہ کے نوجوانوں کو کوئی مسئلہ نہیں ہے وہ الیکشن کمیشن کے اعلان کردہ وقت کے منتظر ہیںوہاں بغاوت کی کوئی ضرورت نہیں ہے۔ جمہوریت ایک مسلسل پر امن سیاسی انقلاب ہے، مصر کی تقدیر بدل گئی ہے اوراس کی تقدیر اس کے گرد و نواح کی دنیا کو بدل دے گی۔

Read In English

For news in Urdu visit our page : Latest News, Urdu News

سیکس اسکینڈلوں میں پھنسے اٹلی کے وزیر اعظم پر مقدمہ چلے گا

2011-02-16T23:27:00.000+05:30

روم: کمسن بچیوں کے ساتھ سیکس اسکینڈلوں سے آئے روز اخبارات کی زینت بننے والے اٹلی کے وزیر اعظم سلویہ برلسکونی کے بارے میں ایک جج نے کہا ہے کہ اختیارات و عہدے کے غلط استعمال اور پیسے دے کرکم عمر بچیوں کے ساتھ سیکس کرنے کے معاملے میں ان پر اپریل میں مقدمہ چلایا جائے گا۔ملن کی ایک عدالت کے جج کرسٹینا ڈی سینسا نے تیزی سے مقدمات کا نپٹارہ کرنے والی عدالت میں اس معاملے کی سماعت کے لیے 6اپریل تاریخ مورر کی ہے۔برلسکونی کے وکیل نے کہا کہ انہیں اس کے علاوہ اور کوئی توقع نہیں تھی۔برلسکونی کے معاملے کی سماعت تین خاتون جج کریں گی۔جج ڈی سنسا نے ملن کے مجسٹریٹ کی یہ درخواست منظور کر لی کہ 74سالہ وزیر اعظم پر ایک نائٹ کلب کی 17سالہ ڈانسر سے سیکس کرنے کے الزامات کی سماعت تیزی سے کرائی جائے۔

Read In English

For news in Urdu visit our page : Latest News, Urdu News

اب قریشی کا پیپلز پارٹی میں بھی مستقبل غیر یقینی: فوزیہ وہاب

2011-02-14T23:07:00.000+05:30

اسلام آباد(اردو تہذیب)؛ پاکستان کے سیاسی حلقوں میں سابق وزیر خارجہ شاہ محمود قریشی کے بارے میںسرگوشیاں ہو رہی ہیں اور عام خیال یہ ظاہر کیا جا رہا ہے کہ ان کو کسی بھی وقت پیپلز پارٹی سے بھی بر طرف کیا جا سکتا ہے ۔ ان سرگوشیوں کو اس وقت مزید تقویت حاصل ہوئی جب پارٹی کی سیکریٹری نشر و اشاعت فوزیہ وہاب نے کہا کہ اب سابق وزیر خارجہ کا پارٹی میں کوئی مستقبل نہیں ہے۔انہوں نے مزید کہا کہ پارٹی ڈسپلن کی خلاف ورزی اور قیادت کیحکم عدولی کرنے پر قریشی کے خلاف تادیبی کارروائی بھی کی جاسکتی ہے۔سابق وزیر راجہ پرویز اشرف نے بھی پارٹی کو بلیک میل کرنے پر مسٹر قریشی پر تنقید کی ۔ فوزیہ وہاب نے کہا کہ مسر قریشی نے پارٹی سے دغا کی ہے اور یہ کوئی پہلا موقع نہیں ہے کہ انہوں نے ایسی حرکت کی ہو اس سے پہلے بھی وہ اس کے مرتکب ہو چکے ہیں۔ انہوں نے مزید کہا کہ گذشتہ تین سال کے دوران وزیر خارجہ کی حیثیت سے مسٹر قریشی کا رول جواب طلب رہا ہے۔ انہوں نے اس وقت بھی صدر آصف علی زرداری کی کوئی حمایت نہیں کی جب میڈیا ان کے غیر ملکی دوروں پر تنقیدیں کر رہا تھا۔فوزیہ وہاب نے مزید کہا کہ ان کی ان تمام حرکتوں کے باوجود پارٹی قیادت نے انہیں نئی کابینہ میں شامل کرنے کا فیصلہ کیا۔ لیکن مسٹر قریشی نے جمعہ کو صدارتی محل میں ہوئی تقریب حلف برداری سے صرف 25منٹ قبل ایک بحران پید ا کر دیا تھا۔انہوں نے یہ بھی کہا کہ یہ پارٹی قیادت کا کام ہے کہ وہ کسے کون سیذمہ داری سونپنا چاہتی ہے لیکن مسٹر قریشی اپنی وزارت میں کوئی تبدیلی نہیں چاہتے تھے۔ یہ معلوم کیے جانے پر کہ کیا مسٹر قریشی کے امریکی شہری ریمنڈ ڈیوس کے معاملے پر کچھ اختلافات ہو گئے تھے، انہوں نے کہا کہ اگر اس میں انہیں کوئی اعتراض تھا تو انہیں پہلے ہی مستعفی ہو جانا چاہئے تھا۔

For news in Urdu visit our page : Latest News, Urdu News

موبائیل کال کے ریٹ بڑھیں گے

2011-02-12T22:34:00.000+05:30

نئی دہلی:ٹیلی فون ریگولیٹری اتھارٹی آف انڈیا نے 2جی اسپیکٹرم کی نئی شرح کی سفارش کی ہے جو گذشتہ شرح کی نسبت 6گنا زیادہ ہے۔ جس کی وجہ سے موبائیل کمپنیوں کو پہلے سے زیادہ ادائیگی کرنی پڑے گی لیکن اس کے ساتھ ہی موبائیل کمپنیوں کی مشکلات بھی بڑھ جائیں گی کیونکہ بہت ممکن ہے کہ تمام موبائیل کمپنیاں اپنے اس اضافی اخراجات کا بوجھ صارفین پر ڈال دیں۔اس وقت پورے ملک میں تقریباً75کروڑ 21لاکھ افراد موبائیل استعمال کرتے ہیں جن میں سے 15کروڑ 29لاکھ ایر ٹیل کے، 12کروڑ 50لاکھ ریلائنس کے ،بی ایس این ایل کے 8کروڑ 60لاکھ اور آئیڈیا کے 8کروڑ 17لاکھ کے گاہک ہیں۔

For news in Urdu visit our page : Latest News, Urdu News

پاکستانی کرکٹرز کو سزا دنیا بھر کے کھلاڑیوں کے لئے سخت وارننگ

2011-02-12T22:32:00.000+05:30

نسیم احمد
آئی سی سی کے 3 رکنی غیر جانبدار اینٹی کرپشن ٹربیونل نے اسپاٹ فکسنگ کیس کا فیصلہ سناتے ہوئے اسکینڈل میں ملوث پاکستان کرکٹ ٹیم کے سابق ٹیسٹ کپتان سلمان بٹ پر 10 سال، فاسٹ بالر محمد آصف پر 7 سال اور فاسٹ بالر محمد عامر پر 5 سال کی پابندی عائد کر دی ہے۔آئی سی سی کے ضابطہ اخلاق کے تحت اس جرم کی کم از کم سزا 5 سال ہے ، دوبارہ جرم نہ کرنے کی شرط پر سلمان بٹ اور محمد آصف کی پابندی کی مدت میں بالترتیب پانچ اور دو سال کی کمی کا امکان موجود ہے ، اگر ان کھلاڑیوں پر مزید کوئی الزام نہ لگا تو سلمان بٹ اور محمد آصف کی پابندی 5 سال بعد ختم کی جاسکتی ہے۔ تاہم نوجوان فاسٹ بالر محمد عامر کو اپنی سزا پوری کرنا ہوگی۔ سزا کے دوران ان کی نقل و حرکت پر نظررکھی جا ئے گی ۔ سزا کے دوران اگر یہ کھلاڑی دوبارہ ملوث پائے گئے تو انہیں تاحیات پابندی کا سامنا کرنا پڑے گا۔ اب پاکستانی کھلاڑی اس سزا کے خلاف سوئٹزر لینڈ میں عالمی ثالثی عدالت سے رجوع کرسکتے ہیں۔ 26 سالہ سلمان بٹ پر 10 سال کی پابندی لگائی گئی ہے انہیں پانچ سال کی معطل سزا دی گئی ہے۔ 28 سالہ محمد آصف پر 7 سال کی پابندی لگائی گئی ہے ان پر دو سال کی معطل سزا ہے جبکہ 18 سالہ محمد عامر کو 5 سال کی سزا بھگتنا ہوگی۔سوال یہ پیدا ہوتا ہے کہ اگرپاکستانی کھلاڑی مجرم ہیںتوان پرتاحیات پابندی لگنی چاہیے تھی اوراگربے گناہ ہیں توانہیں اپناکیریئرجاری رکھنے کاموقع ملناچاہئے تھا لیکن دلچسپ بات یہ ہے کہ کھلاڑیوں پرجرم ثابت ہونے کے باوجودانہیں جلد انٹرنیشنل کرکٹ میں واپسی کاموقع بھی دیاگیاہے۔اس فیصلے سے ایسالگتاہے کہ آئی سی سی نے کرکٹرزکودھوکہ دہی کے کھلے لائسنس دے رکھے ہیں۔آصف اور عامر کا سزا کے بعد کرکٹ میں واپس آنا مشکل ہے۔ کیس کی جیوری تجربہ کارتھی جس نے بہت متوازن فیصلہ سنایا، ٹھوس ثبوتوں پر فیصلہ دیا ۔آئی سی سی کومیچ فکسنگ اور اسپاٹ فکسنگ میں فرق کو سمجھنا چاہیے،میچ فکسنگ کم ہوگئی ہے،اسپاٹ فکسنگ زور پکڑ گئی۔ اسپاٹ فکسنگ سے متعلق قانون میں تبدیلی کی ضرورت ہے۔اس معاملے میں جج نے خوداعتراف کیا کہ اسپاٹ فکسنگ پرقانون نہیں بنا، اس میں ترمیم کی ضرورت ہے اس لئے اگر قانون میں ترمیم ہو گی تو سزا کم ہو سکتی ہے۔
سابق پاکستانی کپتان سلیم ملک کرکٹ کی تاریخ کے پہلے کھلاڑی تھے جن کے کرکٹ کھیلنے پر تاحیات پابندی لگی11سال قبل فاسٹ بالر عطا الرحمن کو بھی ان کے ساتھ ہی سزا دی گئی ،سلیم ملک کی طرح اظہر الدین پر بھی تاحیات پابندی لگی جس کے بعد انہوں نے سیاست اختیار کی ۔ کرکٹ میں میچ فکسنگ اس وقت منظر عام پر آئی جب 2000 میں دہلی پولیس نے مقامی سٹے باز اور سابق جنوبی افریقی کپتان ہنسی کرونئے کی ٹیلی فونک گفتگو ریکارڈ کر لی۔ہنسی کرونئے نے عدالت کے سامنے تسلیم کر لیا کہ اس نے پیسوں کی خاطر میچ ہارا ہے جس کے فوراً بعد ان پر پابندی لگ گئی۔ تفتیش کے دوران کرونئے نے ہی اظہر الدین ، اجے جڈیجہ اور سلیم ملک کے متعلق بتایا کہ وہ بھی اس غیر قانونی کاروبار میں شریک ہیں۔آسٹریلین کھلاڑی مارک وا اور شین وارن پربھی الزام لگا تھا کہ انہوں نے پیسے لے کر جان نامی سٹے باز کو موسم اورپچ کے متعلق معلومات فراہم کی تھیں۔ تاہم انہیں ان کے کرکٹ بورڈ نے معمولی سا جرمانہ ادا کرنے کے بعد چھوڑ دیا تھا۔میچ فکسنگ کے الزام میں سزا پانے والوں میں ہرشل گبز ، ہنری ولیمز ، مارلن سیموئل بھی شامل ہیں۔سلیم ملک ، محمد اظہر الدین ، مورس اوڈمبے اور ہنسی کرونئے کے بعد سلمان بٹ دنیائے کرکٹ کے پانچویں کپتان ہیں جن کو انٹرنیشنل کرکٹ کونسل (آئی سی سی ) کی جانب سے پیسوں کے لالچ میں میچ ہارنے پر سزا دی گئی ہے محمد آصف واحد کھلاڑی ہیں جن پر سات سال کی پابندی لگی ہے جب کہ مورس اڈومبے ، اجے جڈیجہ اور منوج پربھاکر کے بعد محمد عامر چوتھے کھلاڑی ہیں جن کے کرکٹ کھیلنے پر پانچ سال کی پابندی لگی۔لیفٹ ہینڈ بیٹسمین اور سابق کپتان سلمان بٹ 7اکتوبر 1984 کو لاہور میں پیدا ہوئے۔ انہوں نے اپنے ٹیسٹ کیریئر کا آغاز ستمبر 2003کو ملتان میں بنگلہ دیش کے خلاف میچ سے کیا جبکہ آخری ٹیسٹ انگلینڈ کے خلاف لارڈز میں کھیلا تھا۔ انہوں نے 33ٹیسٹ میچوں میں پاکستان کی نمائندگی کی۔ وہ پاکستان کی جانب سے 78ون ڈے اور 24ٹی ٹوئنٹی میچ کھیل چکے ہیں۔ ون ڈے ڈیبیو انہوں نے ویسٹ انڈیز کے خلاف 22ستمبر کو کیا جبکہ آخری ون ڈے ہندستان کے خلاف دمبولا میں کھیلا۔ انہوں نے ٹی ٹوئنٹی میں اپنا پہلا میچ 2 ستمبر،2007کو بنگلہ دیش کے خلاف کھیلا جبکہ آخری ٹی ٹوئنٹی آسٹریلیا کے خلاف 6جولائی 2010کو برمنگھم میں کھیلا۔سلمان بٹ نے ٹیسٹ میں 3سنچریوں کی مدد سے1ہزار8سو 89اور ون ڈے میں 8سنچریوں کے ساتھ 2ہزار 7سو25رنز بنائے ہیں۔ انہوں نے 90فرسٹ کلاس میچوں میں 6ہزار سے زائد رنز بنائے ہیں۔رائٹ ہینڈ فاسٹ بالر محمد آصف 20 دسمبر 1982کو شیخوپورہ میں پیدا ہوئے۔ انہوں نے پاکستان کی جانب سے 23ٹیسٹ، 38ون ڈے اور 11ٹی ٹوئنٹی میچوں میں نمائندگی کی۔ وہ ٹیسٹ میں 106، ون ڈے میں 46اور ٹی ٹوئنٹی میں 13وکٹیں لے چکے ہیں۔انہیں ٹیسٹ میں 7مرتبہ پانچ وکٹیں لینے کا اعزاز حاصل ہے۔ آصف نے ٹیسٹ ڈیبیو جنوری 2005میں آسٹریلیا کے خلاف سڈنی میں کیا، انگلینڈ کے خلاف لارڈز ٹیسٹ معطلی سے قبل ان کا آخری ٹیسٹ تھا جس میں اسپاٹ فکسنگ اسکینڈل سامنے آیا۔ ون ڈے ڈیبیو دسمبر 2005میں انگلینڈ کے خلاف راولپنڈی میں کیا جبکہ آخری ون ڈے بنگلہ دیش کے خلاف دمبولا میں کھیلا۔ انہوں نے ٹی ٹوئنٹی کا پہلا میچ 2006میں انگلینڈ کے خلاف جبکہ آخری میچ بھی انگلینڈ ہی کے خلاف مئی 2010میں کھیلا۔لیفٹ آرم فاسٹ بالرمحمد عامر 13اپریل 1992 میںگو جر خان میں پیدا ہوئے۔ انہوں نے اپنا ٹیسٹ ڈیبیو 4جولائی 2009کو سری لنکا کے خلاف گال میں کیا۔ اب تک انہوں نے کیریئر میں 14 ٹیسٹ میچ کھیل کر 51وکٹیں حاصل کررکھی ہیں۔ انہوں نے اپنے کیریئر کا آخری ٹیسٹ انگلینڈ کے خلاف اگست 2010 میں لارڈز کے گراونڈ پر کھیلا تھا۔ محمد عامر نے ون ڈے ڈیبیو بھی سری لنکا کے خلاف 30جولائی 2009کو کیا، ون ڈے میں ان کی وکٹوں کی تعداد 25ہے۔ انہوں نے 15ون ڈے میچوں میں پاکستان کی نمائندگی کی۔ کیریئر کا آخری ون ڈے انڈیا کے خلاف دمبولا 19جولائی 2010 کو کھیلا تھا۔ فاسٹ بولر محمد عامر نے اپنے ٹی ٹوئنٹی کیریئر کا آغاز ٹی ٹوئنٹی ورلڈ کپ 2009میں انگلینڈ کے خلاف میچ سے کیا۔انہوں نے 18ٹی ٹوئنٹی میچوں میں 23وکٹیں حاصل کررکھی ہیں۔ عامر نے 28فرسٹ کلاس میچوں میں 120وکٹیں حاصل کررکھی ہیں۔ محمد عامر کو اس وقت مقبولیت ملی جب ان کا موازنہ وسیم اکرم کے ساتھ کیا جانے لگا۔
سلمان بٹ، محمد آصف اور محمد عامر کے خلاف سزائیں سخت ضرور ہیں لیکن اگلی نسل ان سخت سزاوں سے سبق حاصل کرے گی۔ آئی سی سی کے پاس ٹھوس شواہد تھے۔ ان کھلاڑیوں نے غلط حرکتیں کرکے اپنی زندگیاں خراب کرلی ہیں، باصلاحیت کھلاڑیوں نے اپنا سب کچھ ختم کرلیا۔ کھلاڑیوں نے غلط کام کرکے اپنے کیریئر ختم کرلئے ہیں، تینوں باصلاحیت کھلاڑی ہیں لیکن ان سزاوں کے ذریعے یہ پیغام بھی دیا گیا ہے کہ کرکٹ صاف ستھری کھیلنی چاہئے، کھلاڑیوں کیلئے ایک اور مشکل فیصلہ یہ ہے کہ انہیں اسکاٹ لینڈ یارڈ کے الزامات کا بھی سامنا ہے۔ محمدعامر کا سب سے زیادہ افسوس ہوا ہے، محمدعامر وسیم اکرم کے نقش قدم پر چل رہا تھا،شائقین اس کیلئے نرم گوشہ رکھتے تھے لیکن کھلاڑیوں کی حرکتیں ان کو لے ڈوبیں۔ محمد عامر کو کم سزا ملنی چاہئے تھی یا اس کو معافی دی جاسکتی تھی۔
پاکستانی کرکٹرز کو سزا دیکر آئی سی سی نے دنیا بھر کے کھلاڑیوں کو سخت وارننگ دی ہے اور واضح پیغام دیا ہے کہ کوئی بھی غلط کام کرے گا تو اس کو معافی نہیں ملے گی۔ یہ سزائیں پاکستان کرکٹ پر دھبہ ہیں اور مسائل میں گھری پاکستان کرکٹ کے لئے ایک اور دھچکہ ہے، اس سے پاکستانی کرکٹ مزید پستی کی طرف جائے گی، امید ہے کہ ان سزاوئں سے کھلاڑی سبق حاصل کریں گے، اس سے پاکستان کرکٹ کے ساتھ ساتھ عالمی کرکٹ سے بھی کرکٹ کرپشن کی لعنت ختم ہوگی۔(یو ٹی این)
(مضمون نگار سے 09873709977یا naseem987@yahoo.co.in سے رابطہ کیا جا سکتا ہے)

For news in Urdu visit our page : Latest News, Urdu News

رتن ٹاٹا نے کے ایف 18سوپر ہارنیٹ اڑایا

2011-02-12T22:19:00.000+05:30

بنگلور: ٹاٹا گروپ کے چیر مین رتن ٹاٹا نے جمعرات کو جدید ترین جنگی طیارہ بوئنگ کے ایف 18سوپر ہارنیٹ اڑایا۔ ایرو انڈیا 2011پروگرام سے وابستہ افسروں کا کہنا ہے کہ رتن ٹاٹا نے ایف 18اڑانے کے لیے امریکہ میں قائم بوئنگ ہیڈ کوارٹر سے اجازت مانگی تھی۔ٹاٹا نے جمعرات کو 11بجے اس بہترین جنگی طیارے کو اڑایا۔ذرائع کا کہنا ہے کہ رتن ٹاٹا ایف 18کے بہت شوقین ہیں۔ ٹاٹا نے اس خاص موقع کے لیے بہت محنت کی تھی۔چونکہ اس طیارے کو اڑانے کے لیے قد کے مطابق وزن ہونا چاہئے اس لیے ٹاٹا نے خود کو فٹ رکھنے کے لیے دو مہینے تک خوب ورزش کی۔ اس کے علاوہ 1900کلو میٹر فی گھنٹے کی رفتار سے اڑنے والے اس خاص طیارے میں دل کا دورہ پڑنے کا بھی امکان رہتا ہے۔ رتن ٹاٹا اپنے دل کی دھڑکنوں کو بھی قابو میں رکھنے کے تمام مشوروں پر سختی سے عمل کر رہے تھے۔رتن ٹاٹا اس سے پہلے 2007میں بھی ایف 18اڑا چکے ہیں۔ان کے ساتھی پائلٹ 36سالہ ٹوڈ نیلسن نے کہا کہ ٹاٹا نے بہت شاندار طریقہ سے طیارے کو کنٹرول کیا۔ انہوں نے طیارے کو اڑانے میں بہت لطف محسوس کیا اور طیارے کے کاک پت انہیں بہت پسند آیا۔ٹاٹا نے یہ طیارہ 10000فٹ کی بلندی پر اڑایا ۔ نیلسن نے مزید کہا کہ پرواز کے دوران ہم دونوں ایک دوسرے سے بات چیت بھی کرتے رہے۔نیلسن نے بتایا کہ ٹاٹا نے تقریباً آدھے گھنٹے تک طیارہ اڑایا۔

Read In English

For news in Urdu visit our page : Latest News, Urdu News

بنائیک سین کی درخواست ضمانت مسترد

2011-02-12T22:17:00.000+05:30

نئی دہلی : چھتیس گڑھ ہائی کورٹ نے شہری حقوق کی لڑائی لڑنے والے ڈاکٹر بنائیک سین کی درخواست ضمانت مسترد کر دی۔ ریاستی حکومت نے ان کے ماﺅ باغیوں کے ساتھ تعلقات کی بنیاد پر ان کی ضمانت کی مخالفت کی تھی۔سین کو24دسمبر کو بغاوت اور ماﺅ نظریات کے حامل نرائن سانیال سے تعلق رکھنے پر عمر قید کی سزا سنائی گئی تھی اس وقت وہ رائے پور کی جیل میں ہیں۔ چھتیس گڑھ حکومت کی نمائندگی کرتے ہوئے ایڈیشنل ایڈوکیٹ جنرل کشور بھدوڑی نے جسٹس ٹی پی شرما اور جسٹس آر ایل جھنوار پر مشتمل بنچ سے کہا کہ سین کے ماﺅ باغیوں سے گہرے روابط ہیں۔ انہوں نے کہا کہ ان کے قبضہ سے جو دستاویزات برآمد ہوئی ہیں اور جو ثبوت ملے ہیں وہ انہیں مجرم ثابت کرنے کے لیے کافی ہیں لہٰذا خصوصی عدالت نے جو سزا سنائی ہے اسے برقرار رکھا جائے۔ وکیل استغاثہ نے کہا کہ یوں تو پیشہ کے اعتبار سے سین ایک ڈاکٹر ہیں لیکن ان کی رہائش گاہ کی تلاشی کے دوران بجائے اسٹیتھسکوپ ،نسخے، طب سے متعلق کاغذات یا عام طور پر ڈاکٹروں کے زیر استعمال رہنے والی اشیا ملنے کے بجائے ماﺅ باغیوں سے تعلقات ثابت کرنے والی دستاویزات و دیگر ثبوت ملے ہیں۔

Read In English

For news in Urdu visit our page : Latest News, Urdu News

Mobile radiation is dangerous

2011-02-08T13:42:00.001+05:30

The speculative fears of mobile phones being a danger to health in the long run, seem to be coming true. A latest government study talks about the harmful effects of not just using mobile phones but also the radiation from mobile phone towers.

A Times of India report states that -
Radiation from mobile phones and towers poses serious health risks, including loss of memory, lack of concentration, disturbance in the digestive system and sleep disturbances, according to an inter-ministerial committee formed by the ministry of communications and information technology to study the hazards posed by mobile phones.

One India also reported that the damages may not be lethal for humans, but they worse for birds and insects as well. The committee has attributed the radiation effects to the disappearance of butterflies, bees, insects and sparrows.

The government report also says that mobile towers should not be installed near high density residential areas, schools, playgrounds and hospitals. "The localized SAR value as per the Indian guidelines standard is 2 watt per kg, averaged over a six minute period and using a 10 gram average mass. With higher SAR values of mobile handsets the public could potentially receive much higher radiofrequency exposure. We have recommended that SAR levels to be lowered down to 1.6 watt/kg, as prescribed by the Federal Communication Commission of US," said a member.

The eight-member committee, which included representatives from the health ministry, department of biotechnology and member secretary, DoT, has recommended that mobile phones not adhering to standard levels of specific absorption rate (SAR) - a measure of the amount of radiofrequency energy absorbed by the body while using a phone -- should be barred.

Member scientist, ICMR R S Sharma said that compared to Europeans, Indian cellphone users are more at risk for adverse affect of radiation due the country's hot tropical climate, low body mass index, and low fat content. "We have recommended amendment in the Indian Telegraph Act 1885 and rules so that only mobile handsets satisfying radiation standards should be permitted in the country," he said.

In another report, citizens are scared of the radiation from mobile tower in Andheri.
In the past five years, more than 15 housewives living in Sher-e-Punjab colony in Andheri (East) have suffered from various forms of cancer. Although there is no proof of a direct link, residents are drawing parallels between the appearance of the first cancer case and the installation of the first mobile phone tower in the society nearly seven years ago.
Based on a Hindustan Times report.

Neha Kumar, who has been studying the biological effects of mobile phone towers, said, All these women dont have any family history of cancer. Plus, all of them are within a certain radius of those mobile towers. All this is not a coincidence.

So how do we minimise the damage in view of such grave consequences.

The report adds -
While talking on mobile, keep calls short or send a text message (SMS). This advice should be especially relevant keeping in mind the children, adolescents and pregnant women said the report. The advice should be printed in the user manual by handset manufacturers.

Whenever possible, use cellphone when the signal quality is good. People having active medical implants should keep their cellphone at least 30 cm away from the implant said the report.

Many a times we find ourselves complaining of bad network in certain areas. Mobile companies raise towers at every nook and corner to beat each other at network coverage. Are we compromising our health for better mobile connections?

For news in Urdu visit our page : Latest Urdu News, Urdu News

عامر قصاب کی عذر داری پر فیصلہ 21فروری کو

2011-02-07T23:23:00.002+05:30

ممبئی : بامبے ہائی کورٹ ممبئی حملوں کے ملازم عامر اجمل قصاب کی سزائے موت پر 21فروری کو اپنا فیصلہ سنائے گی۔قصاب کی اس فیصلہ کے خلاف عذر داری پر تین مہینے تک سماعت کرنے کے بعد عدالت نے پیر کو فیصلہ کی تاریخ کا اعلان کیا۔تین ماہ تک دلائل سننے کے بعد 18جنوری 2011کو ہائی کورٹ نے سزائے موت کے خلاف عذر داری پر اپنا فیصلہ 7فروری تک کے لیے محفوظ کر لیا تھا۔ممبئی حملوں کو واحد زندہ بچ جانے والے مجرم عامر قصاب کو ذیلی عدالت نے پھانسی کی سزا سنائی تھی۔ واضح رہے کہ نومبر 2008میں قصاب اور اس کے ساتھیوں نے تین روز تک ممبئی شہر کو اپنے قبضہ میں رکھا تھا اور قتل عام مچایا تھا۔اس وقت قصاب ممبئی کی آرتھر رود جیل میں بند ہے۔قصاب کو مئی 2010کو پھانسی سنائی گئی تھی۔

Read In English

For news in Urdu visit our page : Latest News, Urdu News

لندن میں پرویز مشرف پر جوتے پھینکے گئے

2011-02-07T23:22:00.002+05:30

لندن: یہاں پاکستان کے سابق صدر جنرل پرویز مشرف پر ایک پروگرام کے دوران جوتے پھینکے گئے۔بتایا جاتا ہے کہ پرویز مشرف یہاں کے والٹ ہیمز ٹاﺅن میں ایک پروگرام میں اپنے دور اقتدار کی داستان سنا رہے تھے کہ اسی دوران ایک شخص نے مشرف کی جانب جوتا اچھالا اور پھر ایک دوسرے شخص نے بھی ان پر جوتا پھینکا ۔ لیکن دونوں کے نشانے چوک گئے اور مشرف کو جوتے نہیں لگے۔ یہ جوتے اگلی صف میں جا کر گرے اور ڈائس تک نہیں پہنچ سکے ۔جوتے پھینکنے کے بعد ان دونوں نے ڈاکٹر عافیہ صدیقی کے نام کے نعرے لگائے۔ جیسے ہی ہنگامہ مچا سیکورٹی گارڈز اندر داخل ہو گئے اور اور جوتے مارنے والوں کو پکڑ کر باہر لے گئے۔یہ پروگرام پرویز مشرف کی پارٹی آل پاکستان مسلم لیگ کے زیر اہتمام ہو رہا تھا جس میں تقریباً ڈیڑھ ہزار لوگ موجود تھے۔جوتے پھینکنے والے ایک شخص نے کہا کہ گارڈ نے اس کو زد و کوب کیا ہے۔ اس بات کا شک کیا جا رہا ہے کہ جوتے پھینکنے والے دونوں افراد برطانیہ میں ممنوعہ المجاہدین نام کی تنظیم سے وابستہ ہیں۔ اس واقعہ پر شدید رد عمل ظاہر کرتے ہوئے مشرف نے کہا کہ وہ دونوں ان کے قریب آئے ہوتے تو وہ انہیں تھپڑ رسید کرتے۔اپنی تقریر کے دوران مشرف نے پاکستان مسلم لیگ ۔ ن کے لیڈروں پر سخت تنقید کی۔پاکستان کے کسی موجودہ یا سابق صدر پر جوتے پھینکنے کا یہ کوئی پہلا واقعہ نہیں ہے ۔ اس سے پہلے موجودہ صدر آصف علی زرداری پر بھی اگست 2010میں اسی طرح اس وقت جوتا پھینکا گیا تھاجب وہ برطانیہ میں ایک ریلی سے خطاب کر رہے تھے۔پرویز مشرف نے 1999میں پر امن انقلاب کے بعد اقتدر سنبھالا تھا اور 9سال تک بر سر اقتدار رہے اور پاکستان چھوڑ گئے ۔ اب وہ لندن میں مقیم ہیں۔

Read In English

For news in Urdu visit our page : Latest News, Urdu News

ملیشیا میں مصر جیسے حالات پیدا کرنے کی کوشش نہ کی جائے: نجیب تن رزاق

2011-02-07T23:07:00.000+05:30

میری: ملیشیا کے وزیر اعظم نجیب تن رزاق نے اپوزیشن کو انتباہ دیا ہے کہ وہ ملک میں اقتدار پر زبردستی قبضہ کرنے کے لیے مصر جیسے مظاہرے کرنے کی کوشش نہ کرے۔انہوں نے میری میں چینی سال نو کے موقع پر کہا کہ اپوزیشن یہ نہ سوچے کہ جو کچھ مصر میں ہو رہا ہے یہاں بھی ہونا چاہئے۔حکومت یہاں ہر گز ایسا نہیں ہونے دے گی۔مصر میں گذشتہ 15روز سے حسنی مبارک اور ان کی سرکار کے خلاف مظاہرے ہو رہے ہیں اور اخوان المسلمون سمیت تمام اپوزیشن پارٹیوں نے مذاکرات کے دوران سیاسی اصلاحات سمیت جتنی بھی تجاویز تھیں سبھی کو مسترد کر دیا۔بلکہ انہوں نے ملک کی اس طاقتور شخصیت حسنی مبارک کی برطرفی کی اپنی مہم میں اور شدت پیدا کر دی۔دریں اثنا مصر کی میڈیکل تعلیم کے ملیشیا میں موجود ایجنٹ میدک میسر مقامی یونیورسٹی سے اس بات پر تبادلہ خیال کر رہے ہیں کہ ان کے 1000میڈیکل طلبا کو وہاں امتحان دینے کی اجازت دے دی جائے تاکہ ان کا تعلیمی سال برباد نہ ہو۔

Read In English

For news in Urdu visit our page : Latest News, Urdu News

ملیشیائی اپوزیشن ممبر پارلیمنٹ کے خلاف فرد جرم

2011-02-07T23:05:00.000+05:30

کوالا لمپور (ملیشیا) : کولالمپور کے ایک وکیل این سریندرن نے بتایا ہے کہ ملیشیا کے ایک اپوزیشن ممبر پارلیمنٹ کے خلاف اپنے بلاگ میں شاہی خاندان کے ایک فرد کی توہین کرنے پر سرکشی کی فرد جرم عائد کی گئی ہے۔اس وکیل نے کہا کہ شعیمی شفیع کے خلاف اگر جرم ثابت ہو جاتا ہے تو اسے زیادہ سے زیادہ تین سال کی سزا سنائی جا سکتی ہے۔شہیمی پر الزام ہے کہ اس نے 30دسمبر کو اپنے بلاگ میں ایک اسٹیٹ سیکریٹری کے عہدے کے لیے سرکاری طورپر مقرر کیے گئے امیدوار کو چیلنج کر کے ملک کے بادشاہ کی توہین کی تھی۔سشیمی کی عدالت میں پیشی کے بعد ان کے ساتھیوں نے کہا کہ یہ سیاسی رنجش ہے اور ان کے خلاف اس کارروائی کے پس پشت سیاسی محرک کار فرما ہے۔جس کا واحد مقصد اپوزیشن کو ہراساں و خوف زدہ کرنا ہے۔

Read In English

For news in Urdu visit our page : Latest News, Urdu News

سوزوکی کمپنی نے مصر میں اپنی کاروں کی پروڈکشن پھر شروع کر دی

2011-02-07T22:44:00.003+05:30

ٹوکیو: جاپان کی سوزوکی موٹر کمپنی نے کہا ہے کہ اس نے مصر میں ایک ہفتہ سے جاری خونریز حکومت مخالف مظاہروں کی وجہ سے ایک ہفتہ تک کاروں کی جو پروڈکشن روک دی تھی اب پھر شروع کر دی ہے۔کمپنی کے ایک ترجمان نے کہا کہ 30جنوری سے اس مشترکہ پلانٹ میں کاروں کی پروڈکشن معطل تھی ۔ یہ پلانٹ جنوبی قاہرہ میں جیزا مقام پر ہے جہاں ہر سال 7500کاریں تیار ہوتی ہیں۔تاہم ترجمان نے ک مصر کے اس بحران سے کمپنی پر پڑنے والے ممکنہ اثرات کے بارے میں کہا کہ اس سلسلہ میں انہیں کوئی معلومات نہیں ہیں۔نیساں کاریں بنانے والی کمپنی کا بھی پلانٹ جیزا میں ہی ہے لیکن وہاں کاروں کی پروڈکشنپیر کو بھی معطل رہی۔15روز ہ مظاہروں اور اس دوران متحارب گروہوں کے درمیان جھڑپوں میں 300افراد کی ہلاکت کے بعد حسنی مبارک پر دباﺅ بڑھتا جا رہا ہے کہ وہ افہام و تفہیم کی راہ اختیار کر کے اقتدار کی منتقلی کے عمل کو آسان بنائیں۔

Read In English

For news in Urdu visit our page : Latest News, Urdu News

مذاکرات پراپوزیشن کے اظہار عدم اطمینان سے مبارک مزید پریشانیوں میں گھرے

2011-02-07T22:44:00.000+05:30

قاہرہ:مصر کے صدر حسنی مبارک کے اقتدار کے لیے سب سےبڑا خطرہ حزب اختلاف نے یہ کہہ کر حسنی مبارک پر فوری مستعفی ہو جانے کا دباﺅ اور بھی بڑھا دیا کہ مذاکرات میں دی گئی مراعات ناکافی ہیں۔حکومت مخالفین کے مظاہرے کے 14ویں روز بھی میدان التحریر مظاہرین سے کھچا کھچ بھرا ہے ۔ احتجاجیوں کا کہنا ہے کہ اپوزیشن گروپوں کے ساتھ مذاکرات مسٹر مبارک کو اقتدار سے بے دخل کرنے کی ان کی مہم کو راستہ سے نہیںبھٹکا سکتی۔ امریکی صدر بارک اوبامہ نے کہا کہ مصر میں ہمیشہ کے لیے ایک تغیر آگیا ہے اور عوامی حکومت کا قیام عمل میں آنا چاہئے لیکن حسنی مبارک کو فوری طور پر مستعفی ہو جانے کو نہیں کہا۔یہ معلوم کیے جانے پر کہ مسٹر مبارک کب مستعفی ہوں گے، مسٹر اوبامہ نے کہا کہ صرف وہی جانتے ہیں وہ اس سلسلہ میں کیا کریں گے ہم تو صرف اتنا جانتے ہیں کہ مصر میں اب پرانی صورت حال واپس نہیں آسکتی۔ مبارک دوبارہ الیکشن نہیں لڑیں گے اور اس سال ان کی صدارتی عہدے کی میعاد ختم ہو جائے گی۔نائب صدر عمر سلیمان نے اپوزیشن گروپوں کے ساتھ اتوار کو مذاکرات کیے لیکن فوری طور پر نہ توکو ئی نتیجہ بر آمد ہوا اور نہ ہی تعطل ٹوٹا۔ اس بات چیت میں اخوان المسمون کے لیڈران بھی موجود تھے۔

Read In English

For news in Urdu visit our page : Latest News, Urdu News

امریکہ پاکستان کے بغیر بھی افغان جنگ جیت سکتا ہے: ڈپٹی کمانڈر

2011-02-03T00:05:00.003+05:30

کابل: افغانستان میں امریکی فوج کے ڈپٹی کمانڈر لیفٹننٹ جنرل ڈیوڈ روڈرکس نے کہا ہے کہ اگر پاکستان اپنی سرزمین پر واقع انتہا پسندوں کو ٹھکانوں کو ختم نہ بھی کرے تو کوئی فرق نہیں پڑتا اور امریکہ اس کے بغیر بھی افغان جنگ جیت سکتا ہے۔انہوں نے کہا کہ پاکستان شمال مغربی سرحد پر بڑی موثر کارروائی کی ہے لیکن شمالی وزیرستان میں اسے ابھی بہت کچھ کرنا ہے۔القاعدہ اور طالبان کو پاکستان کی جانب سے دی جانے والی حمایت اور امداد کی وجہ سے مغربی ممالک پاکستان پر سخت نکتہچیں ہیں۔انہوں نےشمالی وزیرستان میں انتہا پسندوں کے ٹھکا نوں کی مسلسل موجودگی کے حوالے سے کہا کہ ان کے ذہن میں کوئی مشن اسٹاپر نہیں ہے۔امریکہ چاہتا ہے کہ پاکستان مزید کچھ کرے اور اس سلسلہ میں اس کی اس لئے حوصلہ افزائی کی جارہی ہے کیونکہ اس سے ہم جو کچھ کرنا چاہتے ہیں وہ ہمارے لئے آسان ہو جائے گا۔انہوں نے مزید کہا کہ اب بھی کیا جا سکتا ہے اور اب تک پاکستان جو کچھ کر چکا ہے وہ کافی اہم ہے۔امریکہ کافی عرصہ سے اس بات سے کافی پریشان ہے کہ پاکستان اپنے قبائلی علاقوں میں سرگرم انتہا پسندوں کی سر کوبی کے لئے کچھ نہیں کر رہا۔

Read In English

For news in Urdu visit our page : Latest News, Urdu News

حسنی مبارک نے ستمبر میں اقتدار سے دستبردارہونے کا اعلان کیا

2011-02-03T00:05:00.000+05:30

قاہرہ: مصر کے صدر حسنی مبارک نے حکومت مخالف عوامی احتجاج کے سامنے کافی حد تک گھٹنے ٹیکتے ہوئے منگل کی شب اعلان کیا کہ وہ ستمبر میںانتخابات کے بعد اقتدار سے دستبردار ہو جائیں گے۔ لیکن بلا لحاظ مسلک، فرقہ و جماعت و رنگ و نسل لاکھوں کی تعدا میں دارالحکومت کے طاہر چوک پر جمع ہو کر حکومت کے خلاف اتحاد کا مظاہرہ کرنے والوں کے لئے یہ یقین دہانی کافی نہیں ہے اور ان کا احتجاجی مظاہرہ جاری رہا۔رات دیر گئے امریکی صدر بارک اوبامہ نے بھی کہا کہ مسٹر مبارک کی یہ پیشکش کافی نہیں ہے بلکہ مصر میں اقتدار کی منتقلی ابھی اور اسی وقت سے شروع ہو جانی چاہئے۔مسٹر اوبامہ نے مسٹر مبارک کے اعلان سے کچھ ہی دیر قبل انہیں فون کر کے کہا تھا کہ مصر میں تیزی کے ساتھ اقتدار کی منتقلی ہونی چاہئے۔مسٹر مبارک نے یہ اعلان طاقتور مصری فوج کی جانب سے بتدریج ختم ہوتی حمایت اور مزید برسر اقتدار نہ رہنے کے لئے امریکہ کی تلقین کے مدنظر اپنی دس منٹ کی تقریر کے دوران کیا۔ اپنی جذباتی تقریر میں انہوں نے ستمبر کے صدارتی انتخابات تک عہدے پر برقرار رہنے کی خواہش کا اظہار کرنے کے ساتھ ساتھ یہ بھی کہا کہ وہ کبھی مصر سے نہیں جائیں گے اور مصر میں ہی رہنا چاہتے ہیں۔مسٹر مبارک کا یہ اعلان احتجاجیوں کے لئے کوئی معنی نہیں رکھتا کیونکہ ان کا تو یہ مطالبہ ہے کہ ایک تو صدر مبارک فوری طور پر کرسی صدارت چھوڑ دیں اور ان پر مقدمہ بھی چلایا جائے۔ ان کے اس اعلان سے احتجاجیوں کا ان کے خلاف جوش اور بڑھ گیا جو مصر کی عصری تاریخ میں اب تک کے سب سے بڑی بغاوت میں بڑی شدت سے آگ بھڑکانے کا سبب بن جائے گا۔اس وقت پوری عرب دنیا احتجاجی نعروں سے سے گونج رہی ہے اور تیونیشیا امریکی حمایت والی حکومتوں کے خلاف مظاہروں کا پہلا شکار بنا ہے۔ یمن میں بغاوت کی چنگاری سلگ رہی ہے اور اردن نے بھی پیشگی اقدامات شروع کر دیے ہیں تاکہ عوامی احتجاج سے پہے ہی وہاں ایک نئی حکومت قائم ہو جائے جو سیاسی اصلاحات کرے۔

Read In English

For news in Urdu visit our page : Latest News, Urdu News

لندن میں پہلی ایشیائی خاتون پولس افسر کی یادگار قائم کی جانی چاہئے

2011-02-03T00:01:00.002+05:30

لندن : برطانیہ کی پہلی ایشیائی خاتون پولس افسر کی38ویں برسی کے موقع پر ایک یادگار قائم کرنے کے لئے ہر طرف سے مطالبے شروع ہو گئے ہیں۔ کرپال کور سندھو نے 40سال قبل یکم فروری کو ہی لندن کی میٹروپولیٹن پولس میں شمولیت اختیار کی تھی۔1971میں کرپال کور کا خواب شرمندہ تعبیر ہوا لیکن دوسال بعد ہی دو بچوں کی ماںکی اس کامیاب زندگی کا اس وقت بڑے دلخراش انداز میں خاتمہ بھی ہو گیا جب ان کے شوہر نے ان کے کیریر پر اعتراضکرتے اور یہ کہتے ہوئے ان کا بے رحمی سے قتل کر دیا کہ یہ ملازمت ایشیائی لوگوں اور عورتوں کے لائق نہیں ہے۔بعد میں ان کے شوہر کو عمر قید کی سزا سنائی گئی۔ان کے حامیوں نے کہا کہ ان کی یاد اس لئے منائی جانی چاہئے کیونکہ وہ ایک محب وطن تھیں اور اپنی اس ملازمت کی خاطر ہی انہیں اپنی جان قربان کرنی پڑی۔ میٹروپولیٹن پولس سکھ ایسوسی ایشن کے ڈسٹرکٹ سارجنٹ گورپال ویردی نے کہا کہ وہ ڈ یوٹی انجام دیتے ہوئے ختم ہوئی ہیں اور انہیں اس وقت قتل کیا گیا جب وہ ڈیوٹی کر کے اپنے گھر واپس جا رہی تھیں ۔سارجنٹ گورپال نے کہا کہ انہوں نے ان کی سوانح حیات پر بہت محنت کی ہے اور جب انہوں نے کرپال کور کے حالات زندگی پر ریسرچ کی تو ان کی بے مثال کامیابیاں دیکھ اور سن کر بھونچکا رہ گیا۔ وہ نہ صرف لندن میں بلکہ پوری دنیا میں پہلی ایشیائی خاتون پولس افسر تھیںکیونکہ کرن بیدی بھی ، جو ہندوستان میںپہلی خاتون افسر بنی تھیں ،1972میں بنی تھیں۔ یہ بھی حسین اتفاق ہے کہ دنیا میں پہلی اور دوسری خاتون پولس افسران نہ صرف ہندوستانی تھیں بلکہ سکھ بھی تھیں۔گورپال نے کہا کہ دنیا بھر میں ایشیائی خواتینکا سر بلند کرنے اور ایشیائی برادری کی تاریخ میں ایک نئے باب کا اضافہ کرنے والی اس خاتون پولس افسر کو یہ ملازمت کرنے میں کافی مخالفتوں کا سامنا کرنا پڑا۔ نہ تو ان کے شوہر اس کے لئے راضی تھے اور نہ ہی ان کے گھر والے یہ پسند کرتے تھے کہ وہ پولس افسر بنیں۔

Read In English

مظاہرین نے حسنی مبارک کی تقریر مسترد کر دی

2011-02-02T23:49:00.002+05:30

قاہرہ: مصر میں حکومت مخالف مظاہرین نے صدر حسنی مبارک کے فوری طور پر مستعفی ہونے کا مطالبہ کرتے ہوئے ان کی یہ تقریر مسترد کر د ی جس میں انہوں نے کہا تھا کہ وہ ستمبر کے صدارتی انتخابات میں امیدوار نہیں ہوں گے اور اقتدار سے دستبردار ہو جائیں گے۔مسٹر مبارک نے منگل کی شبتقریر کرتے ہوئے کہا تھا کہ وہ ستمبر کے صدارتی چناﺅ کے بعد اقتدار سے دست بردار ہو جائیں گے۔گذشتہ ہفتہ سے جاری حکومت مخالف مظاہروں کے آٹھویں روز منگل کو وہ زبردست ملین مارچ ہوا جس نے حسنی مبارک کو پوری طرح سے ہلاکر رکھ دیا ہے۔ادھر امریکی صدر بارک اوبامہ نے بھی کہا ہے کہکہ فوری طور پر بہت قرینے کے ساتھ اقتدار کی منتقلی ہو جانی چاہئے۔اپنے ایک بیان میں انہوں نے کہا کہ اس عمل میں امریکہ مصر سے ہر ممکن تعاون کرنے میں خوشی محسوس کرے گا۔

Read In English

For news in Urdu visit our page : Latest News, Urdu News

مودی وزارت میں توسیع،6نئے وزیر شامل

2011-02-02T23:48:00.000+05:30

گاندھی نگر: گجرات کے وزیر اعلیٰ نریندر مودی نے اپنی وزارتی کونسل میں توسیع کرتے ہوئے 6نئے وزیروں کو شامل کیا ہے۔معلوم ہوا ہے کہ مودی کابینہ میں راجکوٹ سے مہوہن کندریا، سورت سے رنجیت گلت والا، ودودرہ سے جیتو سکھاڈیہ، لیل دھر واگھیلا، جے درتھ پرمار اور ایشور پٹیل کو جگہ دی گئی ہے۔نئے وزیروں کو ابھی قلمدان نہیں دیے گئے ہیں۔ قلمدانوں کی تقسیم پر شام تک کوئی فیصلہ ہو سکتا ہے۔وزارت میں اس توسیع کے ساتھ ہی مودی وزارت میں وزیروں کی تعداد بڑھ کر 27ہو گئی ہے۔

Read In English

For news in Urdu visit our page : Latest News, Urdu News

اے راجا گرفتار

2011-02-02T23:43:00.000+05:30

نئی دہلی : اسپیکٹرم گھپلے میں ملوث سابق مرکزی وزیر برائے مواصلات اے راجا پر گرفتاری کی جو تلوار رہی تھی آخر کار ان پر گر ہی پڑی اور سی بی آئی نے انہیں گرفتار کر لیا۔بدھ کو بھی سی بی آئی نے نئی دہلی میں اے راجہ سے چوتھی بارپوچھ تاچھ کی ۔ 2جی اسپیکٹرم گھپلے کے سلسلہ میں سی بی آئی پہلے ہی کئی ان لوگوں کے دفاتر و رہائش گاہوں پر چھاپے مار چکی ہے جو اس گھپلے میں ملوث ہیں۔ آج کی پوچھ تاچھ کے بعد سی بی آئی نے کہا تھا کہ راجا کے خلاف کیس بہت مضبوط ہے اور انہیں کسی بھی وقت گرفتار کیا جا سکتا ہے۔حالات جس طرح کروٹیں لے رہے ہیں اس سے یہی محسوس ہوتا ہے کہ سی بی آئی نے اپنی تفتیش میں تیزی لانے کا فیصلہ کر لیا ہے۔اور وہ جلد ہی اس معاملے کو حل کرنا چاہتی ہے۔ وزیر مواصلات کپل سبل کے ذریعہ تشکیل دی گئی جسٹس شیو راج پاٹلکمیٹیکی رپورٹ میں کہا گیا ہے کہ اے راجا اور محکمہ مواصلات کے کچھ افسروں نے 2جی اسپیکٹرم الاٹ کرنے میں ضابطوں کی خلاف ورزی کی تھی۔سی اے جی نے اپنی رپورٹ میں کہا تھا کہ ان بے ضابطگیوں کی وجہ سے سرکاری خزانے کو پونے دو لاکھ کروڑ روپے کا نقصان ہوا تھا۔سیاسی حلقوں میں یہ قیاس آرائی کی جارہی ہے کہ راجا بدھ کی شام تک گرفتار کئے جا سکتے ہیں۔سی بی آئی نے اس گھپلے کے افشا ہونے کے بعد اپنی تفتیش کے دوران اے راجا کی دہلی اور چینئی میں واقع دفاتر اور رہائش گاہوں پر بھی چھاپے مارے تھے۔سی بی آئی نے پاٹل رپورٹ کی روشنی میں پیر کو بھی اے راجا سے پوچھ گچھ کی تھی۔ منگل کو سی بی آئی نے راجا کے بھائی اے کالیہ پیرومل اور راجا کے ایک قریبی ساتھی سے بھی پوچھ تاچھ کی تھی۔

Read In English

ایران مصری عوام کے ساتھ ہے: علی اکبر صالحی

2011-02-02T23:06:00.002+05:30

تہران : ایران نے مصر اور تیونیشیا کے عوام کی اپنے حکمرانوں کے جبر و استبداد کے خلاف تحریک کو سراہا اور ان کی صدائے احتجاج کو حق بجانب قرار دیا۔ایران کے وزیر خارجہ علی اکبر صالحی نے کہا کہ تیونیشیائی اور مصری عوام نے ثابت کر دیا ہے کہ خطہ میں مہم جوئی اور عالمی طاقتوں کے وہاں کنٹرول کا دور تمام ہوا اور عوام اب اپنی قسمت کا فیصلہ خود کرنا چاہتے ہیں۔انہوں نے کہا کہ ان ملکوں میں عوامی مظاہرے خطہ میں ترقی کی ضرورت کی جانب اشارہ کرتے ہیں اور غیر جمہوری نظام کا خاتمہ چاہتے ہیں۔صالحی نے یہ بھی کہا کہ دنیا کے تمام آزادی کے متوالوں کے ساتھ ایران بھی مصری عوام کی جدو جہد اور تحریک کی حمایت کرتا ہے اور اس جدو جہد میں اپنی جانیں قربان کردینے والوں کو خراج عقیدت اور ان کے لواحقین سے اظہار ہمدردی و تعزیت کرتا ہے۔

Read In English

For news in Urdu visit our page : Latest News, Urdu News

دارالعلوم کا آشوب اور ایمان کے تقاضے

2011-02-02T23:05:00.002+05:30

سید منصور آغا
مولانا غلام محمد وستانوی سے منسوب ایک بیان پر، جسے یگنیش مہتہ نام کے ایک رپورٹر نے خبر بنایا اور ٹائمز آف انڈیا نے چھاپاہے، بعض ’قاسمی‘ حضرات نے جو آشوب اٹھایا ہےاس پرمجھے 16ویں صدی کے معروف عالم، فقیہ ، مفسر اوربرگزیدہ ہستی شیخ احمد رحیم اللہ ملا جیون ؒامیٹھوی کا ایک واقعہ یاد آگیاجو جامعة الرشاد اعظم گڑھ کے ترجمان ’الرشاد ‘ میںاس کے بانی مدیر مولانا مجیب اللہؒندوی کی زندگی میں شائع ہوا تھا ۔ مولانا بلند پایہ ثقہ عالم تھے ۔ مولانا سید ابوالحسن علی میاں ندوی ؒان کے بڑے قدر دان تھے۔ اس واقعہ کو مولانا نعیم صدیقی ندوی نے قلم بند کیا اور اپنی کتاب ’ایمان کے تابندہ نقوش ‘ میں ’لیکن مسلمان جھوٹ نہیں بول سکتا ‘عنوان سے شامل کیا ہے۔مولانا نعیم مدظلہُ کا آبائی وطن قصبہ بوڑھانہ ہے۔ ان کی والدہ کیرانہ (ضلع مظفَّرنگر)سے تھیں۔ خود ان کی پرورش اعظم گڑھ میں ہوئی جہاں ان کے والد ماہ نامہ’ معارف‘ سے وابستہ تھے۔ مولانا کامسلکی تعلق علمائے دیوبند سے اور خاص تعلق حضرت تھانوی ؒکے خلیفہ اجل شاہ ابرارالحق حقی ؒسے ہے۔ وہ بڑے محتاط اہل قلم میں سے ہیں۔ یہ تعارف اس لئے لکھدیا کہ روایت کا مستند ہونا ظاہر ہوجائے۔
ملا جیونؒ ا ورنگ زیب عالم گیرؒ کے اتالیق تھے اور بادشاہ ان کی بڑی قدر کرتا تھا۔ عجب نہیں اورنگ زیب ؒمیں جو اوصاف حمیدہ تھے وہ ملاصاحب کی نظر کا ہی فیض ہوں۔ ان کی تصنیف ’نورالانوار‘ اصول فقہ کی مستند کتاب ہے۔یہ واقعہ اس وقت کا ہے جب وہ جونپور میں مقیم تھے ۔ ایک دن ان کا ایک شوخ شاگرد پریشان حال حاضر ہوا اور کہنے لگا حضرت آج تو غضب ہونے والا تھا۔ ملا صاحب نے تشویش کے ساتھ پوچھا کیا ہونے والا تھا۔طالب علم نے کہا یہ جو گومتی ندی پر پل ہے ، وہ بہت ناراض ہے۔ کہتا ہے کہ لوگ مجھے پامال تو کرتے ہیں مگر کوئی پوچھتانہیں، میں تو جونپور چھوڑکر جارہا ہوں۔ ملاصاحب نے پوچھا کہ پھر کیا ہوا؟ طالب علم نے کہا: حضرت وہ ایک سو روپیہ نذرانہ مانگتا ہے، میں اس کو بڑی مشکل سے روک کرآیا ہوں۔ نذرانہ نہ ملا تو چلا جائےگا۔ ملا صاحب نے فرمایا: یہ تو بہت بڑی رقم ہے،، تم اس کو کم پر راضی کرو۔ مکار طالب علم چلا گیا اور آکر بولا وہ پچاس روپیہ پر راضی ہے۔ ملاجیون ؒنے فرمایا یہ بھی بہت زیادہ ہے۔ الغرض کئی مرتبہ کے بعد طالب علم نے کہا دس روپیہ سے کم نہیں ہونگے۔ ملا صاحب نے کہا ہاںیہ ٹھیک ہے اور طالب علم کو دس روپیہ فراہم کردئے۔ طالب علم نے آن کر خوشخبری سنادی۔ پل راضی ہوگیا۔ ملا جیونؒ نے یہ واقعہ اس طالب علم کی موجودگی میںاپنی مجلس میں سنایا تو ایک شخص نے کہا: حضرت بھلا کہیںایساہوتا ہے،کیا آپ سمجھتے ہیں پل بھی اس طرح کی باتیںکرتا ہوگا؟ملا جیون ؒ نے فرمایا، ہاں بھائی یہ بات تو میں بھی سمجھتا ہوں مگر یہ کیسے یقین کرلوں کہ ایک مسلمان طالب علم اور جھوٹ بولے؟اس لئے میںنے طالب علم کو سچا جانا اوراپنے گمان کو غلط سمجھ لیا۔‘
آپ حیران ہونگے کہ اس واقعہ کا مولانا وستانوی کے معاملہ سے کیا تعلق ہے؟ملا جیون علیہ رحمہ کے علم دین اور ایمان کا تقاضا تو یہ تھا کہ ایک مسلمان کو، اس کے فریب کو بھانپتے ہوئے بھی، جھوٹا نہ کہیں اور اس کی بعید از قیاس بات کو بھی اس لئے قبول کرلیں کہ مسلمان ہے،جھوٹا نہیں ہوسکتا۔ اب یہ عالم ہے کہ طالب علم نہیں،ایک عالم دین ،جو اپنے کردار، گفتار اورعمل کی بدولت لاکھوں میں محترم ہے، ایک لاکھ ستر ہزار سے زیادہ ’مہمانان رسول‘ کا مربی و سرپرست، متعدد مدارس کا معاون اور نگراں، دارالعلوم دیوبند کی مجلس شورٰی کا ۲۱ سال رکن ہے ،جس نے خود کو ہمہ وقت قال اللہ اور قال رسول کا غلغلہ بلند کرنے،کرانے کےلئے وقف کردیا ہے ،یہ کہہ رہا ہے کہ اخبار میں اسکا بیان جس طرح شائع ہوا ہے،ہرگز اس کی منشاءوہ نہیںتھی، مگر دارالعلوم کے کچھ خود ساختہ پاسپانوں کااصرار ہے ، ہم تو نہیں مانیں گے۔ ہماری نظروں میں انگریزی اخبار اور اس کا رپورٹر یگنیش مہتہ توسچا ، پاکباز، خدا شناس ہے اور عالم فاضل مولانا وستانوی جھوٹا ہے۔ اب اگر خود چھوڑ کر نہیںجائیگا، تو فتنہ فساد کا مقابلہ کرنے کےلئے تیاررہے کہ ہم اسے ٹکنے نہیں دیں گے۔استغفراللہ۔دیکھئے کردار میںکیسا فرق آگیا ہے؟ ان واقعات کے پس منظر میں مذکورہ ’قاسمی ‘ حضرات کی روش پر جس قدر غور کیا جائے ، یہ بات سمجھ میںآتی چلی جاتی ہے کہ امت کے خلفشار اور انتشار کےلئے ہم خود کتنے ذمہ دار ہیں۔ اچھا ہوتا ، یہ صاحبان جو اپنی تصویروں کے ساتھ (جس کا کوئی جواز شرعی نہیں) اشتہارات شائع کروارہے ہیں وہ مولانا وستانوی کا محاسبہ کرنے کے بجائے خود اپنا احتساب کرتے۔
مولانا وستانوی سے ناراضگی کی تین وجوہ ظاہر کی جارہی ہیں۔ اول یہ کہ انہوں نے مبینہ طورسے مودی کی تعریف میںکچھ کلمات کہے دوسرے یہ کہ کسی تقریب میں ان سے کسی وزیرکو جوسپاس نامہ دلوایا گیا اس پر کسی دیوی دیوتا کی تصویر بھی تھی۔ تیسرا شوشہ یہ چھوڑا گیا ہے وہ باہر کے آدمی ہیں۔ اس میں کوئی شک نہیں کہ مودی کے راج میں اور گمان غالب یہ ہے کہ ان کی شہ پر مسلمانوںکا بدترین قتل عام ہوا۔انہوں نے وزیر اعلا کا’ راج دھرم‘ نبھانے کے بجائے ، سنگھ سے اپنی وفاداری اور سیوم سیوک کے دھر م کو ترجیح دی، جس کا مقصد وجود ہی مسلمانوں کا قتل و غارت ہے۔ مودی کے گجرات میںمسلمان آج بھی شدید مشکلات اور عصبیت سے دوچار ہیں۔ اس کا اعتراف کیا جانا چاہئے۔وستانوی صاحب نے بھی کیا ہے۔ لیکن گستاخی معاف یہ مودی کی شخصیت کا مہیب پہلو ہے۔ اس کی شخصیت کا ایک دوسرا پہلو اس کی انتظامی صلاحیت اور اس کے ترقیاتی کام ہیں۔ اگر کوئی شخص اس دوسرے پہلو کاذکر کرتا ہے تو اس پر آپے سے باہر ہوجانا اوراس کو جھوٹاکہنا قرین انصاف نہیں۔ یہ بات سمجھنے سے آج ہماری ملت اس لئے قاصر نظرآتی کہ ہم نے حیف صد حیف اللہ اور اس کے رسول کی رہنمائی سے روگردانی کو اپنے لئے جائز کرلیا ہے اور اپنے ہوائے نفس کو عین اسلام سمجھ لیا ہے۔
یہاں پھر سیرت رسولﷺ کا ایک زریںباب یاد آتا ہے۔ اوائل اسلام میں، جب ابھی مسلمانوں کی تعداد ۶۲ یا ۷۲ تھی ابو جہل اور عمر بن الخطاب کا شمار اسلام کے بدترین دشمنوں اور مسلمانوںکو اشد ترین اذیتیں پہنچانے والوں میں ہوتا تھا۔ البتہ ان کے کردار کا ایک پہلو ایسا بھی تھا کہ رسول اللہ ﷺ نے یہ دعا فرمائی : اللہم اعزالاسلام باحب ا لرجیلن الیک بعمر بن الخطاب اوبابی جہل بن ہشام“۔ (یعنی اے اللہ عمر بن خطاب یا ابو جہل بن ہشام میں سے جو تجھے پسند ہو، اس کو اسلام کی توفیق دے اور اس کے ذریعہ اسلام کو عزت و قوت عطا فرما)۔ ہمارے لئے اس دعا میں بڑی نصیحت ہے۔وہ نصیحت یہ ہے کہ دشمنوں کی دشمنی ہمیں ان کی شخصیت کے صالح پہلوﺅں کا منکر نہ بنادے۔ ہم ان کو کوسنے کے بجائے اسی صبر و تحمل اور بردباری پر چلنے کی کوشش کریں جس کے نقش آقائے نامدار نے ہمارے لئے چھوڑے ہیں۔ جناب عمر وہ شخص تھے جنہوں نے سب سے پہلے قتل رسول ﷺکا ارادہ کیا اور اعلان کے ساتھ کیا ۔اور جب وہ اللہ کے رسول کے قتل کے ارادے سے گھر سے نکلے اور شمشیر برہنہ دار ارقم پہنچے تو آپ نے کس کردار کا نمونہ پیش فرمایا ؟ ان کو دھتکار نہیںدیا ۔ بلکہ خود بڑھ کر ان کی پذیرائی کی اور سوال کیا : عمر کس ارادے سے آئے ہو۔‘کتب سیر میں یہ واقعہ تفصیل سے بیان ہوا ہے۔ رسول اللہ کے اس رویہ کا عمر پر کیا اثر ہوا؟ ان کے وجود میںلرزہ طاری ہوگیا اور انہوں نے خود کو اسلام کی خدمت کےلئے پیش کردیا۔ اللہ کی رحمت یوںجوش میں آئی کہ جو بدترین دشمن تھا وہ اسلام کی اور مسلمانوںکی طاقت بن گیا۔ہم نریندر مودی سے ہرگز خوش گمان نہیںہیں، البتہ اللہ کی مصلحت اور رحمت سے بدگمانی کو کفر سمجھتے ہیں۔ ہمارایمان ہے کہ ہرگز ہرگز رحمت الٰہی کے سوتے خشک نہیں ہوگئے ہیں۔ ابھی آپ نے دیکھا اللہ نے سوامی اسیمانند کے ضمیر کو کس طرح بیدارکیا ہے؟ہماری تو اللہ کے حضور یہ دعا ہونی چاہئے کہ کوئی دوسرا کلیم ہم میں پیداکر جو مودی کے مردہ ضمیر کو بھی اسی طرح جگادے۔ میں بہت ہی لجاجت کے ساتھ ان قاسمی حضرات سے، جو دارالعلوم میںشورش برپا کرنے پر آمادہ ہیں گزارش کرتا ہو ںکہ وہ اپنی روش کا محاسبہ کریں کہ آیا وہ سیرت رسول کا عکس پیش کرتی ہے یا ان بدبختو ں کا جن کی تلواریں حضرت عمر فاروقؓ، حضرت عثمان غنیؓورحضرت علیؓ کی خون سے آلودہ ہیں؟
سپاس نامے پر تصویر کا معاملہ واقعی سخت ہے۔ لیکن بخاری شریف کی پہلی ہی حدیث، جو حدیث قدسی بھی ہے اور ایمان اور اسلام کی جامع ترین تعریف پیش کرتی ہے، اسکے جزو: ’انما الاعمال بالنیات‘ کا کیا مطلب ہے؟ رسول اللہ ﷺ نے خود اس کی وضاحت فرمادی ہے۔ہم خانہ کعبہ کے سامنے کھڑے ہوکر نماز پڑھتے ہیں، اس کے آگے سجدہ ریز ہوتے ہیں۔ معترض جھوٹ کہتے ہیں کہ کعبہ کوسجدہ کیا۔ وہ صرف ظاہر پر قیاس کرتے ہیں، نیت کو نہیںدیکھتے۔ جو شخص پونے دولاکھ بچوںکو علم دین سے آراستہ کرنے میںلگا ہے، اس کے بارے میں بغیر شیطان کے ڈالے کسی کے دل میں یہ گمان کیسے سما سکتا ہے کہ ایک تصویر چھپا ہوا کاغذ ہاتھ میںلینے یا کسی کو دینے سے وہ شرک کا مرتکب ہوگیا؟مورتی کی پوجا کا بھی ایک ظاہرطریقہ ہے، جس کا اس واقعہ میںشائبہ تک نہیں۔تصویر چھپے کاغذوں کا لین دین توہم ہر وقت کرتے ہیں۔ ہر نوٹ پر کوئی نہ کوئی تصویر چھپی ہوتی ہے جن کو الگ کئے بغیر ہم نماز پڑھتے ہیں۔جو اخبار ہم خرید تے ہیں بسا اوقات اس میںبھی قابل اعتراض تصویر ہوتی ہے۔ کوئی نہیںسمجھتاکہ تصویر خریدنے یا گھر میںرکھنے کا مرتکب ہوگیا۔یقینا ایسے مواقع سے گریز کیا جانا افضل ہے۔ لیکن بسا اوقات ایسی صورتحال پیدا ہوجاتی ہے جس میں زیادہ سوچنے سمجھنے کا موقع نہیں ہوتا اور مروّت غالب آجاتی ہے۔ایسے مواقع پر مصلحتا گریز ( فقہ جعفریہ کے مطابق تقیہ)کی گنجائش ہوسکتی ہے۔ہمارا گمان یہ ہے کہ اگر مولانا وستانوی کو پہلے سے یہ معلوم ہوتا کہ سپاس نامہ پر کوئی قابل اعتراض تصویر چھپی ہے تو وہ کسی طرح اس سے بچنے کی راہ نکال لیتے۔ اب غیرارادی طور پرجو ہوگیا اس کو نظرانداز کیا جانا چاہئے ۔ اس سے ان کی انتظامی صلاحیتیں توزائل نہیں ہوگئیں، جس پر اسقدر ہنگامہ ہے۔
تیسرا اعتراض یہ ہے کہ مولانا وستانوی دیوبند ی نہیں ہیں۔ ہمیںاندیشہ ہے کہ یہ اعتراض نسلی اور خاندانی عصبیت کے اس زمرے میں سے ہے جس کی نفی اللہ کے رسولنے اپنے خطبہحجةالوداع میں کردی ہے۔ اگر کسی عربی کو کسی عجمی پر فضیلت نہیںتو کسی دیوبند ی فاضل کو کسی غیر دیوبندی پر فضیلت کیسے ہوسکتی ہے؟ یہ انداز فکرصریحاً اسلامی مزاج کے منافی ہے۔ مولانا وستانوی12 سال سے دارالعلوم کی شورٰی کے رکن کی حیثیت سے اس کے اہتمام سے وابستہ ہیں۔ فرق صرف اتنا ہوگیا ہے اب اس کے صدر نشین ہوگئے ہیں۔ اس پر اعتراض کا کوئی جواز نہیں۔یہ تصور بھی باطل ہے کہ دارالعلو م دیوبند کاانتظام و انصرام صرف ان لوگوںسے وابستہ رہنا چاہئے جو اس کے طالب علم رہ چکے ہیں۔ یہ ادارہ صرف دیوبندیوں یا قاسمیوںکی میراث نہیںہے بلکہ پوری ملت اسلامیہ کی امانت ہے۔چنانچہ اخلاقا ً ، قانوناً یہ دلیل گمراہ کن اور روح اسلام کے منافی ہے۔ سوال کیا جاسکتا ہے کہ جن قاسمی حضرات نے اخباروں میںاپنے پیسے خرچ کرکے اپنی تصویریںچھپوائیں اور اس طرح خود دارالعلوم کے فتوے کی پامالی کے مرتکب ہوئے، وہ اس کی روایتوں کے امین ہونے کا دعواکیونکر کرسکتے ہیں؟
یہ ہنگامہ قرآن کی تعلیمات کے بھی سراسر منافی ہے۔ اجتماعی معاملات کےلئے قرآن میں واضح ہدایات موجود ہےں۔ فرمایا گیا: و امرہم شورٰی بینھم۔(وہ اپنے معاملے باہم مشورے سے طے کرتے ہیں) ۔شوریٰ نے غور و فکر کے بعد ایک فیصلہ صادر کردیا ۔ ایمان کا تقاضا ہے کہ اس پر ہنگامہ آرائی نہ کی جائے بلکہ اسے قبول کیاجائے۔ البتہ اگر اس پر دلجمعی نہیں ہورہی تو پھر احسن طریقے سے ارکان شوریٰ سے رجوع کیا جاتا۔ اللہ کا حکم ہے : اطیعواللہ و اطیعو الرسول و اولی الامر منکم ۰ دارالعلوم کے تعلق سے اولی الا مر اس کی شوریٰ ہے۔ اس سے وابستہ ہر شخص پر لازم ہے کہ اس کے فیصلہ کو قبول کرے۔ اس پر ہنگامہ آرائی اور اشتیار بازی کرکے ملت میں انتشار اور غیروں کومضحکہ اڑانے کا موقع فراہم کرنا اور دعوٰی کرنا کہ ہم ہی اصلاً دین مبین کے اور دارالعلوم کے سچے امین اور محافظ ہیں، بڑا مغالطہ ہے۔جو نفوس اللہ کی،اس کے رسول کی اور اولی الامر کی پیروی نہیںکرتے وہ اپنے نفس کی پیروی کرتے ہیں اوراپنے نفس کی پیروی باجماع امت شرک کے زمرے میںآتی ہے، جیساکہ شیخ سیدابوالحسن علی ہجویریؒ (داتا گنج بخش) نے ’کشف المحجوب ‘میں، امام غزالی ؒ نے’ کیمیائے سعادت ‘میں، شاہ محمد اسمٰعیل شہید نے ’تقویة الایمان‘ میں اور تسلسل کے ساتھ جملہ مفسرین اور شناوران شریعت اور طریقت نے واضح فرمادیا ہے ۔ اللہ ان کی قبروں کو نور سے بھردے۔ اللہ تعالیٰ کا بڑا فضل اورکرم ہے کہ اس نے اپنے بندوں کےلئے توبہ و استغفار کا دروازہ کھلا رکھا ہے اور اس میں جلدی کرنی چاہئے۔

For news in Urdu visit our page : Latest News, Urdu News

دیوبند پر تسلط کے لئے ایک اور جنگ

2011-02-02T23:03:00.002+05:30

ایم جے اکبر
عصری دنیا میں فاش غلطیوں اور زبردست قسم کی نادانیوں میں سے ایک کسی بھی مذہب کے عالم یا رہنما کو کارٹونی شکل میں پیش کرنا ہے۔اور اسی لئے ایک امام کا خاکہ لمبی اور پھیل ہوئی ڈاڑھی اور ترچھی نگاہ کے ساتھ، پنڈت کوبالوں کے الجھے گچھے اور بڑی سی توند کی شکل میں اور کسی پادری کو ایک لمبے چوڑے ہوا دار جبا پہنے ترچھی نظروں سے دیکھتے ہوئے دکھایا جاتا ہے۔مذہبی رہنماﺅں کے اس انداز میں خاکے بنانے کی بیہودگیاں در اصل دور حاضر میں ہماری زوال پذیر اخلاقی قدروں کی مظہر ہیں اور کچھ مذہبی رہنماﺅں کے طبقے میں انقلابی کیفیت کے پیدا ہو جانے کی وجہ سے بھی ہے جو تشدد کو ایک محترم اور بڑی طاقت کے نام سے موسوم کر کے اسے حق بجانب قرار دیتے ہیں۔
مذہب ، مسجد ، مندر یا گرجا گھر زیادہ تر انہی افراد کی روایتی پناہ گاہ رہے ہیں جو مطلق العنان حکمرانوں اور ڈکٹیٹرشپ کی متعدد اقسام کے خلاف جہد مسلسل کے شکار رہے چکے ہیں ، جوکہ انسانی تاریخ کا ایک بڑا لمیہ رہا ہے۔ خدا کا تصور انسان کے لئے مصیبت کی اس گھڑی میں اکثر راحت کا ذریعہ بنتا ہے، جب اسے انسانوں کے ہاتھوں دکھ وتکلیف اٹھانی پڑتی ہے۔ مذہب اکثر مزاحمت کی ہی علامت ہوتا ہے، جیسا کہ مطلق العنان عرب حکمراں اب محسوس کر رہے ہیں جب کہ وہاں کے گلی کوچے اس وقت ڈکٹیٹرشپ کے خلاف زبردست عوامی احتجاج ومظاہروں کے نعروں سے گونج ر ہے ہیں اور خفیہ ایجنسیوں کو ان کی ناکا می کااحساس دلا رہی ہیں ۔
قابل حکومتیں خواہ وہ ڈکٹیٹروں کی ہوں یاجمہوریت پسندوں کی ، مذہبی رہنماوں کی طاقت کو اچھی طرح پہچان چکی ہیں اور اس کے لئے وہ دوہری حکمت عملی اپناتی ہیں ، جس کے تحت انتہاپسندی کے نظریات کو سختی کے ساتھ کچل کر وہ مذہبی رہنماوں کو چاپلوسی اور رشوت کے ذریعہ مسلسل اپنی حمایت میں رکھتی ہیں۔ مذہبی رہنماوں کی آزمائش امن وامان کے حالات کے تحت نہیں، بلکہ ان کا اصل امتحان سماجی وسیاسی زیادتیوں کے دور میں ہی ہوتا ہے۔
اگر ہم ہندوستانی مسلمانوں کی زندگی میں اور بالخصوص شمالی ہند میں علماکے اثرات کو سمجھنا چاہتے ہیں تو ہمیں اس معیاری کردار پر نظر ڈالنی ہوگی، جو کہ 19ویں صدی کے زوال کے دور میں ان علماءنے اداکیا ہے۔ اس پر آشوب دور میں امن واستحکام کے تقریباً سبھی ستون یا توگر گئے یا انہوں نے برطانوی سا مراج کی بڑھتی ہوئی طاقت کے سامنے گھٹنے ٹیک دیئے تھے۔ اس وقت ایک مذہبی رہنما ہی تھا جس نے ملت کا شیرازہ بکھرنے نہیں دیا اور اسے متحد رکھاجب شاہ ولی اللہ کے مدرسہ کے طلبا یا طالبان کا انقلابی گروپ سیاسی اختیارات کی بحالی کے لئے جہاد کے لئے نکل پڑاتھا ، یہی مذہبی رہنماتھے، جو پورے فرقے کو متحدرکھ پائے تھے۔ وہ جنگ تو ناکام ہو گئی تھی، تاہم جو لوگ جنگ میں شامل نہیں ہوئے تھے انہو ںنے مسلم فرقے کے سب سے نچلے طبقے کی ، جو کہ اس وقت نہ صرف زبردست اقتصادی و سماجی دباو کا شکار تھا، بلکہ اسے اپنے وجود اور زبان و ثقافت کی بقا کا خطرہ بھی لاحق ہو گیا تھا، غیر معمولی قائدانہ خدمات انجام دی تھیں۔ اس طرح کے اتھل پتھل اور پرُفتن حالات میں ہی تقریباً ڈیڑھ صدی قبل دارالعلوم دیو بند کی شکل میں ایک ادارہ وجود میں آیا تھا۔
اس ادارے کے بانیان نے برطانوی سامراج سے ایک روپیہ بھی عطیہ کے طور پر لینے سے انکار کر دیا تھا اور اس کے اساتذہ اور طلبا وہی معمولی کھانا کھاتے تھے جو مقامی لوگ انہیں صبح پہنچایا کرتے تھے۔ مہاتما گاندھی نے اس ادارے کی صرف مذہبی اہمیت کو ہی تسلیم نہیں کیا تھا، بلکہ وہ ان اثرات سے بھی بخوبی واقف تھے، جو اس کے اساتذہ و طلبا عوام الناس پر رکھتے تھے۔ دیوبند کی، 20ویں صدی کے اوائل کی ان نوابوں اورجاگیر داروں کے تسلط والی مسلم سیاست کے لئے ایک متضاد حیثیت تھی۔
مغربی اثرات کے تحت دیوبند کی تصویر اکثر ایک خراب ادارے کے طور پر پیش کی جاتی ہے۔ یہ صحیح ہے کہ وہاں کچھ ایسے عناصر بھی ہیں، جنہوں نے اپنے اعلانات کے ذریعے اسے ایک فتویٰ فیکٹری میں تبدیل کر دیا ہے اور اس کے اثرات کو مسخ کر کے تشدد کی راہ کا جواز فراہم کرنے کی بھی کوشش کی ہے، تاہم یہ حقیقت بھی اپنی جگہ مسلمہ ہے کہ کسی بھی عظیم تعلیمی مرکز میں کچھ ایسے بچے بھی ہوتے ہیں جو اپنے والدین کی علم ودانش کی وراثت کی بدنامی کا ذریعہ بن جاتے ہیں۔ کمزور طبقات سے تعلق رکھنے والے مسلمانوں کے لئے دیوبند کی حیثیت ایک بے مثال تعلیمی وسیلے کی ہے۔ یہ ادارہ صرف ان طلبا کی امید اور خوابوں کی تعبیر کا ہی مرکز نہیں ہے۔ جو اسے باری تعالیٰ کی حمدو ثنا کا ایک ذریعہ بنانا چاہتے ہیں ، بلکہ اس کی اہمیت ان طلبا کے لئے بھی ایک بے مثال تعلیمی ادارے کی ہے جو اپنے مستقبل کی تعبیر کے لئے میں اسے ایک بہترین ذریعہ مانتے ہیں۔ مسلمانوں کے دل میں اس ادارے کے لئے پائے جانے والے عقیدت و احترام کے جذبات نے اسے ایک طاقتور مرکز کی شکل دے دی ہے اور جہاں طاقت ہوتی ہے وہاں سیاست کا ہونا لازمی ہے۔ اس وقت جس طرح کی رسہ کشی ہمارے سامنے ہے، وہ مختلف گروپوں اور مفاد پرستوں کے درمیان دیوبند کے کنٹرول کے لئے جاری ایک سیاسی جنگ ہی ہے۔
مولانہ غلام وستانوی کی مہتم یا وائس چانسلر کے طور پر تقرری سے پیدا شدہ بے چینی کی کئی وجوہات ہیں۔ وستانوی ایک غیر معمولی شخصیت ہیں ، جنہوں نے 1979میں گجرات و مہاراشٹر کے سرحدی قبائلی علاقے میں ایک جھونپڑی میں 6طلبا کے ساتھ ایک اسکول کی ابتداءکر کے اسے ایک ایسے ادارے کی شکل دے دی تھی جس میں ملک کے مختلف علاقوں کے تقریباً 2لاکھ طلبا اب زیر تعلیم ہیں۔ یہی وجہ ہے کہ وہ یوپی سے باہر والے ایسے پہلے شخص ہیں جنہیں اتنا بڑا عزاز و ذمہ داری سونپی گئی ہے۔ ادارے میں ان کی موجودگی ان اصلاحات کی علامت ہے، جس کے لئے وہاں کے طلبا تر ستے رہے ہیں۔ تاہم ان کی موجودگی سے کچھ ایسے عناصر کو بھی خطر ہ لاحق ہو گیا تھا جو دیوبند کا استعمال دہلی اور بیرونی ممالک سے حاصل ہوے والے ذاتی فوائد کے لئے کرتے رہے ہیں۔ ان عناصر نے اپنے ذاتی مفادات کے تحت مولانا وستانوی کو کسی نے کسی بہانہ سے چیلنج تو کرتا ہی تھا۔ اتفاق سے طاقت کے بھوکے کچھ صحافیوں کی وہاں موجودگی کی وجہ سے ان کو ایک آسان جذباتی بہانہ مل بھی گیا۔
دیوبند جیسا کہ اس سے قبل بھی وہاں ہو چکا ہے، فی الحال ایک دوراہے پر کھڑا ہے۔ اگر دیوبند اس مذہبی گروپ کی ملکیت بن گیا جو اپنی طمع وہوس کے تحت اس کے عظیم نام نامی کا استحصال کرنا چاہتے ہیں تو مولاناوستانوی کو وہاں سے باہر کا راستہ دکھا دیا جائے گا لیکن اگر دیوبند اپنے بانیوں کی ان اعلیٰ اقدار اور اصولوں کے تئیں ایماندار رہتا ہے تو وہاں ضرور اس تعلیمی اصلاح وآزاد افکار و نظریات کی راہ ضرور ہموار ہوگی جس کے تحت کمزور مسلم طبقات کے بچے تعلیم کے زیور سے آراستہ ہو کر ایک معزز اور مراعات یافتہ شہری بن جاتے ہیں۔

Read In English

For news in Urdu visit our page : Latest News, Urdu News

پشاور میں زبردست بم دھماکہ11ہلاک

2011-02-02T23:02:00.002+05:30

پشاور: پاکستان کے خیبر پختون خوا کے دارالحکومت پشاور میں ایک طاقتور بم دھماکے میں کم از کم 11افراد ہلاک اور 32زخمی ہو گئے۔یہ فلک شگاف دھماکہ شہر کے مضافات میں بدھا بیر علاقہ میں ہوا۔یہ بم ایک گاڑی میں نصب کیا گیا تھا جو اس دھماکے سے مکمل طور پر تباہ ہو گئی۔ ایک سینیر افسر سراج احمدکے مطابق کئی گاڑیوں اور قریب ہی واقع دکانوں کو اس دھماکے سے نقصان پہنچا۔ایک سینیر پولس افسر لیاقت علی نے بتایا کہ پولس اور بم ڈسپوزل اسکواد نے علاقہ کی گھیرابندی کر دی ہے۔ کہا جاتا ہے کہ اس دھماکے کا مقصد قریب ہی واقع تھانے کو اڑانا تھا لیکن دہشت گرد اس تھانے کی عمارت کے اطراف زبردست پہرے کی وجہ سے وہاں تک نہ پہنچ سکے اور گاڑی دور ہی پارک کر کے فرار ہو گئے۔خیبر پختون خوا کے ایک وزیر بشیر بلور فوراً ہی جائے واردات پہنچ گئے اور انہوں نے وہاں حالات کا جائزہ لینے کے بعد اس دہشت گردانہ حملے کی سخت مذمت کی۔

Read In English

For news in Urdu visit our page : Latest News, Urdu News

مصر میں حکومت مخالف مظاہروں کے دوران ہزاروں قیدی جیلوں سے فرار

2011-02-02T00:18:00.002+05:30

قاہرہ: مصر میں حکومت مخالف مظاہروں کے ساتویں روز ہزاروں قیدی جیلوں سے فرار ہو گئے۔ایک سیکورٹی اہلکار نے بتای کہ شمالی قاہرہ کے وادی نصرون میں محافظوں کو قابو کر کے ہزاروں قیدی فرار ہونے میں کامیاب ہو گئے۔ان میں اسلام پرست سیاسی قیدیوں کی اکثریت ہے۔یہ تمام قیدی فرار ہو کر قریبی قصبوں اور دیہات میں رو پوش ہو گئے۔فایوم کی جیل میں قید درجنوں قیدی پولس سے تصادم کے دوران فرار ہو گئے اس تصادم میں ایک پولس اہلکار ہلاک ہو گیا ۔ مشرقی قاہرہ میں ابو زابیل جیل میں ہوئے تشدد میں آٹھ قیدی ہلاک ہو گئے۔مصر کی اور بھی کئی چھوٹی بڑی جیلوں سے قیدی فرار ہو گئے لیکن ان کی صحیح تعداد کا علم نہیں ہو سکا ہے۔مصر میں حکومت مخالف مظاہروں کو کچلنے اور امن و امان قائم رکھنے کے لیے فوج کو مداخلت کرنے کا حکم دینے کے باوجود ملک بھر میں زبردست مظاہرے جاری ہیں اور ملک کے کئی حصوں میں مظاہرین کے آگےپولس کے بے بس ہو جانے کی وجہ سے ہر طرف افراتفری مچی ہوئی ہے ۔

Read In English

For news in Urdu visit our page : Latest News, Urdu News

ایمس میں8سالہ مریض کے ساتھ ڈاکٹر نے بد فعلی کی

2011-02-02T00:17:00.002+05:30

نئی دہلی : ایک اتہائی غیر انسانی اور وحشیانہ حرکت کرتے ہوئے آل انڈیا انسٹی ٹیوٹ آف میڈیکل سائنسز (ایمس) کے ایک ڈاکٹر نے ایک 8سالہ بچے کے ساتھ بدفعلی کی۔ اس بچے کے دماغ میں پھوڑا تھاجس کا تین روز قبل ہی آپریشن کیا گیا تھا۔اس واردات کا انکشاف اس وقت ہوا جب بچے کے والدین نے اسپتال کے حکام سے اس کی شکایت کی۔اسپتال کے ایڈمنسٹریشن نے اس کی انکوائری کے احکام جاری کر دیے ہیںاور اس کے لئے سینیر ڈاکٹر اے سی امینی کی سربراہی میں ایک پینیل تشکیل دے دیا گیا ہے۔اس بچے کے گھر والوں نے الزام لگایا کہ 23جنوری کو یہ واقعہ پیش آیا ۔یہ بچہ شمال مشرقی دہلی کے ہردیو پوری کا رہنے والا تھا اور 18جنوری کو اسے اسپتال میں داخل کیا گیا تھااور دو روز بعد اس کا آپریشن ہوا تھا ۔ اسے 24جنوری کو ڈسچارج ہونا تھا کہ عین ایک روز پہلے ایک ڈاکٹر نے اس کے ساتھ یہ حرکت کی۔اس سلسلہ میں کوئی کیس درج نہیں کیا گیا ہے۔

Read In English

For news in Urdu visit our page : Latest News, Urdu News

چین نے کرماپا سے کسی بھی قسم کے تعلق کی سختی سے تردید کی

2011-02-02T00:16:00.002+05:30

بیجنگ: چین نے اس امر کی تردید کی ہے کہ تبتی کرما کاگیو فرقہ کے سربراہ کرماپا کا اس سے کوئی تعلق ہے یا وہ اس کا جاسوس ہے۔اس نے یہ بھی کہا کہ اس سلسلہ میں چین کے خلاف ہندوستان کے الزامات اس بات کی غمازی کرتے ہیں کہ ہندوستان کو چین پر اعتماد اور بھروسہ نہیں ہے۔چین کی حکمراں جماعت کمیونسٹ پارٹی کی سینٹرل کمیٹی کے یو نائیٹڈ فرنٹ ورک ڈپارٹمنٹ کے ایک اہلکار ژو زیتاﺅ کے مطابق ہندوستانی میڈیا میں کرماپاپر چینی جاسوس ہونے کی قیاس آرائیاں اس بات کا واضح ثبوت ہیں کہ ہندوستان کا چین کے تئیں عدم اعتماد کا رویہ برقرار ہے۔کمپارا کے زیر نگرانی چلائے جانے والے ٹرسٹ کے دفاتر پر چھاپوں کی خبروں پر ابتدائی رد عمل میں ہندوستانی پریس نے کہا تھا کہ 1951میں تبت کی پرامن آزادی کے بعد چین کی جانب سے پہلی بار کسی کرماپا بھکشو کو تسلیم کیا گیا ہے۔اور اس کا مجسمہ بھی لگایا گیا ہے۔ دلائی لامہ اور حکومت چین دونوں نے ہی اسے17واں کرماپا تسلیم کیا ہے۔کرماپا تبتی بدھ روحانیمذہب میں تیسری پوزیشن رکھتے ہیں جبکہ پنچن لامہ کی دوسری پوزیشن ہے۔ اور پنچن لامہ کی دوسری پوزیشن کو دلائی لامہ تسلیم نہیں کرتے کیونکہ یہ پوزیشن انہیں چین نے دی ہے۔کرماپا 1999میں مذہبی عمل کی تکمیل کے لئےچین چھوڑ کرہندوستان آگئے تھے ۔ژو نے کہا کہ کرماپا کے مشیر کرما توپدین کی وضاحت ان کی ہند آنے کا سبب بتانے کوکافی ہے کہ چونکہ کرماپا کے مسلک کے تمام بڑے علماءہندوستان میں ہی مقیم ہیں اس لئے وہ اپنی روحانی تعلیم کی تکمیل کے لئے ہندوستان آگئے۔کرماپا نے ، جن کا اصل نام اوگیان ٹرینلی دورجی ہے، کہا کہ ان کا ہندوستان آنے کا مقصد دلائی لامہ کا آشیر واد لینا تھا۔

Read In English

For news in Urdu visit our page : Latest News, Urdu News

مصر ی بحران کے نتائج پاکستان پر بھی مرتب ہو سکتے ہیں

2011-02-02T00:13:00.003+05:30

اسلام آباد: تیونیشیا کے بعد یمن اور خاص طور پر مصر میں جو بحران پیدا ہوا ہے اس کے اثرات سے پاکستان بھی محفوظ نہیں رہ سکتا۔ ایک پاکستانی اخبار نیوز انٹرنیشنل نے اپنے اداریہ میں لکھا ہے کہ مصر میں تبدیلی کے نتائج پاکستان پر بھی مرتب ہوںگے ۔ جو پاکستان کو یہ سبق دے رہے ہیں کہ جو حکمراں اپنی عوام کی آوازوں پر کان نہیں دھرتے اور ان کی توقعات پر پورا نہیں اترتے تو اس کا کیا انجام ہوتا ہے۔ اداریہ میں کہا گیا ہے کہ مصر میں اتنی تیزی سے تغیرات ہو رہے ہیں کہ عالمی سفارتی برادری بھی اتنی تیزی سے حرکت میں نہیں آسکتی اور نہ ہی اس کی رفتار کا مقابلہ کر سکتی ہے۔اخبار رقمطراز ہے کہ صدر حسنی مبارک نے ان کی معزولی کا مطالبہ کرنے والے عوام کے غصے کو ٹھنڈا کرنے کے لئے کچھ بھی نہیں کیا۔یہکہتے ہوئے کہ اکثر مقامات سے پولس غائب ہو گئی فوج بھی صورت حال پر قابو پانے کے لئے میدان میں تو ہے لیکن وہ بھی مظاہرین کے خلاف کوئی خاص کارروائی نہیں کر رہی ۔ اداریہ میں یہ بھی کہا گیا ہے کہ ابھی تک یہ مظاہرے سیکولر نوعیت کے ہیں اور اس میں کوئی مذہبی رنگ آمیزی نہیں ہوئی ہے۔اس میں کوئی شک نہیں کہ یہ انقلاب رہے یا نہ رہے حسنی مبارک کے اقتدار کے دن ضرور پورے ہوتے نظر آرہے ہیں۔چونکہ مصر کا سیاسی بنیادی ڈھانچہ کمزور پڑ رہا ہے اس لئے فوج اقتدار سنبھال سکتی ہے اور موجودہ حالات اس بات کے مظہر ہیں کہ فوج حسنی مبارک کی ساتھ نہیں دے گی۔یہ کہتے ہوئے کہ مصر عرب دنیا کا یک اہم ملک ہے اور عالم عرب میں تبدیلی کی بنیاد ہے۔ اور اس قسم کی تبدیلیاں و تغیرات کا لامحالہ پاکستان پر بھی اثر پڑے گا اور تیونیشیا، یمن اور اب مصر سے یہ پیغام آہی چکا ہے کہ جو حکمراں اپنی عوام کی آواز کو نقار خانے میںطوطی کی آواز بنا دیتے ہیں ان کا کیا حشر ہوتا ہے اور اس کے کتنے سنگین نتائج برآمد ہوتے ہیں۔اسرائیل بھی مصر کے حالات کو تشویش بھری نگاہوں سے دیکھ رہا ہے اورمتعجب ہے کہ 1978کے بعد سے مصر میں جو استحکام آیا تھا کیا وہ داﺅ پر لگ گیا ہے۔

Read In English

For news in Urdu visit our page : Latest News, Urdu News

ہندوستان نے جاسوسی کے الزام میں گرفتار چینی عورت کو رہا کر دیا

2011-02-02T00:13:00.000+05:30

نئی دہلی : ہندوستان میںمیزائیل تعیناتی کی جاسوسی کرنے کے الزام میں یکم جنوری کو گرفتار کی جانے والی چینی عورت کو ہندوستانی ایجنسیوں نے رہا کر دیاحالانکہ وہ ایک چینی ٹمبر کمپنی کی ملازم کے طور پر ہندوستان آئی تھی لیکن اس نے ناگا باغی لیڈر تھوئنگ لینگ موویاسے ہانگ کانگ کے ٹی وی رپورٹر کی حیثیت سے ملاقات کی تھی۔ اس عورت کا نام وینگ کنگ ہے اور اس کے بارے میں کہا جا رہا ہے کہ وہ بغیر کسی اجازت کے این ایس سی این آئی ایم کے ہیڈ کوارٹر میں جا کر موویا سے ملی تھی۔ لیکن این ایس سی این آئی ایم نے ایسی کسی ملاقات سے انکار کیا ہے۔میدیا کی خبروں کے مطابق ہندوستان کے پاس ایسے پختہثبوت ہیں کہ چین نے شملا مشرقی ہندوستان میں سرحد سے متصل علاقوں میں نصب لمبی دوری کے میزائیلوں سے متعلق اطلاعات بہم پہنچانے کیذمہ داری شمال مشرقی خطہ کی انتہا پسند تنظیموں کو سونپ رکھیہے۔خفیہ ایجنسیوں کے مطابق 2010کے اوائل میں ہی حکومت کو اس کا علم ہو گیا تھا کہ چین این ایس سی این آئی ایم کے علاوہ بھی شمال مشرقی خطہ کی کئی دیگر دہشت گرد تنظیموں سے پینگیں بڑھانے کی کوشش کے ساتھ ساتھ انہیں ہر قسم کی ٹریننگ بھی دے رہا ہے۔گذشتہ سال بھی حکومت کو یہ اطلاع ملی تھی کہ منی پور میں سرگرم دہشت پسند تنظیم یو این ایل ایف کو چین کی جانب رخ کر کے رکھے گئے لمبی دوری تک مار کرنے والے میزائیلوں کے بارے میں معلومات حاصل کرنے کی ذمہ داری دی گئی تھی۔

For news in Urdu visit our page : Latest News, Urdu News

جھارکھنڈ کے ایک گاﺅں کے نوجوان کو دیکھتے ہی ہر سانپ مر جاتا ہے

2011-02-02T00:12:00.002+05:30

رانچی: سانپ بچھو اور چوہے کھانے کے بارے میں تو سب نے ہی بہت کچھ سنا ہوگا لیکن سانپ کسی انسان کو دیکھتے ہی مر جائے یا اسکا سایہ دیکھتے ہی ڈر کر کہیں دبک جائے ایساواقعہ نہین سنا ہوگا لیکن اپنی نوعیت کی یہ حیرت انگیز داستان چائباسہ کے نووا منڈی کے ایک ا یسے نوجوان کی ہے جو چھوٹے موٹے کیڑے مکوڑے یا چھپکلیاں اور کاکروچ جیسی معمولی چیزیں نہیں کھاتا بلکہ بچھو اور سانپ اس کی مرغوب غذا ہیں اور سانپ کو کاٹ لیتا ہے تو سانپ مر جاتا ہے۔اس نوجوان کا نام بامیا بوبونگا ہے وہ ابھی صرف 16برس کا ہی ہے ۔ ایک بار اس نے ایک سانپ کو دوڑا کر زندہ پکڑ لیا اور قبل اس کے کہ سانپ اسے کاٹتا اس نے سانپ کو کاٹ لیا اور سانپ نے فوراً ہی دم توڑ دیا۔مقامی باشندوں کا کہنا ہے کہ اس نوجوان کے پورے جسم میں زہر پھیل گیا ہے اور یہ کسی کو اگر تھپڑ بھی مار دیتا ہے یا اس کے ناخن سے کسی کو خراش آجاتی ہے تو وہ بیہوش ہو جاتا ہے۔ سانپوں کا یہ عالم ہے کہ وہ اس کا سایہ دیکھتے ہی جہاں ہوتے ہیں وہیں دبک جاتے ہیں اور اس وقت تک وہاں رکا رہتا ہے جب تک کہ یہ نوجوان اس سے دور نہ چلا جائے۔سنپیرے کی تو بین پر سانپ رقص کرتے ہیں لیکن یہ لڑکا بغیر بین کے ہی سانپوں کو اپنے اشاروں پر نچاتاہے اور سانپ اس کے کہنے پر وہاں سے چلا جاتا ہے۔ایک بار اس نوجوان نے سانپ پر نظریں گاڑیں تو سانپ وہیں مر گیا۔یہ لڑکا نووا منڈی سے تقریباً 35کلو میٹر دور واقع گاﺅں بڑا پاسویا میں رہتا ہے۔مقامی لوگ بتاتے ہیں کہ جب یہ لڑکا تین سال کا تھا تب ہی اس کی ماں کا انتقال ہو گیا تھا اور چھ سال بعد باپ بھی مر گیا۔ جس کے بعد یہ اکیلا سا ہو گیا یہ چرواہا بن گیا۔ اسی دوران جنگل میں رہنے اور غربت کی وجہ سے وہ سانپ چوہے سمیت کئی جنگلی جانور کھانے لگا جس کی وجہ سے وہ زہریلا ہو گیا۔

For news in Urdu visit our page : Latest News, Urdu News

وینا ملک مولویوں پر برسی

2011-02-02T00:11:00.000+05:30

لاہور: بگ باس اور اسپاٹ فکسنگ سے موضوع بحث بننے والی وینا ملک نے اپنے بھڑکیلے اور عریاں لباس تنقید کرنے والے علماءکو آڑے ہاتھوں لیتے ہوئے پاکستان کی عورتوں کو فرسودہ لباس پہننے اور ناموس کے نام پر مارے جانے کے خوف سے باہر نکلنے کی اپیل کی ہے۔پاکستانی اداکارہ نے کہا کہ اگر کوئی عورت برقعہ پہن کر اچھا محسوس کرتی ہے تو اسے برقعہ ہی پہننا چاہئے لیکن اگر کوئی مسلم عورت جینز پہننا چاہتی ہے تو اسے جینز پہننا چاہئے یہ ہر ایک کی اپنی اپنی پسند ہے۔ایک آسٹریلیائی اخبار میں شائع خبر کے مطابق ایک ٹاک شو میں مولویوں کے ذریعہ کی جانے والی تنقید کابڑی بیباکی اور بے خوفی سے جواب دیا اور کہا کہ اسلام میں کسی غیر عورت پر دوسری نگاہ ڈالنا سخت منع ہے تو آپ کو بھی سزا ملنی چاہئے۔ واضح رہے کہ یہ بات وینا ملک نے اس ٹاک شو میں کہی جس میں مفتی عبد القوی بھی تھے اور انہوں نے وینا ملک کو بے غیرت کہا تھا۔وینا نے کہا کہ اگر میں غلط ہوں تو آپ بھی غلط ہیں کہ غیر عورت پر بار بار نظر ڈال رہے ہیں ۔

For news in Urdu visit our page : Latest News, Urdu News

کابل کے سپر بازارمیں بم دھماکہ 6ہلاک

2011-01-30T00:22:00.002+05:30

کابل : یہاں سپر بازار کے ایک بڑے جنرل اسٹور میں زبردست بم دھماکے میں کم از کم 6افراد ہلاک ہو گئے۔ اس مشہور اسٹور پر ہمہ وقت غیر ملکیوں کی بھیڑ رہتی ہے۔وزارت داخلہ میں انسداد دہشت گردی محکمہ کے سربراہ عبد الغفار سید زادہ نے کہا کہ جمعہ کے اس دھماکے میں ہلاک ہونے والوں میں افغان اور غیر ملکی دونوں شامل ہیں۔دھماکہ ہوتے ہی اسٹور کی بلڈنگ میں آگ لگ گئی اورڈبہ بند خوراک کا ذخیرہ اور دیگر تجارتی سامان دھوئیں سے بھری اس بلڈنگ کے فرش پر جا بجا پھیل گیا جس کی وجہ سے پولس افسروں کو اسٹور کے اندر داخل ہونے میں زبردست پریشانیوں کا سامنا کرنا پڑ رہا ہے۔یہ اسٹور وزیر اکبر خان علاقہ میں واقع ہے ۔ یہ وہعلاقہ ہے جہاں غیر ملکی اور دولتمند افغان ہی رہائش پذیر ہیں۔

Read In English

ممبئی میں شیلا کی جوانی گانے نے ایک شخص کی جان لے لی

2011-01-28T17:30:00.000+05:30

ممبئی : یہ شیلا کی جوانی گانا نہ معلوم کیا کیاستم ڈھائے گا۔ اس گانے نے ملک کے مختلف حصوں میں اپنے منفی اثرات مرتب کرنے شروع کر دئے ہیں ۔ اس گانے نے ہی ایک بار پھر تنازعہ کھڑا کر دیا اور دو گروپوں میں ایسی آگ لگائی کہ ایک شخص کو اس وقت جان سے ہاتھ دھونا پڑاجب ممبئی کے باندرہ علاقہ میں اس گانے پر دو گروہوں میں تکرار ہو گئی جس نے ہاتھا پائی کی صورت اختیار کرلی ۔واقعہ یوں بتایا جاتا ہے کہ ایک عورت علی الصباح باندرا کے ٹرانزٹ کیمپ میں اپنے گھر کی جانب جارہی تھی کہ نشہ میں دھت کچھ لوگوں نے اس پر آوازے کسے اور شیلا کی جوانی گانا شروع کر دیا۔اس عورت نے گھر پہنچ کر اپنے رشتہ داروں سے اس کی شکایت کی جنہوں نے ان لوگوں کے رشتہ داروں سے بات کرنے کا فیصلہ کیا۔باندرہ پولس اہلکاروں کے مطابق اس عورت کے کچھ رشتہ داروں کی بھابھا اسپتال میں ان لوگوں کے رشتہ داروں سے کہا سنی ہو گئی جس نے ہاتھا پائی کی شکل اختیار کر لی۔ دونوں فریق اپنیحمایتمیں لوگوں کو جمع کرنے کے لئے منتشر ہو گئے ۔ اسی اثناءمیں رات دو بجے لگ بھگ 450لوگ ٹرانزٹ کیمپ میں جھگڑا کرنے جمع ہو گئے۔ان گانا گانے والے لوگوں کی طرف سےلڑنے کے لئے آنے والوں میں شامل زبیر منصوری نامی تلواروں ، بلموںاور لاٹھیوں کے وار سے زمین پر گر پڑا اور اس نے موقع پر ہی دم توڑ دیا۔ دو افرادساجد قریشی اور امجد شیخ کو اس قتل کے الزام میں گرفتار کر لیا گیا جبکہ 10دیگر فرار ہیں۔ چونکہ اس واقعہ میں دونوں طرف سے سیاسی پارٹیاں شامل ہو گئی ہیں اس لئے پولس پر دونوں ہی طرف سے زبردست دباﺅ پڑ رہا ہے۔عینی شاہدین کے مطابق ساجد اس جھگڑے میں پیش پیش تھا ۔دوسری جانب ساجد کے رشتہ داروں کا کہنا ہے کہ ساجد کو پھنسایا جا رہا ہے۔ اور پولس سچائی جاننے کے لئے اس کا موبائیل فون کا ریکارڈ چیک کر سکتی ہے۔انہوں نے کہا کہ ساجد تو صرف معاملہ رفع دفع کرنے گیا تھا۔

Read In English

For news in Urdu visit our page : Latest News, Urdu News

مودی نے جو کچھ کیا ہے دنیا انہیں کبھی معاف نہیں کرے گی: مولٰنا وستانوی

2011-01-27T23:40:00.003+05:30

دیو بند: گجرات کے وزیر اعلیٰ نریندر مودی کی مدح سرائی کر کے تنازعہ کا شکار ہوکر مستعفی ہونے والے دارالعلوم دیو بند کے نو منتخب مہتمم مولٰنا غلام محمد وستانوی نے کہا کہ وہ استعفیٰ دے کر مسرت محسوس کر رہے ہیں اور انپر استعفیٰ دینے کا کوئی دباﺅ نہیں تھا نیز انہیں مودی کے بارے میں اپنے خیالات پر کوئی افسوس یا پشیمانی نہیںہے۔ تاہم مودی نے جو کچھ بھی کیا ہے اس کے لئے دنیا انہیں معاف نہیں کرے گی۔ نو منتخب و نو مستعفی مہتمم نے کہا کہ گجرات کے لوگ مودی کی اس لئے تعریف کرتے ہیں کیونکہ وہاں جو بھی ترقی ہوئی ہے مودی کا اس میں ہاتھ ہے۔ گجرات میں زبردست ترقی ہو رہی ہے اور ریاست کے ہندو مسلم مل جل کر رہتے ہیں۔ انہوں نے مزید کہا کہ ان کے بیان کا مقصد ہر گز یہ نہیں تھا کہ انہوں نے مودی کو معا ف کر دیا ہے یا مودی بہت نیک انسان ہے۔ انہوں نے جو کچھ کیا ہے دنیا اس کے لئے انہیں کبھی معاف نہیں کرے گی اس لئے وہ کچھ کہنے والے یا مودی کو کلین چٹ دینے والے کون ہوتے ہیں۔دارالعلوم کے نائب مہتمم مولانا عبدالخالق مدراسی نے کہا کہبڑے افسوس کی بات ہے کہ انہیں ادارے میں کام کرنے کی اجازت نہیں دی گئی جبکہ ان کے اثر و رسوخ اور وسائل سے دارالعلوم کو فیض ہی پہنچتا۔انہوں نے مزید کہا کہ مولانا وستانوی نے جو بیان دیا تھا وہ مودی کی تعریف میں نہیںبلکہ گجرات کی ترقی کے بارے میں تھا جس کو ذکر اخبارات میں بھی ہوتا ہے اور انہوں نے جو کچھ بھی کہا وہ انہوں نے دارالعلوم کے مہتمم کی حیثیت سے نہیں بلکہ ایک گجراتی ہونے کے ناطے کہا تھا۔مولانا وستانوی نے کہا کہ دارالعلوم ان سے کہیں زیادہ بڑا ہے اور وہ اس ادارے سے برتر نہیںہیں اس لئے طلبا کی ناراضگی و عنادکے سبب انہوں نے مستعفی ہوجانا ہی بہتر محسوس کیا۔

Read In English

اے آر رحمٰن ڈبلیو ای ایف ایوارڈ سے بھی سرفراز

2011-01-27T23:40:00.000+05:30

دیواس :شہرہ آفاق موسیقار اے آر رحمٰن کو جمعرات کے روز عالمی اقتصادی فورم (ڈبلیو ای ایف) کے کرسٹل ایوارڈ سے سرفراز کیا گیا۔ان کو یہ ایوارڈ ڈبلیو ای ایف کی سالانہ افتتاحی تقریب میں پیش کیا گیا اس تقریب میں دنیا بھر کے ڈھائی ہزار تجارتی، سرکاری ، فن، ثقافت اور مذہبی تنظیموں سے وابستہ اہم شخصیات نے شرکت کی۔ 44سالہ رحمٰن کڑھے ہوئے سیاہ کرتے میں ملبوس تھے ۔ انہیں اس ایوارڈ سے سرفراز کیا گیا ہے جو ڈبلیو ای ایف ان بہترین فنکاروں کو دیتی ہے جنہوں نے اپنے فن کا استعمال محض پیشہ کے طور پر دولت کمانے کے لئے ہی نہیں بلکہ سماجی و خیراتی مقصد کے لئے بھی کیا ہو۔ڈبلیو ای ایف نے سلم ڈاگ ملینائر اور بامبے ڈریم میں رحمٰن کی موسیقی کا ہی اعتراف نہیں کیا بلکہ انہوں نے بچوں کی بہبود کے لئے بھی جو کام کیے ہیں اانہیں مد نظر رکھتے ہوئے بھی انہیں اس ایوارڈ کے لئے منتخب کیا ۔

Read In English

For news in Urdu visit our page : Latest News, Urdu News

کیا سوامی اسیمانند کی جان بھی خطرے میں تھی؟

2011-01-27T23:39:00.002+05:30

سہیل انجم
جیسے جیسے قومی تحقیقاتی ایجنسی این آئی اے اور دوسری تحقیقاتی ایجنسیاں دہشت گردی کے متعدد واقعات میں سازش کی گرہیں کھولتی جا رہی ہیں، رفتہ رفتہ دو سوالات اٹھنے لگے ہیں۔پہلا یہ کہ کیا شر پسندوں کا وہ ٹولہ جو گجرات کے بھیانک فرقہ وارانہ فسادات میں ملوث رہا ہے، ان واقعات میں بھی شامل ہے؟ دوسرا سوال یہ کہ کیا آر ایس ایس کے سابق پرچارک اور سمجھوتہ ایکسپریس بم دھماکوں کے اصل سوتر دھار سنیل جوشی کو جس طرح قتل کر دیا گیا ، سوامی اسیمانند بھی قتل کر دیے جاتے؟ یہ سوالات خود بخود نہیں اٹھ رہے ہیں بلکہ جو ثبوت اور شواہد ایجنسیوں کے ہاتھ لگ رہے ہیں ان کی روشنی میں فطری طور پر یہ سوالات کھڑے ہو رہے ہیں۔ موصولہ اطلاعات کے مطابق این آئی اے کے تفتیش کارگجرات فسادات میں ملوث ودودرہ کے رمیش جینتی اور مہیش گوہل پر نظر رکھے ہوئے ہیں۔ ان پر سمجھوتہ ایکسپریس میں دھماکوں میں ملوث ہونے کا الزام ہے۔ انھوں نے اجمیر دھماکہ کے ایک ملزم ہرشد سولنکی کے ساتھ سنیل جوشی کے گھر میں پناہ لی تھی۔ بعد میں اسی جوشی کا قتل کر دیا گیا۔ یہ بھی اطلاعات ہیں کہ 2004میں انھوں نے اس وقت گجرات کو خیرباد کہہ دیا تھا جب سپریم کورٹ نے بیسٹ بیکری کیس کو دوبارہ کھولنے کی ہدایت دی تھی۔ ایک طرف تفتیش کار ان لوگوں پر نظر رکھے ہوئے ہیں اور دوسری طرف سنیل جوشی کے قتل کے الزام میں بی جے پی کے ایک کونسلر کو گرفتار کر لیا گیا ہے۔ سنیل جوشی کے قتل کی آنچ مالیگاوں دھماکے میں گرفتار سادھوی پرگیہ سنگھ ٹھاکر تک بھی پہنچنے لگی ہے۔ بتایا جاتا ہے کہ پرگیہ سنگھ ٹھاکر سنیل جوشی کے قتل کے روز اس کے گھر گئی تھی اور اس نے وہاں سے ایک بریف کیس لیا تھا اور چلی گئی تھی۔ اس کا انکشاف مقتول کی بھتیجی چنچل جوشی نے کیا ہے۔ اس کا کہنا ہے کہ اس وقت تک اس کو اس کے چچا کے قتل کا علم نہیں ہوا تھا۔
سنیل جوشی کا قتل اس لیے کر دیا گیا کہ بھگوا بریگیڈ کو اندیشہ تھا کہ کہیں وہ سمجھوتہ ایکسپریس بم دھماکوں کی قلعی نہ کھول دے۔ در اصل جب سے ملک میں ہونے والے بم دھماکوں کی جانچ میں سنگھی دہشت گردوں کا نام سامنے آیا ہے، ان پر بوکھلاہٹ طاری ہو گئی ہے۔ انھوں نے ہر اس ثبوت کو مٹانے کی کوشش کی ہے جس سے ان کی کارستانیوں پر نظر پڑے۔ لیکن سادھوی پرگیہ سنگھ، کرنل پروہت اور دوسرے لوگوں کی گرفتاری نے معاملے کو اتنے آگے تک پہنچا دیا ہے کہ اب ان کو اسے روک پانا آسان نہیں ہے۔ بتایا جاتا ہے سوامی اسیما نند کے اعتراف نے اس حلقے میں مزید بوکھلاہٹ پیدا کر دی ہے۔ ان کو اندیشہ ہے کہ کہیں جانچ کی آنچ مزید لوگوں تک نہ پہنچ جائے۔ کیونکہ آر ایس ایس کے ایک بڑے لیڈر کا نام فرد جرم میں داخل ہونے کے بعد سے خوف وہراس میں اضافہ ہو گیا ہے۔ اس کا نام کئی حیثیتوں میں سامنے آیا ہے۔ اس پر پاکستان کی خفیہ ایجنسی آئی ایس آئی سے ساز باز کا بھی الزام ہے۔ اس پر جعلی نوٹوں کے دھندے کا الزام ہے۔ اس پر سمجھوتہ بلاسٹ کے لیے 75ہزار روپے ادا کرنے کا بھی الزام ہے اور سمجھا جاتا ہے کہ سی بی آئی جلد ہی اس سے پوچھ گچھ کرے گی۔ سمجھوتہ بلاسٹ کے لیے فنڈنگ کا انکشاف ایک گرفتار ملزم نے کیا ہے۔ اس نے جانچ ایجنسیوں کو اس بارے میں بہت کچھ بتایا ہے۔ اگر اس بڑے لیڈر کے خلاف کارروائی ہوتی ہے اور اس کو گرفتار کر لیا جاتا ہے تو اس ٹولے پر مزید بوکھلاہٹ طاری ہو جائے گی اور ممکن ہے کہ عجلت میں اس سے ایسی کوئی حرکت سرزد ہو جائے کہ دوسرے لوگ بھی بے نقاب ہو جائیں۔ کچھ جانکاروں کا کہنا ہے کہ جانچ ایجنسیاں پھونک پھونک کر قدم رکھ رہی ہیں اور بہت احتیاط کے ساتھ آگے بڑھ رہی ہیں۔
ادھر سوامی اسیمانند کے بارے میں جانکاروں کا خیال ہے کہ ان کا پوری طرح ”ہردے پریورتن“ ہو گیا ہے۔ وہ اب خود کو اس بھگوا بریگیڈ سے جوڑ کر دیکھے جانے کے حق میں نہیں ہیں۔ اسی لیے جب آر ایس ایس سے وابستہ دو وکلا جو کہ سمجھوتہ کیس کے دوسرے ملزموں کی طرف سے عدالت میں پیروی کر رہے ہیں، ان کے پاس وکالت نامہ لے کر گئے اور ان سے کہا کہ وہ اس پر دستخط کر دیں تاکہ وہ ان کا کیس لڑ سکیں تو اسیمانند نے اس پر دستخط کرنے سے انکار کر دیا اور کہا کہ وہ ان کو اپنا وکیل بنانا نہیں چاہتے۔ اس کے عوض انھوں نے عدالت سے کہا ہے کہ وہ ان کے لیے ایک وکیل کا انتظام کرے۔ ان کے اس رویے سے اندرون خانہ بڑی ہلچل ہے اور آر ایس ایس کے لوگوں کاخیال ہے کہ سوامی انہیں اور بے نقاب نہ کر دیں۔ حالانکہ سوامی کے ونواسی کلیان آشرم کے پروگراموں میں آر ایس ایس کے ٹاپ لیڈر شرکت کرتے رہے ہیں۔ لیکن اب وہی سوامی ان لوگوں سے کوئی رشتہ رکھنا نہیں چاہتے۔ ان کے اس رویے سے بڑے سنگھی لیڈران کے بارے میں بتایا جاتا ہے کہ وہ ناراض ہیں۔ لیکن وہ کچھ کر نہیں سکتے۔ ادھر نچلے رینک کے لیڈروں میں بھی اس پر غم وغصہ ہے۔ ا س لیے ممکن ہے کہ وہ اندر ہی اندر سوامی کے خلاف زہر افشانی کی تیاری کر رہے ہوں۔جانکاروں کا کہنا ہے کہ سوامی نے جو انکشاف کیا ہے اس کے بعد ان کو بھی حالات کا اندازہ ہے اور کم از کم وہ اتنا تو جانتے ہی ہیں کہ ان کا اقبالیہ بیان ان کے خلاف ایک پختہ ثبوت ہے۔ ان کو اس کا بھی اندازہ ہے کہ انہیں پولیس مظالم کا نشانہ نہیں بننا پڑے گا کیونکہ بہر حال وہ اب بھی ایک ”گاڈ مین“ ہیں اور پولیس ہو یا کوئی اور کسی گاڈ مین کو ٹارچر نہیں کرے گا۔ لیکن ان کو اس کا بھی احساس ہے کہ اگر انہیں ضمانت پر رہا کر دیا گیا تو ممکن ہے کہ کوئی سرپھرا ان کے خلاف اپنے دل کی بھڑاس نکالے۔ اس لیے وہ یہی چاہتے ہیں کہ سردست ان کی ضمانت نہ ہو۔
ادھر سنیل جوشی کے قتل کے الزام میں جس مسلم خاندان کو مصیبتیں جھیلنی پڑی ہیں اب بھی اسے انصاف نہیں مل پا رہا ہے۔ حالانکہ اب یہ واضح ہو گیا ہے کہ جوشی کا قتل گھر کے بھیدیوں نے ہی کیا ہے۔ جب سنیل جوشی کا قتل ہوا تو اس کا الزام سیمی پر عائد کیا گیا اور دیواس سے تیس کلو میٹر دور ستر کھیڑا گاوں میں ایک مسلمان خاندان کے گھر پر لوگوں نے حملہ کر دیا۔ انھوں نے وہاں پہنچ کر تشدد آمیز حرکتیں کیں ، آتش زنی کی اور ایک 65سالہ شخص رشید کو گولی مار کر ہلاک کر دیا ۔ اس واردات میں ان کا 27سالہ بیٹا جلیل زخمی ہو گیا۔ دو مزید بیٹو ںکو چوٹیں آئیں اور ایک بیٹی کو جلنے سے زخم آئے۔ 30دسمبر2007کو پیش آنے والے اس واقعے کو گھر کی بزرگ خاتون شیراز بی یاد کرکے کانپ جاتی ہیں۔ نصف گھنٹے سے زائد تک چلے اس خونیں کھیل کے بعد جس میں اس کا شوہر اور ایک بیٹا ہلاک ہوا، انھوں نے اپنا گھر چھوڑ دیا۔ گیارہ جنوری 2008کو اندور کے ایم وائی اسپتال میں جلیل کی موت ہو گئی تھی۔
دہشت گردی خواہ وہ کہیں کی ہو اور کسی بھی مذہب سے وابستہ لوگوں کے ذریعے کی گئی ہو، قابل مذمت ہے اور کوئی بھی مذہب اس کی اجازت نہیں دیتا۔ ابھی گذشتہ دنوں پاکستان میں گورنر سلمان تاثیر کا قتل کر دیا گیا۔ اس کے بعد مذہبی انتہا پسندی میں کافی جوش آگیا ہے۔ ملک کے قانون کو ہاتھ میں لے کر ایک شخص کو قتل کرنے والے کی عزت افزائی کی جا رہی ہے۔ جب تاثیرپر گولیاں چلانے والے ممتاز قادری کو عدالت میں لے جایا گیا تھا تو وہاں موجود وکلا نے اس پر پھول برسا کر اس کا خیر مقدم کیا تھا۔ جس پر ہندوستان سمیت دنیا بھر میں اظہار حیرت کیا گیا تھا۔ لیکن ایسا صرف پاکستان ہی میں نہیں ہوتا۔ بلکہ ایسا ہندوستان میں بھی ہو چکا ہے۔ جب مالیگاو ¿ں بم دھماکہ کے الزام میں کرنل پروہت کو گرفتار کیا گیا اور اسے عدالت میں پیش کیا گیا تو وکلا کے ایک گروپ نے اس پر پھولوں کی بارش کی تھی۔ یا تو اس کو بے قصور سمجھ کر ایسا کیا گیا تھا یا اس کو اس کی کارستانیوں کی وجہ سے عزت دی جا رہی تھی۔ لیکن یہ بات فراموش نہیں کرنی چاہئے کہ دہشت گردی موجودہ عہد میں دنیا کا سب سے بڑا خطرہ ہے اور وہ ایک ناسور ہے جس کا ہر حال میں آپریشن کیا جانا چاہئے۔ اگر کچھ مسلم نوجوان بھٹک کر دہشت گردی میں مبتلا ہو گئے ہیں تو انہیں بھی انصاف کے کٹہرے تک لانا چاہئے اور اگر کچھ وسرے مذاہب کے لوگ بھی اس میں شامل ہو گئے ہیں تو ان کے خلاف بھی کارروائی ہونی چاہئے اورجو لوگ بھی قصور وار ہوں ان کے خلاف سخت ترین کارروائی ہونی چاہئے۔ اس کے ساتھ ہی یہ بھی ضروری ہے کہ دہشت گردی کو کسی مذہب سے نہیں جوڑا جانا چاہئے او رکسی ایک شخص کی کا رستانی کے چلتے اس مذہب کے ماننے والے تمام لوگو ںکے خلاف تعصب اور منافرت کا جذبہ پیدا نہیں ہونا چاہئے۔ اب جبکہ یہ واضح ہو گیا ہے کہ سمجھوتہ بلاسٹ میں وہ لوگ شامل نہیں رہے ہیں جن کو گرفتار کیا گیا ہے اور دوسرے معاملات میں بھی بہت سے بے قصوروں کو پکڑ کر جیلوں میں ڈال دیا گیا ہے، ایسے لوگوں کو رہا کرنے کی کارروائی حکومت کی جانب سے جلد از جلد ہونی چاہئے تاکہ کسی بھی بے قصور کو اس کے ناکردہ گناہوں کی سزا نہ دی جا سکے۔(یو ٹی این)
s_anjum11@yahoo.com- --9818195929

حکومت ایک ہفتہ میں کالا دھن رکھنے والوں کے خلاف کارروائی کی رپورٹ دے: سپریم کورٹ

2011-01-27T23:34:00.002+05:30

نئی دہلی : سپریم کورٹ نے اس تشویش کا اظہار کرتے ہوئے ،کہ غیر ملکی بینکوں میں جمع کالا دھن اسلحہ سودوں، منشیات کے دھندے اور اسمگلنگ کے ذریعہ جمع کیا گیا ہوگا ،حکومت سے کہا کہ اس نے ان افراد یا فرموں کے خلاف کیا کارروائی کی جن کے غیر ملکی بینکوں میں کھاتے ہیں۔جسٹس بی سدرشن کی سربراہی میں معاملے کی سماعت کرنے والی بنچ نے حکومت کو ہدایت کی کہ اگلی جمعرات تک وہ اپنا جواب داخل کر دے۔عدالت عظمیٰ نے حکومت کے علاوہ ریزرو بینک آف انڈیا اور سی وی سی کو بھی ہدایت کی کہ وہ بھی جمعرات تک جواب داخل کر دیں۔ سپریم کورٹ نے یہ احکام اس عذر داری پر جاری کئے جس میں عدالت سے استدعا کی گئی تھی کہ حکومت کو ہدایت کی جائے کہ وہ کرپشن پر اقوام متحدہ کی قرار داد پر عمل کرے جس سے غیر ملکی بینکوں سے کالا دھن ملک میں واپس لانے میں مدد مل سکے گی۔حکومت سے یہ کہتے ہوئے کہ وہ اپنی جانچ کا دائرہ ٹیکس چوری کی حد تک رکھنے کے بجائے کالے دھن کے وسائل کا سراغ لگائے۔بنچ نے کہا کہ عدالت یہ جاننا چاہتی ہے کہ حکومت نے غیر ملکی بینکوں میں اتنی کثیر دولت جمع کرنے والے لوگوں کےخلاف کیا کاررواائی کی اور انہوں نے کن ذرائع سے یہ دولت جمع کی۔عدالت نے کہا کہ یہ لوگ قانون کے پابند ہیں اور ان یہ معلوم ہو جانے کے بعد کہ ان لوگوں کی غیر ملکی بینکوں میں بے تحاشہ دولت جمع ہے حکومت نے ان کے خلاف کیا اقدام کیے۔

Read In English

For news in Urdu visit our page : Latest News, Urdu News

اے آر رحمٰن 83ویں آسکر ایوارڈ کے لئے نامزد

2011-01-27T23:33:00.002+05:30

نئی دہلی : ہندوستان کے مشہور و معروف موسیقار اے آر رحمٰن کو 83ویںآسکر ایوارڈ کے کے لئے دو بار نامزد کیا گیا ہے۔ اے رحمٰن کو دو زمروں کے لئے نامزد کیا گیا ہے۔ایک ڈینی بوائل کی فلم 127گھنٹے کے لئے موسیقی پر اور اور دوسرا ”اف آئی رائز“پر انہیں نامزد کیا گیا ہے۔اے رحمٰن کے مقابلے پر جان پال( ہاﺅ ٹو ٹرین یور ڈریگن) کے لئے، ہنس زیمیر کو انسیپشن کے لئے ، الیکزینڈر دیسپلاٹ کو دی کنگز اسپیچ کے لئے ، ٹرینٹ ریزمور اور اور اٹیکس روز کو دی سوشل نیٹ ورکے لئے تھے۔ اے رحمٰن وقتاًفوقتاً ثابت کرتے رہتے ہیں کہ وہ دنیاکے بہترین موسیقاروں میں سے ایک ہیں۔ اور اگر ا یسی صلاحیت اور قابلیت کا اس فن کے قدر داں اعتراف کر لیں تو یہ پہلے ہی سے اس کے اعزاز و تکریم میں ایک اضافہ ہوتا ہے۔اور اس کے کارناموں میں ایک اور کارنامہ بڑھ جاتا ہے اور رحمٰن وہ خوش نصیب ہیں جنہیں یہ اعزاز حاصل ہے۔

Read In English

For news in Urdu visit our page : Latest News, Urdu News